Category: სიახლე

ნანა ალექსანდრიას სახელობის საჭადრაკო კლუბში საქართველოს ჩემპიონატის პირველი ლიგის ტურნირი 8-10-12 წლის ჭაბუკთა და გოგონათ შორის მიმდინარეობს. ჯამში დასავლეთ საქართველოდან 95 მოჭადრაკე მონაწილეობს. ჩემპიონატი შვეიცარული სისტემით 7 ტურად მიმდოინარეობს. ხუთეულში გასული მოჭადრაკეები, საქართველოს შესაბამისი ასაკის უმაღლესი ლიგის საგზურით დაჯილდოვდებიან, სადაც ევროპისა და მსოფლიოს ჩემპიონატის საგზურების მოსაპოვებლად ითმაშებენ. ჩემპიონატი 8 მარტს დასრულდება.

იხილე მეტი

კურსორის სტუმარია პროფესიული კოლეჯი „ფაზისი“-ს დირექტორი ნინო ბაკურაძე, რომელმაც განათლების, მეცნიერების სპორტის და კულტურის სამინისტროს მხრიდან გატარებულ საგანმანათლებლო რეფორმებზე ისაუბრა. მან საბაზო განათლების მქონე იმ მოსწავლეებზე ისაუბრა, რომლებიც კოლეჯში ჩაირიცხვის შემდეგ, უმაღლეს სასწავლებელში სწავლის გაგრძელებას მოისურვებენ. კოლეჯის დირექტორმა, ასევე ყურადღება გაამახვილა სასწავლებელში განხორციელებულ მნიშვნელოვან პროექტებზე.

იხილე მეტი

,,დუმილის ხმაური“ – ასე ჰქვია ნინო კემულარიას ლექსების კრებულს, რომლის პრეზენტაცია ხობში გაიმართა. კრებულში არერთი საინტერესო ლექსია შესული. ღონისძიებაზე სხვადსახვა თაობის პოეზიის მოყვარულები, ადგილობრივი ხელისუფლების წარმომადგენლები და რიგითი მოქალაქეები შეიკრიბნენ. წიგნი ზუგდიდის მუნიციპალიტეტის ,,ხელოვნებისა და კულტურის განვითარების ცენტრის“ ფინანსური მხარდაჭერით გამოიცა.

იხილე მეტი

ფოთში, პალიასტომის ტბისა და მდინარე კაპარჭას მიმდებარე ტერიტორიაზე, სახიფათო კლასის ნარჩენებია დაყრილი. საუბარია სამედიცინო ნარჩენებზე, რომელიც ადგილობრივების მტკიცებით, დაახლოებით ერთი წლია რაც ღია ცის ქვეშ უცნობმა პირებმა განათავსეს. ისინი ეკოლოგიური პრობლემების თავიდან აცილების მიზნით, შესაბამის სამსახურებს სასწრაფო რეაგირებისკენ მოუწოდებენ. ფოთის მუნიციპალიტეტის მერიის არქიტექტურის სივრცითი მოწყობისა და ადმინისტრაციული ზედამხედველობის სამსახურში აცხადებენ, რომ ეს ფაქტი გარემოს დაცვითი ზედამხედველობის დეპარტამენტმა გუშინ დააფიქსირა და შესაბამისი ზომები უსწრაფესად იქნება მიღებული.

იხილე მეტი

საქართველოს ოკუპაციის კვირეულის ფარგლებში, ფოთის კოლხური მუზეუმის დარბაზში საქართველოს ეროვნული გმირების ფოტო-მასალის გამოფენა მოეწყო. ფოტო-გამოფენის გახნას მერის მოადგილე, გიორგი ფარეშიშვილი, უფროსკლასელებთან ერთად დაესწრო. მუზეუმში, სკოლის მოსწავლეთა მონაწილეობით, კონკურსი-ვიქტორინა ,,ისტორიის კვალდაკვალ“ ჩატარდა. გამოფენის გახსნაზე, სიტყვით გამოსვლისას, გიორგი ფარეშიშვილმა 1921 წლის თებერვლის ტრაგიკული დღეები და ის ახალგაზრდები გაიხსენა, ვინც ქვეყნის დამოუკიდებლობისათვის თავი გაწირა. ქართული საზოგადოება უკვე რამდენიმე წელია, ტრადიციულად აღნიშნავს ამ დღეს. ფოთში, ოკუპაციის კვირეული 25-28 თებერვლის ჩათვლით მიმდინარეობდა.

იხილე მეტი

„კურსორის“ სტუმარია ფოთის მერის პირველი მოადგილე კოტე თოფურია. ის სახელმწიფო აუდუტის დასკვნაზე საუბრობს, სადაც 2016- 2017 წლებში მუნიციპალიტეტში არსებული დარღვევებია მითითებული. ასევე მან ქალაქში მიმდინარე ახალ პროექტებზე გააკეთა განცხადება.

იხილე მეტი

ეკონომიკისა და მდგრადი განვითარების სამინისტროს, ჰიდროგრაფიული სამსახურის სინოპტიკური სამმართველოს ინფორმაციით, ფოთისა და ყულევის სანაპიროზე 1 მარტის ჩათვლით ცვალებადი ღრუბლიანობაა მოსალოდნელი, უმნიშვნელო ნალექით. ჰაერის მინიმალური ტემპერატურა +3° დაფიქსირდება. 28 თებერვალს ცვალებადი მიმართულების ქარი დაქროლავს 7-12 მ/წმ სიჩქარით. ასევე მოსალოდნელია ცვალებადი ღრუბლიანობა, დროგამოშვებით წვიმა, დილით უმეტესად უნალექო. ჰაერის ტემპერატურა დღისით: +5° +7 °; ღამით კი + 3 ° + 5 ° იქნება. 1 მარტს, დასავლეთის და აღმოსავლეთის ქარია მოსალოდნელი, რომელიც 11 მ/წმ სიჩქარით დაქროლავს. ძირითადად ღრუბლიანი, უნალექო ამინდი დაფიქსირდება, ღმით დროგამოშვებით წვიმა. ჰაერის ტემპერატურა დღისით +6° +8°, ხოლო ღამით +5° +7° დაფიქსირდება.

იხილე მეტი

ფოთში, წყალარინების ინფრასტრუქტურის მოწყობის სამუშაოები აზიის განვითარების ბანკის მხარდაჭერით გრძელდება. მიმდინარე პროექტი ითვალისწინებს 145 კმ-იანი ქსელის მოწყობას, 28 ერთეული სატუმბი სადგურისა და გამწმენდი ნაგებობის მშენებლობას, რისთვისაც 130 მილიონ ლარზე მეტი დაიხარჯება. მხარის გუბერნატორის, ალექსანდრე მოწერელიას თქმით, წყალარინების ქსელის მოწესრიგება და გამწმენდი ნაგებობის მშენებლობა თანამედროვე სტანდარტების შესაბამისად მიმდინარეობს. სინქრონი მოწერელიას გაერთიანებული წყალმომარაგების კომპანიის დირექტორის, ეკატერინე გალდავას განცხადებით, საკანალიზაციო სისტემის მშენებლობას ჰოლანდიური კომპანია TAHAL GROUP აწარმოებს. უცხოურ კომპანიასთან ერთდ, სამუშაოებს ქვეკონტრაქტორი ქართული კომპანიებიც შეასრულებენ. ადგილზე სამუშაოების მიმდინარეობას, აზიის განვითარების ბანკის მისიასთან ერთად, გაერთიანებული წყალმომარაგების კომპანიის დირექტორი, ეკატერინე გალდავა, სამეგრელო-ზემო სვანეთში სახელმწიფო რწმუნებული,…

იხილე მეტი

ფოთის საკრებულოს სხდომაზე ხმაური და დაპირისპირება სახელმწიფო აუდიტის დასკვნის განხილვამ გამოიწვია, რომლის მიხედვით, ფოთის მუნიციპალიტეტში გამოვლენილი დარღვევები, საკრებულოს თავმჯდომარის, ირაკლი კაკულიას მერობის პერიოდს ეხება. ოპოზიციამ საკრებულოს თავმჯდომარე კორუფციაში დაადანაშაულა და უმრავლესობას უნიათო უწოდა. საკრებულოს თავმჯდომარემ აუდიტის დასკვნასთან დაკავშირებით აღნიშნა, რომ ის სარეკომენდაციო ხასიათისაა და მუნიციპალიტეტი ყველაფერს გააკეთებს მასში მოცემული ხარვეზები რომ გამოსწორდეს. სობოლოოდ სხდომაზე აუდიტის დასკვნა ცნობად მიიღეს და ხმათა უმრავლესობით მერიას, აუდიტის მიერ გამოვლენილი დარღვევების აღმოფხვრა დაევალა.

იხილე მეტი