დარგის მიმართ აუდიტორიის მაღალი ინტერესის გათვალისწინებით 2019 წელს საქარველოს ყველა რეგიონში ახალი ტელევიზია – AGRO TV დაიწყებს მაუწყებლობას. არხი სხვადასხვა სამაუწყებლო პლატფორმით, მათ შორის სიხშირულით, უსასყიდლოდ იქნება ხელმისაწვდომი. მაყურებელი იხილავს ადგილობრივ და საერთაშორისო პარტნიორი ორგანიზაციების მიერ მომზადებულ აგროთემატიკის გადაცემებს.
იხილე მეტიკონსტრუქციული აგროჟურნალისტიკის სახელმძღვანელო – ჟურნალისტებისთვის, აგროკომუნიკაციისა და სოფლის მეურნეობის თემატიკის გაშუქებით დაინტერესებული ყველა პირისთვის. წიგნი ქართულ, სომხურ, აზერბაიჯანულ, ინგლისურ და რუსულ ენებზე გამოიცა. თანდართული დისკით ახალგაზრდები, ასევე, ხუთენოვან პრაქტიკულ მასალებს გაეცნობიან. სახელმძღვანელო ,,ჟურნალისტიკის რესურს ცენტრის” (JRC) მიერ შვეციარიის განვითარებისა და თანამშრომლობის სააგენტოს მხარდაჭერით, საერთაშორისო არასამთავრობო ორგანიზაცია MERCY CORPS -ის პროგრამის ,,ალიანსები კავკასიაში” მიერ მხარდაჭერილი პროექტის ფარგლებში მომზადდა და „კავკასიის საერთაშორისო უნივერსიტეტთან“ პარტნიორობით გამოიცა. JRC-ის ინიციტივით სოფლის მეურნეობის გაშუქება- ცალკე მოდულად უვე 6 უნივერსიტეტში ისწავლება. მოდულის დანერგვას დამატებით 7 სასწავლო დაწესებულება გეგმავს. ორგანიზაცია აგროჟურნალისტიკის მიმართულებით 2014 წლიდან მუშაობს.
იხილე მეტირეგიონული მაუწყებლები მოსახლეობას ყველაზე ობიექტურ და სასარგებლო ინფორმაციას აწვდიან, – ასე აფასებს გარემოს დაცვისა და სოფლის მეურნეობის მინისტრი რეგიონული მედიის მუშოაბას. ლევან დავითაშვილის თქმით, ამ მედიებში სოფლის მეურნეობის დარგში არსებული გამოწვევები ადეკვატურად გაშუქდეს. მისი განმარტებით, სამინისტროს ერთ-ერთი ფუნქცია მოსახლეობამდე საჭირო ინფორმაციისა და ცოდნის მიტანაა, ამ პროცესში კი მედიის როლი ძირითადია. მინისტრმა აგროჟურნალისტიკის მნიშვნელობასა და მის როლზეც ისაუბრა.
იხილე მეტი„სოფლის მაშენებელი 2018“- „ჟურნალისტიკის რესურსცენტრმა“ გადაცემა „აგროსიახლეებმა“ და „მაუწყებელთა ალიანსმა“ წარმატებული ფერმერები გამოავლინა. 5 კატეგორიაში გამარჯვებულები პარტნიორ მედიაში ხილვადობისა და სხვა ფერმერებისთვის ცოდნის გაზიარებაში შეტანილი წვლილისთვის დაჯილდოვდნენ. ნომინაციაში წლის ფერმერი -ახალგაზრდა მეცხვარე გიორგი იმერლიშვილმა გაიმარჯვა. წლის ქალი ფერმერის ტიტული კი მეფუტკრე მარიამ კილაძემ მოიპოვა. წლის ბიომეწარმედ კობა დვალიშვილი დასახელდა, რომელმაც რამდენიმე წელია კენკროვანი კულტურის ბაღი გააშენა. რაც შეეხება ახალგაზრდა მეღვინეს – ამ ნომინაციაში პრიზი ბექა ჯიმშელაძეს ერგო, გიორგი ციხელაშვილს კი წლის ვეტერინარის.
იხილე მეტიქალაქ ხობის N1 საჯარო სკოლას სადაზღვევო კომპანია „აი სი ჯგუფის“ წარმომადგენლები ეწვივნენ და სკოლის ბიბლიოთეკას საჩუქრად წიგნები გადასცეს. საჯარო სკოლას 300 ერთეული წიგნი გადაეცა, მათ შორის – საბავშვო და სამეცნიერო ლიტერატურა. როგორც „აი სი ჯგუფის“ წარმომადგენელმა – იმედა ალხაზიშვილმა განაცხადა, აქციის მიზანი სკოლის წიგნის ფონდის განახლება და განათლების ხელშეწყობაა.
იხილე მეტიმეხუთე საჯარო სკოლის თვითმმართველობის ინიციატივით საქველმოქმედო აქცია მოეწყო. სხვადასხვა კლასის მოსწავლეები ოთხ სოციალურად დაუცველ ოჯახს პროდუქტებით დაეხმარნენ. ორგანიზატორების განცხადებით, მსგავსი სახის აქცია მეხუთე სკოლაში პერიოდულად იმართება და მომავალშიც გაგრძელდება.
იხილე მეტიარჩილ ხორავას სახელობის სახერლოვნებო სასწავლებელში, ფოლკლორული ანსამბლის „პირიმზის“ დასკვნითი კონცერტი ჩატარდა. ბავშვებმა ქართული ტრადიციული სიმღერები და კომპოზიციები შეასრულეს. ანსამბლი გია გურგენიძის ხელმძღვანელობით 25 წელია ფუნქციონირებს, ამჯერად იქ მუსიკალურ ხელოვნებას 50-მდე ბავშვი ეუფლება.
იხილე მეტისაკრებულოს 25-ე რიგგარეშე სხდომაზე ერთი საკითხი იქნა განხილული, რომელიც 2018 წლის ბიუჯეტში შემოსულობებში ცვლილებების შეტანას ეხებოდა. კერძოდ, ქალაქის ცენტრალური სტადიონის მეორე ეტაპის სამუშაოებისთვის, რეგიონული განვითარების ფონდიდან, ტრანსფერის სახით გამოყოფილი, მილიონ 107 ათას 200 ლარი ვერ იქნა ათვისებული, ამდენად თანხა უკან დაბრუნდა. ოპოზიციის განცხადებით მმართველი გუნდი დაკისრებულ მოვალეობას თავს ვერ ართმევს და შესაბამისად ცენტრალური ხელისუფლება მათ არ ენდობა. საკრებულოს თავმჯდომარემ, ირაკლი კაკულიამ ამ საკითხზე კომენტარი არ გააკეთა.
იხილე მეტიდღეს, ქალაქ ფოთის მუნიციპალიტეტის სოციალური და სამედიცინო რეაბილიტაციის ცენტრში წინა საახალწლო ზეიმი გაიმართა. თანადგომის სახლში საახალწლო ნაძვის ხის გახსნის ცერემონია მოეწყო. სახელოვნებო ცენტრის მოსწავლეებმა მუსიკალური ნომრები შეასრულეს, რის შემდეგაც ფოთის მუნიციპალიტეტის მერიის წარმომადგენლებმა თანადგომის სახლში მყოფ, 250 შეჭირვებულს, საჩუქრები და საახალწლო ნუგბარი გადასცეს. გიორგი ფარეშიშვილმა ბენეფიციარებს დღესასწაული მიულოცა. მისივე თქმით, ქალაქის ხელმძღვანელობამ გადაწყვიტა, როგორც გიორგობის დღე, დღევანდელი დღეც განსაკუთრებულად გამორჩეული ყოფილიყო იმ ხალხისთვის, რომლებიც თანადგომის სახლის ხშირი სტუმრები არიან.
იხილე მეტიდღეს, სამაუწყებლო კომპანია „მეცხრე ტალღის“ შენობის წინ საქველმოქმედო აქცია გაიმართა. ფონდი“ ქველმოქმედი-2015-ის“, „ტაჰალ გრუპ-ისა“ და სამაუწყებლო კომპანია „მეცხრე ტალღის“ ერთობლივი პროექტის ფარგლებში, კომპანიის წარმომადგენლებმა წინა საახალწლოდ, ოცდაათ სოციალურად დაუცველ ოჯახს სურსათ-სანოვაგე და თბილი ტანსამოსი გადასცეს. მათგან 25 ოჯახს ადგლზე მისცეს პროდუქტი, ხოლო 5თ მწოლიარე ბენეფიციარს სურსათი სახლში მიუტანეს. როგორც საქველმოქმედო აქციის ხელმძღვანელებმა განაცხადეს, მათი მიზანი იყო, უკიდურეს სიდუხჭირეში მყოფ ოჯახებს დახმარებოდნენ. აღსანიშნავია, რომ დაარსებიდან, „ფონდი ქველმოქმედი 2015“-მა, ჯანმრთელობის მდგომარეობის გაუმჯობესებაში 24 ავადმყოფს და 700 სოციალურად დაუცველ ოჯახს გაუწია თანადგომა.
იხილე მეტი
