Category: სიახლე

ჭადრაკში საქართველოს დამსახურებული მწვრთნელის, დავით ჩირაძის ხსოვნისადმი მიძღვნილი გუნდური პირველობა, ფოთელი მოჭადრაკეების ბრწყინვალე გამარჯვებით დასრულდა. შეჯიბრება ქუთაისში მიმდინარეობდა, 8 წლის მოჭადრაკეთა ტურნირში პირველი ადგილი მოიპოვა გუნდმა \”ნანა\”-მ შემდეგი შემადგენლობით: ალექსანდრე გარუჩავა, გიორგი კვარაცხელია, ლუკა წურწუმია და ლიზი სარიშვილი. 10 წლამდელთა ტურნირში მეორე ადგილიც ასევე გუნდმა \”ნანა\”-მ დაიკავა: კახაბერ კიზირია, ალექსანდრე გარუჩავა, გიორგი კვარაცხელია და ანა სანიკიძე.

იხილე მეტი

ფოთის საკრებულოში მეექვსე მოწვევის პირველი სხდომა 20 ნოემბერს გაიმართება, ეს განცხადება ჟურნალისტებთან დღეს # 70 საოლქო საარჩევნო კომისიაში გააკეთეს .
საოლქო კომისიის თავმჯდომარის მოადგილეს მარიკა გაწერელიას განცხადებით ,საქართველოს ორგანული კანონის „ადგილობრივი თვითმმართველობის კოდექსის“ შესაბამისად, ახალარჩეული საკრებულოს პირველ სხდომას, საქართველოს ცენტრალური საარჩევნო კომისია, არჩევნების საბოლოო შედეგების შეჯამებიდან არაუგვიანეს 30 დღის ვადაში იწვევს.საკრებულოს ახალი თავმჯდომარის არჩევამდე მას ფოთის საკრებულოს უხუცესი წევრი აკაკი დრჯანია გაუძღვება.

იხილე მეტი

მონადირეთა და მეთევზეთა კლუბის წევრები დღეს გარემოსდაცვითი ზედამხედველობის სამსახურის ოფისში შეიკრიბნენ და მათთვის მნიშვნელოვან დ პრობლემურ საკითხზე სამსახურის უფროსთან ერთად იმსჯელეს. შეხვედრას, რომელიც სოციალური ქსელის მეშვეობით დაიგეგმა, სამეგრელოს რეგიონის მოყვარული მეთევზეები ესწრებოდნენ. მეთევზეების მიერ დასმული ძირითადი საკითხებია თევზის ნაირსახეობის პოპულაციის შემცირება, რასაც მათი თქმით ბრაკონიერობა იწვევს, როგორიცაა ელექტროდენით, ელექტროშოკის აპარატით, თვითნაკეთი ელექტრონული ხელსაწყოთი, ფეთქებადი ან მომწამლავი ნივთიერებით ან თევზის ან წყლის სხვა ცოცხალი ორგანიზმების მასობრივი განადგურება. ისინი ზედამხედველობის სამსახურისგან უფრო მკაცრი ღონისძიებების გატარებასა და ბრაკონიერობის აღკვეთისთვის პრევენციული ზომების გატარებას ითხოვენ. მეთევზეების შეკითხვებს ზედამხედველობის სამსახურის წარმომადგენლებმა უპასუხეს, უწყების ხელმძღვანელის ინფორმაციით, სამსახური ბრაკონიერობის გამოსავლენად ყველაფერს აკეთებს, თუმცა მთლიანდ პრობლემის აღსაკვეთად ადამიანური რესურსი საკმარისი არ არის.გარდა ამისა, უწყებამ, ბოლო 2 თვეში გატარებული ღონისძიებების ნუსხა წარმოადგინა, რომლის მიხედვითაც გამოვლენილია 4 სისხლის სამართლის, ადინისტრაციული სამართალდარღვევისა და სხვა შემთხვევები. საქართველოს ადმინისტრაციულ სამართალდარღვევათა კოდექსის მიხედვით მნიშვნელოვნად იზრდება სანქციები თევზჭერის წესების დარღვევის ფაქტებზე, რაც სხვადასხვა მიმართულებას გულისხმობს

იხილე მეტი

ფოთის ნავსადგურში ჟურნალისტებისთვის მედია ტური გაიმართა,სადაც ჟურნალისტებს სანავსადგურე ფლოტისა და საზღვაო-საბუქსირე ოპერაციებთან დაკავშირებით არსებული სიახლეები გააცნეს. როგორც „ეიპიემ ტერმინალს ფოთი“-ს გენერალურმა დირექტორმა განაცხადა, ნავსადგურმა,მომხმარებლებისთვის მომსახურების დონის ამაღ;ლების მიზნით , ორი ბუქსირი შეიძინა, რომელიც მეტეოროლოგიური პირობების გაუარესების დროს, გემების ნავმისადგომამდე უსაფრთხო მიყვანას უზრუნველყოფს.

იხილე მეტი

საქართველოს მართლმადიდებელი ეკლესიის მიერ წმინდანად შერაცხული ქეთევან დედოფლის წმინდა ნაწილები და ხატი, კვირას წირვის დასრულების შემდეგ , ფოთისა და ხობის ეპარქიიდან, მესტიისა და ზემო სვანეთის ეპარქიაში გადააბრძანეს.
ფოთის საკატედრო ტაძარში ქეთევან დედოფლის წმინდა ნაწილები 8 ნოემბერს ბათუმისა და ლაზეთის ეპარქიიდან ჩამოაბრძანეს. ამ ხნის მანძილზე ტაძარში ყოველდღიურად საღვთო მსახურება მიმდინარეობდა და მრევლს საშუალება ქონდა წმინდა ნაწილები მოელოცა.

იხილე მეტი

აზიური ფაროსანას საწინააღმდეგო შეწამვლაში ავიაციის გამოყენება გარკვეულ რისკენს შეიცავს, -ამის შესახებ სურსათის ეროვნული სააგენტოს იმერეთის სამმართველოში განაცხადეს.
მიხეილ ცქვიტარიძე ამბობს, რომ ჰაერიდან შეწამვლა რეკომენდირებული არ არის, რადგან ამ დროს საფრთხე ექმნება ფუტკარს.
გარდა ფუტკარისა, არსებობს სხვა რისკებიც, მათ შორის მჭიდრო დასახლებული პუნქტები.
ცოტა ხნის წინ თემაზე სოფლის მეურნეობის მინისტრმაც გააკეთა კომენტარი.

იხილე მეტი

მიტოვებული შენობების შეწამვლააზიური ფაროსანას საწინააღმდეგოდ
მომავალ წელს, აზიური ფაროსანას საწინააღმდეგო წამლობისას, აუცილებლად დადგება, მიტოვებული კარ-მიდამოებისა და შენობების პრობლემა, ამიტომ გამოვდივართ ინიციატივით, შეიქმნას მობილური ჯგუფი და შესაბამისი თანხებიც გამოინახოს. ამის შესახებ სოფლის მეურნეობის სამინისტროს ხონის მუნიციპალიტეტის საინფორმაციო-საკონსულტაციო სამსახურის სპეციალისტმა ტელეკომპანია ,,რიონის“ ეთერში განაცხადა.
ბადრი ბახტაძე ამბობს, რომ გამგეობისგან ინიციატივაზე თანხმობას ელოდება. სპეციალისტი მოსახლეობისთვისაქვე კიდევ ერთხელ განმარტავს, რომ საცხოვრებელ სახლებსა და ცხოველის სადგომებში შეწამვლა აკრძალულია.
ტელეკომპანია ,,რიონის“ ეთერში დისკუსია მედიაკამპანიის ,,ერთად ვებრძოლოთ აზიურ ფაროსანას“ ფარგლებში გაიმართა, რომელსაც ,,ჟურნალისტიკის რესურს ცენტრი“ პარტნიორ მედიასაშუალებებთან ერთად ახორციელებს. დისკუსია მომზადდა აშშ-ის საერთაშორისო განვითარების სააგენტოს (USAID), FERRERO-სა და CNFA-ს „საქართველოს თხილის სექტორის განვითარების პროექტის“ (G-HIP) მხარდაჭერით. წინამდებარე გადაცემა არ წარმოადგენს აშშ-ის მთავრობისა და USAID-ის შეხედულებებს.

იხილე მეტი

არასამთავრობო ორგანიზაცია „ახალგარზდა რეფორმატორთა ასოციაციის“ ორგანიზებით, ხვალ ფოთში, ნიკოლაძის სანაპირო ზოლზე, გამწვანების აქცია მოეწყობა.
აქციის ფარგლებში, მიმდებარე ტერიტორიაზე კვიპაროსები და მარდმწვანე ბუჩქები: ევანიუსი და აბელია დაირგვება.
ასევე, საფუძველი ჩაეყრება ფოთელი სტუდენტების ხეივანს. ორგანოზატორები მოქალექეებს აღნიშნულ აქციაში ჩართვისაკენ მოუწოდებენ.

იხილე მეტი

80 წლის სოციალურად დაუცველი ლიანა ჩხარტიშვილი ხელისუფლებისგან დახმარებას ითხოვს. ის ბარათაშვილის ქუჩაზე ყოფილი საბავშვო ბაღის ამორტიზებულ შენობაში ცხოვრობს,რომელშიც მარტოხელა მოხუცის განცხადებით, 2010 წელს მთავრობამ ორი ოთახი დაუთმო. საცხოვრებელ ფართში იატაკი დაზიანებულია, წვიმიან ამინდში შიგნით აწვიმს, როგორც ის ამბობს, ღამით საწოლში ქოლგის ქვეშ ძინავს.მისივე თქმით ადგილობრივი ხელისუფლების წარმომადგენლები მას წინასაარჩევნოდ დახმარებას დაჰპირდნენ,მაგრამ ჯერ-ჯერობით არავინ გამოჩენილა.

იხილე მეტი

სურსათის ეროვნული სააგენტოს მიერ ჩატარებული ლაბორატორიული კვლევის შედეგად, ფოთის აგრარულ ბაზარში ჯილეხის ვირუსის არსებობა არ დადასტურდა. ეს განცხადება აგრარული ბაზრის დირექტორმა თეა ბელქანიამ გააკეთა.
შეგახსენებთ, რომ დაახლოებით ერთი კვირის წინ ჯილეხის დიაგნოზით, ახალგაზრდა ქალი გარდაიცვალა.სურსათის ეროვნულ სააგენტოში ამ საკითხთან დაკავშირებით კვლევა მიმდინარეობს.
როგორც ფოთის აგრარული ბაზრის დირექციის წარმომადგენლები აცხადებენ, გასაყიდ პროდუქციას ლაბორატორიული შემოწმება ყოველდღიურად უტარდება,ასევე პროდუქციის ხარისხს, გეგმიურად თვეში ორჯერ ,სურსათის ეროვნული სააგენტო ამოწმებს.

იხილე მეტი