დღეს ფოთის რამდენიმე უბანს ელექტრო ენერგია არ მიეწოდებოდა, მათ შორის რუსთაველის რკალისა და მშვიდობის ქუჩის მიმდებარე ტერიტორიაზე არსებულ ობიექტებს. თუ რატომ შეუწყდათ ელ. ენერგიის მიღბა ფოთის მოსახლეობას, კომპანია „მეცხრე ტალღა“, „ენერგო პრო ჯორჯიის“ საზოგადოებასთან ურთიერთობის სამსახურის უფროსს, ეკა ურიდიას დაუკავშირდა. ურიდიას განცხადებით სარეაბილიტაციო გეგმიური სამუშაოების გამო ფოთის რამდენიმე უბანზე, ელ. ენერგიიის მიწოდება შეწყვეტილიარის, სამუსაოები 16 საათამდე გაგრძელდება. რამდენიმე უბანს კი ელ.ენერგიის მიწოდება სრულად აღუდგა. ფოთს ამ წუთებისთის ელ.ენერგია სრულად აღუდგა.

იხილე მეტი

2018 წლის პირველი ოქტომბრიდან საქართველოში საკანონმდებლო რამდენიმე ცვლილება და რეგულაცია ამოქმედდაა, კერძოდ, ოქტომბრიდან თბილისში ტაქსის სერვისით მომსახურება ლიცენზიის გარეშე იკრძალება. ტაქსის მძღოლები, რომლებიც რეგისტრაციას არ გაივლიან, დაჯარიმდებიან. ასევე პირველი ოქტომბრიდან საქართველოს მასშტაბით ავტოსატრანსპორტო საშუალებების პერიოდული ტექნიკური ინსპექტირების მესამე ფაზა ამოქმედდაა. კერძოდ, ოქტომბრიდან ინსპექტირება სავალდებულოა ყველა ავტომობილისთვის, რომლის ძრავის მოცულობა 3,000 კუბური სმ ან მეტია. ამ ცვლილებებთან დაკავშირებით ფოთელ მძღოლებს არაერთგაროვანი პასუხები აქვთ, მათი აზრით, ეს რეგულაციები უფრო დიდ პრობლემებს შექმნის და სავარაუდოდ ტარიფებიც გაიზრდება.

იხილე მეტი

ფოთში, პარკი არენაზე, 18 წლამდე ასაკის, მორაგბეთა შორის შეხვედრა გაიმართა. მასში საქართველოს ნაკრების კანდიდატები მონაწილეობდნენ. მორაგბებიი პირობითად დასავლეთ და აღმოსავლეთის ნაკრებებად იყვნენ გაყოფილი. მატჩს 18 წლამდე ნაკრების მწვრთნელები ადევნებდნენ თვალს. მათი განცხადებით, საკმაოდ პერსპექტიული მორაგბეები გამოავლინეს, რაც საქართველოს ნაკრების უძლიერესი სპორცმენებით დაკომპლექტებას შეუწყობს ხელს. მატჩი საბოლოოდ დასავლეთის გუნდის გამარჯვებით 21:17 დასრულდა. თამაშის ბოლოს, ფოთის, კულტურის და სპორტის სამსახურის უფროსმა, მორაგბეები, სიგელებით დააჯილდოვა. ნიკოლოზ გრიგოლიას განცხადებით,პარკი არენაზე, აღნიშნული მატჩი, ნიკო ნიკოლაძის დაბადებიდან 175 წლის იუბილესადმი მიძღვნილი ღონისძიებების ფარგლებში გაიმართა

იხილე მეტი

ფოთში ევროპის მემკვიდრეობის დღეები დაიწყო. ღონისძიება, ფოთის კოლხური კულტურის მუზეუში, ფოთის მუნიციპალიტეტის მხარდაჭერით, მე-5 საჯარო სკოლის მოსწავლეებთან ერთად ჩატარდა. ევროპული დღეების ფარგლებში ღონისძიების მონაწილეებმა ქალაქში საექსკურსიო საფეხმავლო ტური მოაწყვეს. მათ ევროპულ ყაიდაზე დაგეგმარებულ ქალაქში არსებული კულტურული მემკვიდრეობის ძეგლები დათვალიერეს და ევროპელი არქიტექტორების მიერ დაპროექტებული შენობების ისტორიას გაეცნენ. ნიკო ნიკოლაძის კოშკში ახალგაზრდებს ქალაქ ფოთის მერი გოჩა კურდღელია მოადგილეებთან ერთად შეუერთდა და ისტორიული ნაგებობა მოინახულა.

იხილე მეტი

“ევროპული საქართველოს” პრეზიდენტობის კანდიდატი ფოთში მხარდამჭერებს შეხვდა. დავით ბაქრაძესთან საუბარში ადგილობრივები ამბობენ, რომ უმუშევრობის , მძიმე ეკონომიკური მდგომარეობის პრობლემებთან ერთად, ფოთში განსაკუთრებით დგას უსამართლოდ მოხსნილი სოციალური დახმარებების საკითხი. დავით ბაქრაძემ შეხვედრაზე მისულ საზოგადოებას საარჩევნო პროგრამა გააცნო და სამომავლო გეგმებზე ესაუბრა.

იხილე მეტი

პირველად ფოთში, ნიკოლაძის სანაპიროზე, ღია ცის ქვეშ, პოეზიის ფესტივალი გაიმართა, რომელიც საქართველოს მწერალთა კავშირის, ფოთის საქალაქო ორგანიზაციის ინიციატივით ჩატარდა. მაყურებლებლის წინაშე, საქართველოს სხვადასხვა ქალაქიდან ჩამოსული მწერლები და პოეტები თავიანთი ახალ შემოქმედებით წარსდგნენ. პოეზიის ფესტივალის პარალელურად, მდინარე რიონზე, თევზჭერის ღია ტურნირი _ „ოქროს ლოქო-2018“ მიმდინარეობდა. ტურნირში 24 თევზჭერის მოყვარულმა მიიღო მონაწილეობა.ყველაზე დიდი ზომის ლოქო მამია ნიკიფოროვმა დაიჭირა და შესაბამისად ტურნირის მთავარი პრიზის ვერცხლის ფარფლებიან და ოქროსულვაშა ლოქოს ფიგურის მფლობელი გახდა, რომელიც მხატვარმა ბორია პაპსკუამ, სპეციალურად ტურნირისთვის შექმნა. ადვოკატთა ასოციაციის მიერ დაწესებული   პრიზი გადაეცა იური ლომაძესაც, რომელმაც ტურნირის პირველი თევზი დაიჭირა.

იხილე მეტი

ევროპული დღეების ფარგლებში , 28 სექტემბერს საბიბლიოთეკო გაერთიანების ფოიეში, მკითხველთა ჩართულობით, ევროპელ ავტორთა ნაწარმოებების განხილვა -პრეზენტაცია გაიმართა. ღონისძიება გაერთიანების დირექტორმა, ნუნუ ჭელიძემ გახსნა. ისაუბრა ევროპული კულტურის ღირებულებებზე და ზაფხულის კითხვის პროგრამა შეაჯამა. ღონისძიებაში ასევე, მე-2 საჯაროს სკოლის მკითხველთა კლუბი:„ფერადი სტროფების სამყარო“ მონაწილეობდა (ხელმძღვანელი მაკა ვაშაკიძე). დასასრულს მონაწილეებს მადლობის ბარათი გადაეცათ.  

იხილე მეტი

სამეგრელოს ქუჩის მშრალი ხიდის მიმდებარედ, ასფალტის საფარი დაიგო.გზის კაპიტალური რემონტი მოსახლეობის თხოვნის საფუძველზე ჩატარდა.ამ მონაკვეთზე სატვირთო ავტომობილები ხშირად გადაადგილდებიან და ადგილობრივებს, განსაკუთრებით წვიმიან ამინდში დისკომფორტს უქმნიდათ.

იხილე მეტი

ბათუმში, სამეგრელოს რეგიონის მოჭადრაკეთა ბრწყინვალე შედეგით დასრულდა საქართველოს რეგიონული მოსწავლეთა გუნდური ჩემპიონატი ჭადრაკში. ჩვენი რეგიონის ნაკრებმა საქართველოს ვიცე-ჩემპიონის ტიტული მოიპოვა! სამეგრელოს რეგიონის გუნდი შემდეგი შემადგენლობით ასპარეზობდა: გიორგი ნაყოფია, მაია ბეჭვაია, აკაკი ყალიჩავა, ელენე წოწონავა, თეიმურაზ კვიკვინია, ლიზი ფოჩხუა, კახაბერ კიზირია, ანა სანიკიძე. გუნდის კაპიტანი – დიმიტრი კვარაცხელია. გუნდის მწვრთნელი – ირაკლი გეთია. გამარჯვება თბილისის გუნდმა მპიპოვა. III აგდილზე კი – იმერეთის მოჭადრაკეები გავიდნენ. ჩვენი მოჭადრაკეები  ლეგენდარულმა ქართველმა მოჭადრაკეებმა: ნონა გაფრინდაშვილმა, მაია ჩიბურდანიძე, ნანა ალექსანდრიამ, ნანა იოსელიანმა დააჯილდოვეს . საქართველოს ჩემპიონატის მონაწილეები ასევე მსოფლიო საჭადრაკო ოლიმპიადას დაესწრნენ .

იხილე მეტი

ფოთში, ნიკო ნიკოლაძისადმი მიძღვნილი საღამო, არჩილ ხორავას სახელობის სახელოვნებო სასწავლებლის ბაღში გაიმართა. კლასიკური მუსიკის კონცერტი, გამოჩენილი ქართველი პუბლიცისტისა და საზოგადო მოღვაწის დაბადებიდან 175 წლისა და ფოთის სანავსადგურო ქალაქად გამოცხადების 160 წლის იუბილესადმი მიძღვნილი ღონისძიებების ფარგლებში ჩატარდა. ღონისძიებას ფოთთან დაძმობილებული შვედეთის სამეფოდან, ოსტამარის ადმინისტრაციიდან ჩამოსული დელეგაცია ესწრებოდა. საღამოზე სიტყვით ქალაქის ხელისუფლებისა და სამღვდელოების წარმომადგენლები გამოვიდნენ, რომლებმაც ნიკო ნიკოლაძეს ცხოვრებასა და მოღვაწეობაზე ისაუბრეს. კლასიკური მუსიკის კონცერტში, სასწავლებლის წარჩინებული კურს დამთვრბულბი მზეჭაბუკ პაჭკორია, ლიკა ცაავა, თორნიკე სახოკია და თაკო გვასალია მონაწილეობდნენ.

იხილე მეტი