Author: Administrator

აზიური ფაროსანა, რუსეთის მხრიდან 4 დღეში დაწესებული და მოხსნილი შეზღუდვა
2 აპრილს „როსსელხოზნადზორის“ გადაწყვეტილება ოკუპირებული აფხაზეთიდან პროდუქტების შეტანის აკრძალვაზე, ამავე უწყების მიერვე უკვე გაუქმებულია. რუსეთის მცენარეთა დაცვის სპეციალისტები თავდაპირველ პოზიციას ოკუპირებული ტერიტორიიდან აზიური ფაროსანას გავრცელების საშიშროებით ხსნიდნენ, თუმცა უწყებამ მოულოდნელად ემბარგო მოხსნა.
,,საქართველოს ჟურნალისტიკის რესურსცენტრის“ აგრომიმართულების ხელმძღვანელი აცხადებს, რომ „როსსელხოზნადზორის“ მიერ 4 დღეში ბრძანების გამოცემაც და მისი შეცვლაცუწყებაში არა მეცნიერულ, არამედ პოლიტიკურ მიზნებს ატარებს. ნუგზარ სუარიძე განმარტავს, რომ მავნებელთან ბრძოლა ხანგძლივი პროცესია და ასეთ მოკლე ვადაში პრობლემა ვერ მოგვარდებოდა. სუარიძე აქვე გვახსენებს, რომ აზიური ფაროსანა 2014 წელსრუსეთის ტერიტორიიდან, კერძოდ სოჭიდან ოკუპირებულ აფხაზეთში, შემდეგ კი დასავლეთ საქართველოს დანარჩენ ტერიტორიაზეც გავრცელდა.

იხილე მეტი

მიმდინარე წლის 11 აპრილს,,პარკი არენა’’-ზე გაიმართა მოყვარულთა თასი-2018 წლის გათამაშების ფინალური მატჩი ფეხბურთში, სადაც ერთმანეთს საფეხბურთო გუნდები ,,ჭაბონამა’’ და ,,ტუბორგი’’ დაუპირისპირდნენ. თამაში დასრულდა ანგარიშით 4:0 ,,ჭაბონამა’’-ს სასარგებლოდ.
გოლები თენგო ალანიამ, ბორიკო გელაჭეიშვილმა, დავით კუკულაძემ და ლევან ყურაშვილმა გაიტანეს. გუნდმა ამ გამარჯვებით რეგიონალურ პირველობაზე ასპარეზობის უფლება მოიპოვა.

იხილე მეტი

ქალაქ ფოთის მერიის წარმომადგენლები და საკრებულოს მაჟორიტარი დეპუტატები, ფაროსანას წინააღმდეგ კამპანიის ფარგლებში, მოსახლეობასთან გამართულ შეხვედრებს დაესწრნენ.
ფოთის მუნიციპალიტეტის ოთხივე წარმომადგენლობით უბანში, სოფლის მეურნეობისა და გარემოს დაცვის სამინისტროს საინფორმაციო-საკონსულტაციო სამსახურის წარმომადგენლებმა ანგული მიქავამ და დავით ღადუამ, ქალაქის მოსახლეობასთან შეხვედრები გამართეს, რომელზეც ფაროსანას მიერ გამოწვეული ზიანის შესამცირებლად განსახორციელებელ ღონისძიებებსა და რეკომენდაციებზე ისაუბრეს. სახელმწიფო პროგრამის ფარგლებში, ფოთში ისევე როგორც სხვა რეგიონებში, სხვადასხვა მეთოდებთან ერთად ე.წ. „ნისლით შეწამვლა“ იქნება გამოყენებული, რაც ყველაზე ეფექტურ საშუალებად იქნა მიჩნეული.
მავნებელთან ბრძოლის სახელმწიფო პროგრამის ფარგლებში, აზიური ფაროსანას ბრძოლის მიზნით, დასავლეთ საქართველოს რეგიონებში – სამეგრელოს, გურიის, იმერეთის და აჭარის იმ მუნიციპალიტეტებში, სადაც გავრცელებულია მავნებელი, სპეციალური ტექნიკით, სამანქანე და სატრაქტორო აგრეგატების და ავიაციის მეშვეობით შეიწამლა 110 ათას ჰექატრამდე ფართობი, საკარმიდამო ნაკვეთი და დიდი მასივები.

იხილე მეტი

გუშინ ფოთის ცენტრალურ ბიბლიოთეკაში ფილოსოფიურ მეცნიერებათა დოქტორი, საქართველოს ფილოსოფიურ მეცნიერებათა აკადემიის აკადემიკოსი, მრავალი სამეცნიერო ნაშრომისა და 10 რომანის ავტორი – ბატონი თეიმურაზ ფაჩულია მშობლიურ ქალაქს ეწვია და საჯარო ბიბლიოთეკაში დამსწრე საზოგადოებას თავისი ახალი წიგნები – \”ბესარიონ ხვინთელიანი\” და \”რჩეული\” წარუდგინა.

იხილე მეტი

ათასწლეულის გამოწვევის ფონდის სახელით,პროფესიულ გადამზადებასთან დაკავშირებით, მე 3 საჯარო სკოლაში მასწავლებლებთან და დირექტორებთან შეხვედრა გაიმართა თბილისიდან მოწვეული იყვნენ განათლების ექსპერტები საინფორმაციო შეხვედრის მიზანი იყო საჯარო სკოლის დირექტორებისა და მასწავლებლების ინფორმირება მიმდინარე ღონისძიებების, აქტივობების, ახალი რესურსებისა და შესაძლებლობების შესახებ; მათი დაინტერესებისა და მონაწილეობის უზრუნველყოფა პროფესიული განვითარების ტრენინგებში. „მასწავლებელთა და სკოლის დირექტორთა პროფესიული განვითარების პროექტის” მიზანია ხელი შეუწყოს ზუსტი და საბუნებისმეტყველო მეცნიერებების სწავლების გაუმჯობესებას საქართველოს ყველა საჯარო სკოლაში, ასევე სკოლების მართვის გაუმჯობესების ხელშეწყობა. ამ მიზნით პროგრამის ფარგლებში 2016-2019 წლებში გადამზადდება ქიმიის, ფიზიკის, ბიოლოგიის, მათემატიკის, ინგლისურისა და გეოგრაფიის VII-XII კლასების ყველა მოქმედი მასწავლებელი, აგრეთვე, ყველა საჯარო სკოლის დირექტორი და სკოლის ბაზაზე პროექტის პროფესიული განვითარების ფასილიტატორი.

იხილე მეტი

რეგიონების პარალელურად, აზიური ფაროსანას მონიტორინგის სისტემების დამონტაჟება თბილისშიც მიმდინარეობს. სურსათის ეროვნული სააგენტოს სპეციალისტებმა ფერომონიანი დამჭერების განთავსება დედაქალაქის ცენტრალურ უბნებში უკვე დაიწყეს. უწყების ინფორმაციით, თბილისისა და მის შემოგარენ სოფლებში 250 მონიტორინგის სისტემის განთავსებაა დაგეგმილი.

იხილე მეტი

ორშაბათს ფოთის მუნიციპალიტეტის საკრებულოს და მერიის წარმომადგენლებმა 9 აპრილს დაღუპულთა ხსოვნის მემორიალი გვირგვნით და ყვავილებით შეამკეს. მემორიალთან დაღუპულთა ხსოვნისადმი მიძღვნილი ღონისძიება გაიმართა, სადაც აჟღერდა ქართული პატრიოტული სიმღერები, წაკითხულ იქნა ეროვნულ მოტივზე შექმნილი ნაწარმოებები.
ეროვნული მოძრაობის ლიდერების მიერ ორგანიზებული მშვიდობიანი აქციის დარბევისას დაღუპულთა და ყოველთა მამულიშვილთა მოსახსენიებელი ლოცვა აღევლინა ფოთის საკათედრო ტაძარში.
მსახურება აღასრულა მისმა მაღალყოვლადუსამღვდელოესობამ, ფოთისა და ხობის მიტროპოლიტმა გრიგოლმა.
წელს 27 წელი შესრულდა რაც უზენაესმა საბჭომ საქართველოს სახელმწიფოს დამოუკიდებლობის აღდგენის ისტორიული აქტი მიიღო

იხილე მეტი

აღდგომა — უდიდესი ქრისტიანული დღესასწაულია, რომელიც ქრისტეს მკვდრეთით აღდგომასთან დაკავშირებით აღინიშნება . აღდგომას უძღვის 40-დღიანი მარხვა და საეკლესიო სამზადისი.
ნიკეის პირველმა მსოფლიო საეკლესიო კრებამ 325 წელს დაადგინა ზეიმის აღნიშვნა გაზაფხულის ბუნიობის მომდევნო კვირას, იუდეველთა პასექის დასასრულს, უთუოდ მისგან განცალკევებით და კვირის ბოლოს. ეს შუალედი ხვდება ახალი სტილით 4 აპრილიდან 8 მაისამდე. შესაბამისად, აღდგომა მოძრავი დღესასწაულების კატეგორიას განეკუთვნება.წელს აღდგომა მართმადიდებელმა სამყარომ 8 აპრილს აღნიშნა.
ფოთის საკათედრო ტაძარში ხალხმრავლობა 7 აპრილის საღამოდან შეინიშნებოდა.
მამა კირიონმა შეკრებილ მრევლს ფოთისა და ხობის მიტროპოლტის გრიგოლის სააღდგომო ეპისტოლე წაუკითხა, შემდგომ საზეიმო წირვა გაიმართა.
საზეიმო წირვა დილამდე გაგრძელდა

იხილე მეტი