Category: სიახლე

ფოთის სანაპიროზე ბოლო დღეებში დიდი რაოდენობით წყალმცენარეები შეინიშნება. ამას დამსვენებელთა მხრიდან მწვავე უკმაყოფილება მოჰყვა, ეს მათ გარკვეულ დისკომფორტს უქმნის. ფოთში ამ საკითხთან დაკავშირებით ჩამოსული იყო მკვლევარი შუქრი თავართქილაძე, რომელიც ადგილზე იმყოფებოდა და იქ არსებულ მდგომარეობას გაეცნო. მისი განცხადებით წყალმცენართა გამრავლება კლიმატური და ბუნებრივი პირობების თანხვედრის გამო მოხდა, მასზე ასევე გავლენა იქონია პანდემიის გამო მდინარეების დაბინძურების შემცირებამ და შესაბამისად ზღვაშიც ნაკლები რაოდენობით ნარჩენები ჩაედინება. მსგავსი მოვლენები ქვიშიან სანაპიროებზე პერიოდულად ხდება, თუმცა წელს სხვადასხვა პირობების გავლენით წყალმცენარეების მაქსიმალური რაოდენობა დაფიქსირდა. თუმცა შუქრი თავართქილაძე აცხადებს რომ პირველივე შტორმის შედეგად სანაპირო ზოლი წყალმცენარეებისგან გაიწმინდება.

ფოთში ასოციაცია „დიოსკურია“- ს ორგანიზებით დასკვნითი ღონისძიება გაიმართა

ქალაქის ერთ-ერთ პრობლემა, რომელიც მოსახლეობას აწუხებს და მათი მხრიდან პრეტენზიების გამოთქმის მიზეზი ხშირად გამხდარა, სხვადასხვა ტერიტორიაზე, განსაკუთრებით კი მიტოვებულ ადგილებში მოდებული ჯაგნარის და ბალახის პრობლემაა. თუ როგორ აპირებს “სერვისების სამსახური” აღნიშნული პრობლემის მოგვარებას,ამის გასარკვევად დირექტორის მოადგილეს ვერა ლაღიძეს მივმართეთ. მან განაცხადა რომ აღნიშნული პრობლემის მოგვარება უკვე მიმდინარეობს და მოსახლეობის განცხადებებზე რეაგირება ხდება.სერვისების სამსახური მთიბავებს აყვანას დამატებითაც აპირებს და მსურველებს სამუშაოზე იწვევს.

ფოთში მომხდარ მკვლელობაში ბრალდებულებს დღეს ზუგდიდში ბრალი ოფიციალურად წაუყენეს. ზუგდიდის რაიონულმა სასამართლომ გაიზიარა სამეგრელო-ზემო სვანეთის საოლქო პროკურატურის შუამდგომლობა და ჯგუფურად და განსაკუთრებული სისასტიკით ჩადენილ განზრახ მკვლელობისთვის ბრალდებულებს – ი.ქ.-ს და ო.კ-ს აღკვეთის ღონისძიების სახით პატიმრობა შეუფარდა. შსს-ს ინფორმაციით, გამოძიებით დადგინდა,რომ 2020 წლის 2 ივლისს, ქ.ფოთში, ი.ქ., ო.კ. და სხვა პირები წარსულში არსებული დაპირისპირების გამო ანგარიშსწორების მიზნით, ცეცხლსასროლი იარაღითა და ბეისბოლის ჯოხებით შეიარაღებულები, თავს დაესხნენ ვ.ტ.-ს, რომელიც მამასთან და მეგობარ გ.ჟ-სთან ერთად პანაშვიდზე იმყოფებოდა და სასტიკად გაუსწორდნენ, რა დროსაც ასევე ვ.ტ.-ს მამას მიაყენეს ფიზიკური შეურაცხყოფა. ხელკეტებით ცემის შემდეგ, ცეცხლსასროლი იარაღიდან გასროლით…

დღეს ერთიანი ეროვნული გამოცდები დაიწყო, ის უკვე რამდენიმე წელია ფოთის მესამე საჯარო სკოლაში ტარდება, თუმცა წინა წლებთან შედარებით წელს აბიტურიენტებს გამოცდების ჩაბარება კოვიდ 19ის პანდემიის გამო, განსხვავებულ პირობებში სხვადასხვა რეგულაციების გათვალისწინებით უწევთ. პირველი დღე ქართული ენისა და ლიტერატურის გამოცდით დაიწყო. ამ დროისთვის 176 აბიტურიენტიდან 171გამოცხადდა. ფოთის საგანმანათლებლო რესურს ცენტრის უფროსის გოჩა ქორქიას განცხადებით, საგამოცდო პროცესი მშვიდ ვითარებაში მიმდინარეობს და არანაირ დარღვევას ადგილი არ ჰქონია

ფოთის ჰოსპიტალში საეჭვო სიმპტომებით მოთავსებულ 58 წლის მამაკაცს „კოვიდ19“ არ დაუდგინდა. ფოთის ჰოსპიტალის დირექტორის თეა მიგინეიშვილის განცხადებით, ჰოსპიტალში საეჭვო სიმპტომებით ორი ახალი პაციენტია მოთავსებული, მათ ცხელება და სხვა რესპირატორული სიმპტომები აღენიშნებათ. ისინი 18 წლის ქალი და 62 წლის მამაკაცი არიან და ბოქსირებულ პალატებში არიან მოთავსებულები. პაციენტებს  ყველა საჭირო სამედიცინო დახმარება უტარდებათ. მათი ანალიზის კვლევა ზუგდიდის ინფექციურ საავადმყოფოში მოხდება. ანაკლია-განმუხურის საკარანტინო სივრცეში ამ დროისთვის 101 პირი იმყოფება თვითიზოლაციაში კი 9. გუშინ, ზუგდიდის ინფექციური საავადმყოფოს ლაბორატორიაში გამოიკვლიეს 17 ნიმუში, ყველა უარყოფითია

ლეიბორისტული პარტიის ფოთის ორგანიზაციის თავჯდომარე, მამუკა ხორავა განცხადებას ავრცელებს, მისი თქმით პორტის ერთ-ერთ მისადგომთან დაახლოებით 50 000 ტონა გოგირდია შემოტანილი, რომელიც ყოველგვარი უსაფრთხოების დაცვის გარეშე არის დასაწყობებული, რაც მოსახლეობისთვის საშიშროებას ქმნის, რადგანაც ქარის დროს მიმდებარე ტერიტორიაზე გოგირდის გაფანტვა ხდება. სამაუწყებლო კომპანია მეცხრე ტალღა ეიპიემ ტერმინალს დაუკავშირდა, სადაც განაცხადეს რომ ისინი ნაყარ ტვირთებზე არ მუშაობენ, მსგავს სამუშაოს მოიჯარე კომპანიები ახორციელებენ და გადატვირთვის ოპერაციის უსაფრთხოების უზრუნველყოფა მათი მოვალეობაა.

ჰიდროგრაფიული სამსახურის სინოპტიკური სამმართველოს ინფორმაციით. 4 ივლისს მოსალოდნელია ძირითადად მოწმენდილი ცა ღამით ცვალებადი მოღრუბლულობა . უმეტესად უნალექოდ. ჰაერის ტემპერატურა დღისით: +25 ° +27°; ღამით: +22° +24° იქნება. 5ივლისს მოსალოდნელია ძირითადად მოწმენდილი ცა ღამით ცვალებადი მოღრუბლულობა . უნალექოდ. ჰაერის ტემპერატურა დღისით: +25° +27° ; ღამით: +22° +24° იქნება. 6 ივლისს მოსალოდნელია ძირითადად მოწმენდილი ცა ღამით ასევე ცვალებადი მოღრუბლულობა. უმეტესად უნალექოდ. ჰაერის ტემპერატურა დღისით: +25° +27° ; ღამით: +22° +24° იქნება.