Category: სიახლე

გადაცემა თემა

იხილე მეტი

გუშინ 3 აპრილს ფოთის სახელოვნებო ცენტრში მანსანკანის მე2 ნახევარფინალური შეხვედრაა გაიმართა მასში 4 გუნდი „ზდრასტი“, „აეე“, „მარიაჩო“, და „არ ვიცი“ იღებდა მონაწილეობას. ორგანიზატორთა განცხაბედით მანსანკანზე დასწრების მსურველთა დიდი რაოდენობის გამო სასურველია ფინალი ფოთის სახელმწიფო თეატრში ჩატარდეს, რადგანაც სახელოვნებო ცენტრის დარბაზი მაყურებელს ვერ იტევდა და ეს გარკვეულ შეფერხებებსაც კი ქმნიდა. გათამაშებას მე-2 სკოლის გუნდი „მარიაჩო“გამოეთიშა, თუმცა მე2 სკოლელები პირველ ნახევარფინალში გამოთიშულ მე-6 სკოლის გუნდ „სიცილის ვირუსთან ერთად“ ფინალის დღეს მაყურებლის წინაშე საჩვენებელი ნომრებით წარსდგება.

იხილე მეტი

ბათუმში დასრულდა ევროპის მამაკაცთა ჩემპიონატი, რომელშიც მონაწილეობდა ევროპის 35 ქვეყნის 310-მდე მოჭადრაკე. მათ შორის 200-ზე მეტი საერთაშორისო დიდოსტატი და ოსტატი. ჩემპიონატში წარმატებით იასპარეზეს ფოთის საჭადრაკო სკოლის მოსწავლეებმა :13 წლის აკაკი ყალიჩავამ. უძლიერეს ვაჟ მოჭადრაკეებთან პაექრობაში 4 ქულის აღება შეძლო და ფიდეს საერთაშორისო რეიტინგი 119 პუნქტით გაიუმჯობესა. ხოლო ასევე 13 წლის დიანა ლომაიამ 3,5 ქულა აიღო და ფიდეს რეიტინგი 81 პუნქტით გაიუმჯობესა. თბილისში დასრულებულ ევროპის ქალთა ჩემპიონატში რაპიდში უძლიერეს მოჭადრაკეებთან ბრძოლაში დიანა ლომაიამ 4,5 ქულის აღება შეძლო, ხოლო ელენე წოწონავამ კი 3,5 ქულის. ბლიცში კი ელენემ 5 ქულა აიღო, დიანამ კი 4,5 ქულა. განსაკუთრებით აღსანიშნავია ელენე წოწონავას გამარჯვება ლეგენდარულ ქართველ მოჭადრაკესთან, მსოფლიოს ხუთგზის ჩემპიონთან – ნონა გაფრინდაშვილთან. ელენემ ასევე დაამარცხა ცნობილი საერთაშორისო დიდოსტატი, შოტლანდიის სახელით მოასპარეზე ქეთევან არახამია – გრანტი. ფოთის საჭადრაკო სკოლის მოსწავლეები ამჟამად სამეგრელოს ჩემპიონატისთვის ემზადებიან, რომელიც სენაკში 11-14 აპრილს გაიმართება

იხილე მეტი

გადაცემა \”თემა\”

იხილე მეტი

გუშინ თბილისში ფოთის ,,კოლხეთი 1913\’\’-მა მეოთხე ტურის მატჩში სკ ,,სამტრედია\’\’ ანგარიშით 2-0 დაამარცხა და პირველი გამარჯვება მოიპოვა. ამით გუნდმა საგრძნობლად გაიუმჯობესა სატურნირო მდგომარეობა. წინა მატჩებისაგან განსხვავებით „კოლხეთმა“ შესამჩნევად გამოასწორა თამაშის ხარისხი და ტაქტიკურადაც სწორი და გამართული ფეხბურთი ითამაშა. რამაც მთლიანად განაპირობა გუშინდელ შეხვედრაში ფოთელთა წარმატება.
პირველ გოლი კილასონია-მიხალიოვი-გოგბერაშვილის ულამაზესი კომბინაციის შედეგად 53-ე წუთზე გავიდა. რის შემდეგაც 4 წუთში გუნდის დებიუტანტმა, გოგბერაშვილმა დუბლი შეასრულა და საბოლოოდ გადაწონა გამარჯვების სასწორი კოლხთა სასარგებლოდ. სამტრედიის სტადიონზე მიმდინარე სამუშაოების გამო ,,კოლხეთი 1913\’\’ -ის და „სამტრედიას“ შეხვედრა თბილისში გაიმართა

იხილე მეტი

25-30 მარტს გაიმართა ოთარ ხომერიკის XVI მემორიალი ჭადრაკში. ასაკობრივ ტურნირებში 9 და 7 წლის ჭაბუკთა და გოგონათა შორის მონაწილეობა მიიღო 80-მდე, ხოლო ღია ტურნირში კი 35 მოჭადრაკემ.
ვაჟთა შორის ღია ტურნირში გამარჯვება კახაბერ კიზირიამ მოიპოვა. მეორე გელა ღვამბერია იყო მესამე აგდილზე კი გიორგი სიჭინავა გავიდა გოგონათა შორის ღია ტურნიტი ანა სანიკიძემ მოიგო. ვერცხლის და ბრინჯაოს მედლებს კი ლიზი ფოჩხუა და ლიზი სარიშვილი დაეუფლნენ
ვეტერანთა შორის საუკეთესო შედეგი გელა ღვამბერიას ჰქონდა.
9 წლის ჭაბუკთა შორის ოქროს მედალს გიორგი კვარაცხელია დაეუფლა, ვერცხლს იოსებ შამათავა, რაც შეეხება ბრინჯაოს მედალს, აქ ორმა მოჭადრაკემ თანაბარი ქულები დააგროვეს, მათ დამატებითი მაჩვენებლებიც ერთნაირი აღმოაჩნდათ და ამიტომ ორგანიზატორთა გადაწყვეტილებით ლუკა წურწუმია და დავით ხარშილაძე ბრინჯაოს მედლების მფლობელები გახდნენ
9 წლის გოგოთა შორის პირველობა არავის დაუთმო ბარბარე კულუამ, მეორე შედეგი მარიამ სოლომონიძემ აჩვენა, მესამე კი – ლიზი სარიშვილი იყო.
7 წლის ჭაბუკებს შორის საუკეთსო შედეგი სანდრო ხოფერიამ, მეორე და მესამე შედეგი კი- თამაზ მალანიამ და დაჩი წივწივაძემ აჩვენეს
7 წლის გოგონათა შორის ბრწყინვალედ იასპარეზა მარიკა ბართიამ და გაიმარჯვა, ვერცხლის და ბრინჯაოს მედლებს კი გვანცა აფხაზავა და ნუნუკა ალანია დაეუფლნენ.
საუკეთესნი 6 წლამდე მოჭადრაკეებს შორის კი ელენე მირცხულავა და გეგა ბერაია იყვნენ.
ფოთელი მოჭადრაკეები ინტენსიურად ემზადებიან სამეგრელოს ჩემპიონატისთვის , რომელიც 11-14 აპრილს სენაკში იმართება.

იხილე მეტი

ფოთის მე-11 საჯარო სკოლაში აღმოსავლური ორთაბრძოლების,კერძოდ ტაიკვონდოს სკოლა გაიხსნა. ორთაბრძოლების სკოლის მენეჯერის ზაზა ქოიავას განცხადებით ნაბადის უბანში სასპორტო სექცია არ არსებობდა და მათ თავიანთი გეგმის განხორციელებაში თვითმმართვეოლობა დაეხმარა. მწვრთნელები იმედოვნებენ რომ ამ სკოლის გახსნით უფრო მეტად გაიზრდება ტაეკვონდოს დაუფლების მსურველთა რიცხვი.
ზაზა ქოიავას განცხადებით სწავლა ყველა სკოლის მოსწავლეს შეუძლია და რაც მთავარია ისინი ბავშვებს უფასოდ მოამზადებენ

იხილე მეტი

პირველ აპრილს მართმადიდებელი ეკლესია აღდგომის წინა კვირა დღეს, მაცხოვრის იერუსალიმში დიდებით შესვლას ზეიმობდა , რასაც ქრისტიანები ბზობას ან ბაიაობას უწოდებენ. ბზობის ბრწყინვალე დღესასწაული ფოთში, საკათედრო ტაძარში საზეიმო წირვით აღნიშნეს.
ტაძრის ეზოში მსურველებს ბზის ნერგებს სთავაზობდნენ

იხილე მეტი

დღეს სამეგრელოს ქუჩაზე მდებარე ე.წ მალანიას სტადიონზე ,,კოლხეთი 1913“-ის დუბლ შემადგენლობა, პირველი წრის მეექვსე ტურის მატჩში სამტრედიის ,,სამტრედიას“ დაუპირისპირდა და 3:1 დამარცხდა. ფოთელების მთავარი მწვრთნელის ზურაბ თოფურიას განცხადებით ეს შეხვედრა ხვალ უნდა გამართულიყო, მაგრამ ფედერაციის გადაწვეტილებით თარიღი გადმოტანილ იქნა და ამის შესახებ დაგვიანებით შეიტყვეს, გუნდის სუსტ თამაშს ინფრასტრუქტურის მოუწესრიგებლობას უკავშირებენ გულშემატკივრები და ფეხბურთელთა მშოიბლები, მათი განცხადებით სპორტსმენებს გაუსაძლის პირობებში უწევთ ვარჯიში, ყოველი წვიმის დროს მოედნები იტბორება, მოუწესრიგებელია გასახდელები და საშხაპეები.ფოთის კოლხეთის ძირითადი შემადგენლობა ,,სამტრედიას“ გუნდს ხვალ თბილისში დაუპირისპირდება.

იხილე მეტი