Category: სიახლე

მდინარე კაპარჭაზე ვიქტორ კრატასიუკის სახელობის რიგით XIII რეგატა საბაიდარო და კანოეთ ნიჩბოსნობაში ჩატარდა , სადაც თბილისის, რუსთავის, ქუთაისის, ბათუმისა და ფოთის ნიჩბოსანთა ნაკრები გუნდები მონაწილეობდნენ. რეგატა 2001-2003 და 2004-2005 წლებში დაბადებულ გოგონათა და ვაჟთა შორის მიმდინარეობდა, ხოლო მედლები გათამაშდა 200 და 500 მეტრ დისტანციაზე, როგორც ბაიდარებით ნიჩბოსნობაში, ასევე კანოეთ ნიჩბოსნობაში. ფოთელებმა 14 ოქროს, 18 ვერცხლის და 5 ბრინჯაოს მედალი მოიპოვეს. ვიქტორ კრატასიუკის სახელობის თასი გადაეცათ ილია ზარიძესა და ნიკა მეგრელიშვილს, რომლებიც გამარჯვებულები გახდნენ 2-ადგილიან ბაიდარებით ნიჩბოსნობაში, როგორც 200 მ, ასევე 500 მ დისტანციაზე.

იხილე მეტი

1 ივნისს, ბავშვთა უფლებების დაცვის საერთაშორისო დღესთან დაკავშირებით ფონდმა „ბილივმა“ სასტუმრო „ჯორჯია პალასთან“ ერთად, ფოთელ ბავშვებს განსაკუთრებული დღე მოუწყო. ბილივის პატარა მეგობრებისათვის გასართობი ღონისძიება ქობულეთში, სასტუმრო ,,ჯორჯია პალასში’’ გაიმართა. ბავშვები, სხვადასხვა სახალისო თამაშებში აქტიურად ჩაერთნენ. ღონისძიების ბენეფიციარები ფოთის ბავშვთა ცენტრის აღსაზრდელები, ასევე სოციალურად დაუცველი ოჯახის შვილები იყვნენ. ფონდი “ბილივი” 2014 წლიდან დასავლეთ საქართველოში საქველმოქმედო აქტივობებს ახორციელებს. ფონდის მიზანია გააუმჯობესოს სოციალურად დაუცველი ბავშვების, შეზღუდული შესაძლებლობის მქონე პირების ცხოვრება და დაეხმაროს მათ, ვისაც ეს ყველაზე მეტად სჭირდებათ.

იხილე მეტი

ფოთში, ბანკირებმა და მიკროსაფინანსო ორგანიზაციამ საბავშვო სკვერი მოაწყვეს. აქციის ფარგლებში „იზრუნე შენს ქალაქზე შენ“, ფოთში არსებულ ყველა ბანკსა და მიკროსაფინანსო ორგანიზაციაში დასაქმებული ადამიანის ძალისხმევით, 8 აგვისტოს მემორიალის მიმდებარედ, ბავშვთა გასართობი სკვერი მოეწყო. ღონისძიების ორგანიზატორმა, თამარ გვაძაბიამ აღნიშნა, რომ სამოქალაქო ინიციატივაში, საფინანსო სფეროში დასაქმებული 200-მდე ადამიანი გაერთიანდა. მისივე თქმით, სკვერის მოწყობის ძირითადი მიზანი იყო, ბავშვებს ევროპული დონის გასართობი ადგილი ქონოდათ. საბანკო სექტორის წარმომადგენლების განცხადებით, ბავშვების უსაფრთხოებისათვის, ფოთში პირველად გაკეთდა კაუჩუკის საფარის მქონე გასართობი მოედანი, შუქურის ფორმის ქუჩის ბიბლიოთეკა, ასევე მოეწყო ნატვრის ხე, სადაც პატარებს თავიანთი სურვილის ჩაფიქრება შეეძლებათ. სკვერი ბავშვთა დაცვის…

იხილე მეტი

1 ივნისს, ბავშვთა დაცვის საერთაშორისო დღესთან დაკავშირებით, ქალაქის ცენტრალურ პარკში კულტურული და გასართობი ღონისძიებები გაიმართა. დამთვალიერებლებს შესაძლებლობა ჰქონდათ ბავშვების მიერ შექმნილი ქართული რეწვის ნიმუშები, ხელნაკეთი ნივთები და ნახატები ენახათ. ღონისძიების ფარგლებში, სახელოვნებო ცენტრთან არსებული მოსწავლე ახალგაზრდობის შემოქმედებითი ცენტრის ხატვის წრის მოსწავლეების გამოფენა მოეწყო. აღსანიშნავია, რომ გამოფენაზე საქალაქო კონკურსში გამარჯვებულ მოსწავლეთა თოჯინები იყო წარმოდგენილი. ღონისძიების ფარგლებში, საბიბლიოთეკო გაერთიანების მხარდაჭერით, N1 საბავშვო ბიბლიოთეკის ეზოში გასართობი ადგილი მოეწყო _ სახელწოდებით “საქართველო ჩვენით იწყება”. საბავშვო ბიბლიოთეკის თანამშრომლებმა, თავიანთ ერთგულ მკითხველებთან ერთად ხელნაკეთი ნივთები და ნახატები გამოფინეს. ბიბლიოთეკის შემოქმედებით კუთხეს ყველაზე პატარა მხატვრის, მარიამ კეკელიძეს…

იხილე მეტი

ფოთში, ხომალდი “არგო” საზეიმო ვითარებაში გააცილეს. როგორც იდეის ავტორმა, ქუთაისის სახელმწიფო უნივერსიტეტის პროფესორმა ომარ ნიშნიანიძემ განაცხადა, არგონავტების მოგზაურობა 2 ივნისს ვანში, ჭყვიშთან გალაკტიონ ტაბიძის სახლ-მუზეუმთან დასრულდება, სადაც ვანელობას აღნიშნავენ. მოგვიანებით გემი ქუთაისში დაიდებს ბინას. ომარ ნიშნიანიძემ თავის სტუდენტებთან ერთად ხომალდის აგება ფოთში ორი თვის წინ დაიწყო. როგორც ის ამბობს გემი ტიმ სევერინის მიერ შექმნილი ხომალდის ასლია. 1984 წელს ჩატარებული ექსპედიციის ერთ-ერთი წევრი ფოთელი ჯუმბერ ცომაია გახლავთ, მან მოგზაურობის დეტალები გაიხსენა და მის მნიშვნელობაზე ისაუბრა. საზეიმო ცერემონიას მუსიკალურად, ფოთის ფოლკლორული ანსამბლი „ფაზისი“ აფორმებდა.

იხილე მეტი

ფოთის ცენტრალურ ბიბლიოთეკაში, „ფაზისის საერო სამეცნიერო საქალაქო აკადემიის“ მორიგი სხდომა გაიმართა. შეხვედრა პოეზიას მიეძღვნა. დღევანდელ ღონისძიებაზე აკადემიის წევრებმა თავიანთი შემოქმედება ერთმანეთს გაუზიარეს. საღამოს აკადემიის პრეზიდენტი, ნუგზარ ნადარაია დაესწრო. როგორც, ორგანიზაციაში აღნიშნეს, დღეს აკადემიას ახალი წევრები შეემატნენ, რომელთაც ფაზისის აკადემიის დამადასტურებელი მოწმობა გადაეცათ. „ფაზისის აკადემია“ რამდენიმე წლიან ისტორიას ითვლის. მათი თქმით, ყოველი თვის ბოლო პარასკევს იკრიბებიან და ქალაქისთვის მნიშვნელოვან საკითხებზე მსჯელობენ. დღეს კი, ბოლო შეხვედრა გაიმართა. ფაზისის აკადემიაში საზაფხულო არდადეგები დაიწყო.

იხილე მეტი

ფოთის პორტის ახალი ღრმაწყლოვანი მრავალფუნქციური ნავსადგურის მშენებლობის ნებართვასთან დაკავშირებულ მოვლენებს პარტიები აფასებენ. ფოთში ოპოზიციური პარტიის ნაწილი თვლის, რომ ქალაქის განვითარებისათვის, ახალი პორტის მშენებლობა აუცილებელია. ნაწილის აზრით, ქვეყნისთვის ანაკლიის ღრმაწყლოვანი პორტის მშენებლობაა მნიშვნელოვანი. მათივე განცხადებით, ხელისუფლება ვერ შეჯერდა ფოთისა და ანაკლიის პორტის მშენებლობასთან დაკავშირებით, რამაც ქვეყნის მასშტაბით დიდი გაუგებრობა გამოიწვია. ფოთის მერმა, ამ საკითხთან დაკავშირებით ჩვენთან კომენტარი არ გააკეთა. ფოთის მაჟორიტარმა დეპუტატმა ირაკლი ხახუბიამ, ოფიციალურ ვებგვერდზე, ინფორმაცია გამოაქვეყნა, სადაც წერს, რომ მისთვის გაუგებარია, რამ გამოიწვია აჟიოტაჟი. მისივე თქმით, ანაკლიის პორტის განვითარება არ უნდა ნიშნავდეს ფოთის პორტის განვითარებისთვის ხელოვნური ბარიერების შექმნას. ირაკლი…

იხილე მეტი

ახალი საქართელოს უნივერსიტეტში, კრებულის პრეზენტაცია გაიმართა. კავკასიური ფილოსოფიისა და თეოლოგიის სამეცნიერო-კვლევითი არქივის მიერ, მორიგი გამოცემა – „ქრისტიანული ფილოსოფიის სათავეებთან“ მოგვითხრობს ადრეული საუკუნეების ქრისტიანულ ფილოსოფიურ მოძღვრებაზე. როგორც უნივერსიტეტში აღნიშნეს, წიგნი 2018 წლის საერთშორისო საზაფხულო სკოლის მასალების კრებულს წარმოადგენს და რამდენიმე ავტორი ჰყავს, ერთ-ერთი ავტორი გერმანელი პროფესორი ჰელმუტ შნაიდერია. კრებულის რედაქტორები არიან, თენგიზ ირემაძე, გიორგი ხუროშვილი და ჰელმუტ შნაიდერი. პრეზენტაციას სასულიერო პირები, სტუდენტები და საზოგადოების წარმომადგენლები ესწრებოდნენ. სტუმრებს წიგნები, საჩუქრად გადაეცათ.

იხილე მეტი

„ შეწყდეს თიბისი ბანკის მიერ ქონების უკანონოდ მიტაცება“ – ამ ლოზუნგით დღეს ფოთში, თიბისი ბანკის შენობის წინ თეა კორტავას უფლებების დასაცავად მშვიდობიანი აქცია გაიმართა. საერთშორისო სამართლის კონსტიტუციური უფლებების დაცვის საზოგადოება, თეა კორტავას მხარდამჭერებთან ერთად, საცხოვრებელი სახლიდან ოჯახის შესაძლო გამოსახლებას აპროტესტებდა. როგორც თეა კორტავას უფლებების დამცველმა განაცხადა, საქმე სასამართლოში გაასაჩივრეს. პროცესი 6 ივნისს არის ჩანიშნული, თუმცა სასამართლო პროცესამდე, ბანკი სახლის აუქციონზე გატანას გეგმავს. შეკრებილები ბანკის წარმომადგენლებს მოუწოდებენ, სასამართლო დავის დასრულებამდე შეწყვიტონ ზემოთ აღნიშნული ქმედებები. წინააღმდეგ შემთხვევაში, აქციების პერმანენტულ ჩატარებას გეგმავენ. რაც შეეხება მოპასუხე მხარეს, თიბისი ბანკში გაგვიმარტეს, რომ საქმესთან დაკავშირებით, ბანკის…

იხილე მეტი

კურსორის სტუმარია, ქ. ფოთის #1 საჯარო სკოლის უფროსი მასწავლებელი, სახელოვნებო ცენტრთან არსებული სამხატვრო სასწავლებლის უფროსი სპეციალისტი, მსოფლიო/ქართული ხელოვნების ისტორიის მასწავლებელი მაია გვასალია.

იხილე მეტი