Category: სიახლე

3-4 თებერვალს ფოთის საჭადრაკო კლუბში ჩატარდა საკვალიფიკაციო ტურნირები მე-3, მე-4 და მე-5 კატეგორიებზე, რომელშიც მონაწილეობდა ფოთის, ზუგდიდის, სენაკის, ხობის და ჩოხატაურის 70-მე მოჭადრაკე. ტურნირები გაიმართა შვეიცარიული სისტემით 7 ტურად და I-III ადგილებზე გასული მოჭადრაკეები დაჯილდოვდნენ დიპლომებითა და მედლებით, ხოლო I ადგილზე გასულ მოჭადრაკეებს დამატებით გადაეცათ თასები. საბოლოო შედეგები: III კატეგორიაზე: I ადგილი – ნინი შამუგია, II ადგილი – საბა ბოლქვაძე, III ადგილი – ნიკოლოზ კვარაცხელია. IV კატეგორიაზე: I ადგილი – დიმიტრი ანთელავა, II ადგილი – მეგი ცობეხია, III ადგილი – ბარბარე კულუა. V კატეგორიაზე: I ადგილი – ირაკლი შედანია, II ადგილი – ნია ჭითანავა, III ადგილი – გაბრიელ ჩარგაზია.
მორიგი საკვალიფიკაციო ტურნირები მარტში გაიმართება.

იხილე მეტი

ფოთში ყაჩაღობის ფაქტი დაფიქსირდა ნაბადაში მდებარე ,,ლუკოილის,, ბენზინგასამართ სადგურს თავს ნიღბიანი და შეიარაღებული პირები დაესხნენ. ბენზინგასამართი სადგურის ხელმძღვანელობა წაღებული თანხის ოდენობას არ აკონკრეტებს. თუმცა ჩვენი ინფორმაციით ბოროტ მოქმედებმა სეიფიდან 30 000 ლარზე მეტი თანხის გატაცება შეძლეს.
შსს ინფორმაციით გამოძიება 179 მუხლით მიმდინარეობს, რაც ყაჩაღობას გულისხმობს.

იხილე მეტი

კორპორაცია „ფოთის საზღვაო ნავსადგურმა“ ასოციაცია „ათინათთან“ ერთად პროექტი სახელწოდებით \”ახალგაზრდა ვიზიტორები“ განახორციელა. პროექტის მიზანი იყო ახალგაზრდების სამოქალაქო და მოხალისეობრივი გაძლიერება, მათი ინფორმირებულობის გაზრდა, მომავალი თანამშრომლობის, კომუნიკაციისა და მეგობრული ურთიერთობის ჩამოყალიბება. პროექტის ფარგლებში, 3 თებერვალს ფოთს ზუგდიდელი ახალგაზრდები ესტუმრნენ. მათ ადგილობრივ ბავშვებთან ერთად ფოთის პორტი დაათვალიერეს, მიიღეს ინფორმაცია ნავსადგურის ფუნქციონირებისა და მისი მნიშვნელობის შესახებ. ასევე, ახალგაზრდებმა კოლხეთის ეროვნული პარკი დაათვალიერეს. შეხვერდაზე კოლხეთის ეროვნული პარკის ბიომრავალფეროვნებასა და ტურისტული მარშრუტების შესახებ ისაუბრეს. „ახალგაზრდა ვიზიტორების“ ფარგლებში შეხვედრა ზუგდიდში 20 იანვარს გაიმართა. ახალგაზრდებმა მონაწილეობა გაცნობით-ჯგუფურ აქტივობებში მიიღეს. ესტუმრნენ დადიანების მუზეუმს და რობერტ აბსანძის თიხის სახელოსნოს, სადაც თიხისაგან ლარნაკები და სუვენირები დაამზადეს. ასევე დაეუფლნენ მარციპანის დამუშავების ხელოვნებას. პროექტში სულ 40 ახალგაზრდა ღებულობდა მონაწილეობას.

იხილე მეტი

დღეს მორიგი სამეცნიერო სემინარი გაიმართა ახალი საქართველოს უნივერსიტეტში-ისლამური ფილოსოფია. პროფესორმა იოახიმ ფონ ვედელმა სამეცნიერო სემინარზე ისლამური კულტურისა და ფილოსოფიის თავისებურებებზე გააკეთა საინტერესო მოხსენება. სემინარს ესწრებოდნენ ახალი საქართველოს სამაგისტრო პროგრამის სტუდენტები და სხვა დაინტერესებული პირები. სემინარი საინტერესო დისკუსიით დასრულდა.

იხილე მეტი

2 თებერვალს მსოფლიო ჭარბტენიანი ტერიტორიების დაცვის საერთაშორისო დღეს აღნიშნავს. პირველად ეს დღე 1997 წელს აღინიშნა და მას შემდეგ მსოფლიოს სხვადასხვა სამთავრობო, არასამთავრობო ორგანიზაციები და საზოგადოებრივი ჯგუფები ერთი დევიზით ერთიანდება – „ტყეები წყლისა და ჭარბტენიანი ტერიტორიებისთვის.
ამ დღესთან დაკავშირებით ფოთის ეროვნულ პარკში ნორჩ ელჩბთან შეხვედრა გაიმართა სადაც საუბარი იყო საქართველოში საერთაშორისო მნიშვნელობის მქონე ჭარბტენიანი ქობულეთისა და კოლხეთის ეროვნული პარკის დაცულ ტერიტორიებზე.

იხილე მეტი

დღეს ფოთის მერის მოადგილე გიორგი ფარეშიშვილი და საკრებულოს სოციალურ საკითხთა კომისიის თავმჯდომარე ბაქარ ერაგია ფოთის სახელმწიფო პროფესიული თეატრის დასს შეხვდნენ და თეატრში არსებულ როგორც ინფრასტრუქტურულ პრობლემის, ასევე მაყურებლის მოზიდვისა და ზაფხულში თეატრალური ფესტივალისათვის მზადების საკითხებზე ისაუბრეს.

იხილე მეტი

საკრებულოს მე-4 მოწვევის სხდომაზე დებატები საფინანსო-საბიუჯეტო სამსახურის უფროსის მოვალეობის შემსრულებელის მიერ წარმოდგენილმა პროექტმა გამოიწვია, რომელიც 2018 წლის ბიუჯეტში ცვლილებების შეტანას შეეხებოდა, ასევე მან საკრებულოს წევრებს მუნიციპალური ქონების აღრიცხვის, რეგისტრაციის, მართვისა და განკარგვის მიმართულებით გაწეული მუშაობის შესახებ ანგარიში გააცნო. ოპოზიცის წარმომადგენლებმა ანიღნიშნულ საკითხებთან დაკავშირებით უარყოფითი პოზიცია დააფიქსირეს.

იხილე მეტი

ფოთის საჭადრაკო კლუბში სამეგრელო-ზემო სვანეთის რეგიონის ჩემპიონატში გამარჯვებულები დააჯილდოვეს. ცერემონიალს ადგილობრივი ხელისუფლების წარმომადგენლები ესწრებოდნენ. შეგახსენებთ ჩემპიონატი 27 იანვარს დაიწყო, რომელშიც ფოთის, ზუგდიდის, ხობისა და სენაკის 70-ზე მეტი მოჭადრაკე მონაწილეობდა. გაგაცნობთ ფოთელი მოჭადრაკეების შედეგებს: 7 წლის ჭაბუკთა შორის პირველი ადგილი გაგა გვასალიამ დაიკავა.7 წლის გოგონათა შორის ოქროს მედალი ნია ჭითანავას ერგო , ვერცხლის მედალი – გვანცა აფხაზავას, ბრინჯაოს მედალი – მარიკა ბართაიას. 9 წლის ჭაბუკთა შორის II ადგილი – გიორგი კვარაცხელიამ მოიპოვა, III ადგილი – ლუკა წურწუმიამ, 9 წლის გოგონათა შორის I ადგილი – ლიზი სარიშვილმა, II ადგილი – ბარბარე კულუამ, III ადგილი – მართა სორდიამ. 11 წლის გოგონათა შორის III ადგილი – ანა სანიკიძემ მოიპოვა. 13 წლის ჭაბუკთა შორის II ადგილი – თეიმურაზ კვიკვინიამ. 13 წლის გოგონათა შორის I ადგილი – ნინო სოლომონიამ, II ადგილი – ლიზი ფოჩხუამ.

იხილე მეტი

ეკონომიკისა და მდგრადი განვითარების სამინისტროს, ჰიდროგრაფიული სამსახურის სინოპტიკური სამმართველოს ინფორმაციით, ფოთისა და ყულევის სანაპირო ზოლზე ჰაერის ტემპერატურა 2 თებერვლიდან მოიმატებს.

იხილე მეტი

ქორეოგრაფიულმა ანსაბლმა „ლაზიკამ“ფოთის სახელმწიფო თეატრში კონცერტი გამართა. ანსამბლმა 20 წლის იუბილე აღნიშნა. „ლაზიკას“ მოცეკვავეები მაყურებლის წინაშე საათნახევრიანი სპეციალური პროგამით წარსდგნენ. ანსამბლს დაარსების დღიდან გიგლა თურია ხელმძღვანელობს. ის 2014 წელს საქართველოს ქორეოგრაფთა კავშირმა ქართული ქორეოგრაფიის ბრწყინვალების ორდენით დააჯილდოვა. საიუბილეო ღონისძიებას ადგილობრივი ხელისუფლების და საზოგადოების წარმომადგენლები ესწრებოდნენ.

იხილე მეტი