საქართველოს ფეხბურთის ფედერაციის სპორტული სამართლიანობის დაცვის განყოფილებამ უეფას შესაბამისი  სამსახურიდან მიიღო შეტყობინება იმის თაობაზე, რომ ” კოლხეთი 1913″-ის მიერ ადგილი ჰქონდა არაკეთილსინდისიერ ასპარეზობას და მატჩების მსვლელობასა და შედეგზე მანიპულირების მცდელობას. უეფას თაღლითური ფსონების ამოცნობის სისტემის ანგარიშების საფუძველზე დადგინდა, რომ “კოლხეთი 1913”-ის რამდენიმე მოთამაშე ერთმანეთთან შეუთანხმებლად ან ჯგუფურად ახორციელებდა მატჩების მსვლელობასა და შედეგზე მანიპულირებას. სადისციპლინო კომიტეტი გაეცნო წარდგენილ დოკუმენტაციას, მოუსმინა კოლხეთი 1913-ის წარმომადგენელს და სფფ-ის სადისციპლინო კოდექსის 126-ემუხლის საფუძველზე მიიღო გადაწყვეტილება, გუნდისთვის 6 ქულის დაკლების შესახებ. ამასთანავე “კოლხეთი 1913”-ის მოთამაშეებს ლაშა გოგონაიას, ბორისმახარაძეს, ზურაბ არზიანს, გიორგი კილასონიას და თორნიკე ჯიმშელეიშვილს მიეცათ 6-თვიანი დისკვალიფიკაცია.

იხილე მეტი

საქართველოს პედაგოგთა და მეცნიერთა თავისუფალი პროფკავშირის ფოთის საქალაქო ორგანიზაციის მხარდაჭერით, კერძო და საჯარო სკოლის პედაგოგებს პროფესიულ უნარებში ორ დღიანი ტრენინგი უტარდებათ

იხილე მეტი

ფოთში, ნაბადის უბანში სანიაღვრე არხის გაწმენდითი სამუშაოები მიმდინარეობს. ასევე, პარალელურად, ქალაქის სხვადასხვა უბნებში გათიბივისა და გარე განათების სამუშაოები ხორციელდება.

იხილე მეტი

ქ. ფოთის სახელოვნებო ცენტრთთან არსებულმა ნორჩ-იუმორისტთა ჯგუფმა ,,ხამსიშვილებმა“ გუშინ ფოლკოლორის ცენტრში საზაფხულო შოუ-პროგრამა წარადგინეს. მაყურებლის წინაშე ღონისძიების მონაწილეებმა რამდენიმე ნომერი შეასრულეს და მათი მოწონებაც დაიმსახურეს.

იხილე მეტი

საქართველოს ქორეოგრაფთა კავშირის ორგანიზებით და ფოთის მერიის თანამონაწილეობით, 2-ივლისს საერთაშორისო ფესტივალი ,,კავკასია 2018“ დაიწყო. მასში აშშ-ის, ესტონეთის, უკრაინის, ბელერუსიის, რუსეთის, სულ 8 ქვეყანის 30 შემოქმედებითი კოლექტივი იღებს მონაწილეობას. ორგანიზატორთა განცხადებით, ფესტივალი ფოლკლორული მემკვიდრეობისადმი პატივისცემას და ხალხებს შორის მეგობრული ურთიერთობის შენარჩუნებას უწყობს ხელს. ფესტივალი ნიკოლაძის ძეგლიდან ცენტრალურ პარკამდე მსველობით დაიწყო რის შემდგომაც პარკში, გახსნის საზეიმო ცერემონიალი გაიმართა. საერთაშორისო ფესტივალი “კავკასია 2018“ წელს მერვედ ტარდება.

იხილე მეტი

მიმდინარე წლის 1 ივლისს, მდინარე რიონზე გაიმართა ქალაქ ფოთის რეგატა აკადემიურ ნიჩბოსნობაში, რომელშიც მონაწილეობა თბილისის, ქუთაისის, მცხეთისა, და ფოთის ნაკრების გუნდებმა მიიღეს. ფოთის სასპორტო საგანმანათლებლო დაწესებულებათა გაერთიანების ნიჩბოსნობის კომპლექსური სასპორტო სკოლის ნიჩბოსნებმა წარმატებით იასპარეზეს და საპრიზო ადგილებიც მოიპოვეს.

იხილე მეტი

29-30 ივნისს ფოთში „ კოლხურ – ლაზური ფესტივალი“ ჩატარდა. აღნიშნულ ფესტივალში, რომელიც ფოთის მუნიციპალიტეტის მერიის მხარდაჭერითა და ქორეოგრაფთა კავშირის ორგანიზებით ჩატარდა, მონაწილეობა ადგილობრივმა და რეგიონებიდან ჩამოსულმა ანსამბლებმა მიიღეს.  

იხილე მეტი

საერთაშორისო ფოლკლორული ფესტივალი „კავკასია 2018“ იწყება. დღეს ფესტივალის მონაწილეებს, რომლებიც სხვადასხვა ქყვეყნებიდან ჩამოვიდნენ, ფოთის მერიაში გოჩა კურდღელია შეხვდა. „კავკასია 2018“, საქართველოს ქორეოგრაფიის კავშირის ორგანიზებით, წელს მერვედ ტარდება.

იხილე მეტი

საქართველოს მასშტაბით ერთიანი ეროვნული გამოცდები დაიწყო. დღეს აბიტურიენტები პირველ გამოცდას ქართულ ენასა და ლიტერატურაში აბარაბედნენ. ფოთის საგამოცდო ცენტრის ხელმძღვანელის, გოჩა ქორქიას განცხადებით, გამოცდები მშვიდ ვითარებაში მიმდინარეობდა. პირველ სესიაზე სულ 270 აბიტურიენტი იყო რეგისტირიებული, რომელთაგან სამი არ გამოცხადდა.  

იხილე მეტი

28 ივნისს საქართველოს დედაქალაქში, სპორტკომპლექსში ,,ახალი თბილისი’’, გაიმართა სასკოლო სპორტული ოლიმპიადის პროგრამით გათვალისწინებული დასკვითი ეტაპის ფინალური თამაშები ხელბურთში, სადაც ფოთის N2 საჯარო სკოლის ხელბურთელმა გოგონებმა ყვარელის N2 საჯარო სკოლის მოსწავლეებს ანგარიშით 18:7 სძლიეს , ხოლო ფოთის N2 საჯარო სკოლის ხელბურთელმა ვაჟება კი – ყვარელის N1 საჯარო სკოლის თანატოლები ანგარიშით 14:12 დაამარცხეს და ორივე გუნდმა ჩემპიონობა მოიპოვა. სასკოლო სპორტულ ოლიმპიადაზე ქვეყნის საუკეთესო ხელბურთელებად ლანა გოგია და დათო ფანცულაია დასახელდნენ.  სამი ფოთელი ხელბუთელი: ლანა გოგია, ციცი ბჟალავა და ნენე ჯგერენაია, საქართველოს ნაკრების შემადგენლობაში ევროპის ჩემპიონატზე მონაწილეობის მისაღებად, შვედეთში მიემგავრებიან.

იხილე მეტი