1 მაისიდან 15 ივნისის ჩათვლით, თევზის ტოფობის პერიოდის დაწყებასთან დაკავშირებით, პალიასტომის ტბაზე მოქმედებას იწყებს მკაცრი შეზღუდვები. ყველა საშუალებით თევზის მოპოვება, გარდა ანკესით სამოყვარულო თევზჭერისა, აკრძალულია. თუმცა კოლხეთის პარკის წარმომადგენლის განცხადებით, მომზადებულია დოკუმენტაცია, რომლის მიხედვითაც პარლამენტში შედის კანონპროექტი და სავარაუდოდ მომავალი წლიდან პალიასტომის ტბაში დასაშვები იქნება კეფალის მოპოვება მთელი წლის განმავლობაში. კოლხეთის პარკის ადმინისტრაცია მოუწოდებს მოქალაქეებს აღნიშნული პერიოდის განმავლობაში თავი შეიკავონ პალიასტომზე თევზის მოპოვებისგან.

იხილე მეტი

კორონავირუსის გავრცელებამ ქალაქის მოსახლეობის სოფლის მეურნეობით დაინტერესება გამოიწვია. მრავალი ადამიანი დაუბრუნდა მშობლიურ კუთხეს , წინაპართ სახლკარს, ბევრმა საკარმიდამო მეურნეობის მოწყობის გარდა უფრო დიდი გეგმებიც დაისახა. ერთ-ერთია ახალგაზრდა ფერმერი აკაკი მალანია, რომელიც მშობლიურ ხობის მუნიციპალიტეტს პანდემიის შემდეგ დაუბრუნდა და სიმინდის, დაფნის და მოცვის მოყვანას გეგმავს. მიუხედავად კორონავირუსის პანდემიისა, ხობის რაიონში სასოფლო-სამეურნეო სამუშაოები აქტიურად მიმდინარეობს, ხელისუფლების ინფორმაციით ამდროისთვის მუნიციპალიტეტში დამუშავებულია 3000 ჰექტარი მიწა, რაც შარშანდელთან შედარებით 10-ჯერ მეტია.

იხილე მეტი

საზოგადოებრივი ჯანდაცვის ცენტრის დირექტორის მოადგილის ზინაიდა გაგუას განცხადებით ქობულეთში ინფიცირებული ფოთელი პაციენტი, თავს კარგად გრძნობს და მკურნალობას ბათუმში აგრძელებს. რაც შეეხება მისი ოჯახის სამ წევრს, მათ ხელმეორედ გაუკეთდა ანალიზი COVID-19-ზე და პასუხი უარყოფითია. ისინი უკვე ფოთში იმყოფებიან, ჩამოსვლამდე კი მათ საცხოვრებელ ადგილებს, პროფილაქტიკის მიზნით დეზინფექცია ჩაუტარდა.

იხილე მეტი

ფოთის თხუთმეტივე საბავშვო ბაღში პროდუქტის გაცემის მეორე ეტაპი დაიწყო. 2000-მდე აღსაზრდელებს სხვადასხვა სახის სასურსათო პროდუქტი გადაეცემა . პროდუქტის გაცემის დროს დაცულია სოციალური დისტანცია და ყველა ის ნორმა რაც სპეციალისტების რეკომენდაციით გაიცა. პროდუქტის დარიგების პროცესს ფოთის მერი გოჩა კურდღელია გაეცნო. გარდა საბავშვო ბაღებისა აქტიურად მიმდინარეობს სასურსათო პროდუქტის დარიგება სოციალურად დაუცველი მოსახლეობისთვის. დღეისმდგომარეობით სასურსათო პროდუქტი 5500-ზე მეტ სოციალურად დაუცველ ოჯახს დაურიგდა.

იხილე მეტი

ახალი კორონავირუსის გავრცელების საპრევენციო ღონისძიებების ფარგლებში, მთელ სამეგრელოში ბაზრების სადეზინფექციოს სამუშაოები მიმდინარეობს. შესაბამისი ხსნარით ფოთის აგრარული ბაზარი და მიმდებარე ტერიტორიაც დამუშავდა.

იხილე მეტი

ფოთში დღეს საკრებულოს მორიგი სხდომა გაიმართა. დღის წესრიგში ორი მნიშვნელოვანი საკითხი იყო: საკრებულოს თვმჯდომარის არჩევა და ფოთის მერის 2019 წლის საქმიანობის ანგარიში. უმრავლესობამ ბექა ვაჭარაძის კანდიდატურა წარადგინა. სხდომას 22 წევრი ეწრებოდა, თუმცა ფარულ კენჭისყრაში მონაწილეობა მხოლოდ საკრებულოს 21-მა წევრმა მიიღო. კენჭისყრაში მონაწილეობა არ მიიღო “ნაციონალური მოძრაობის” წევრმა დარეჯან ცხვიტარიამ. არსებული ინფორმაციით, არჩევნებში მინაწილეობას აპირებდა ,,ქართული ოცნების“ კიდევ ერთ წევრი თორნიკე შონია, თუმცა უმრავლესობის გადაწყვეტილებით კენჭი მხოლოდ ვაჭარაძის კანდიდატურას უყარეს. 19 მომხრით ორის წინააღმდეგ საკრებულომ ბექა ვაჭრაძე ფოთის საკრებულოს თავმჯდომარედ დაამტკიცა. შესვენების შემდეგ საკრებულოს წევრებმა მერის ანგარიში მოისმინეს. გოჩა კურდღელიას თქმით…

იხილე მეტი

წუხელ გვიან ღამით ჩამოვიდა პასუხები ლუგარის ლაბორატორიიდან, გუშინწინ გაგზავნილ 25 ანალიზში კორონავირუსი არავის დაუდასტურდა, აღსანიშნავია რომ მათ შორის 23 სამედიცინო დაწესებულების თანამშრომელი იყო, რომელთა გადამოწმება დავადების პრევენციის მიზნით მოხდა. სავარაუდოდ დღეს გახდება ცნობილი გუშინ გაგზავნილი 17 ანალიზის პასუხი, რომელთ შორის 15 სამედიცინო დაწესებულების პერსონალის ბიოლოგიური მასალაა.ამჟმად ფოთის ცხელების ცენტრში ლუგარის ლაბორატორიაში გასაგზავნად 5 პაციენტის ანალიზი მზადდებაადგილობრივი საზოგადოებრივი ჯანდაცვის ცენტრის ინფორმაციით, მედპერსონალის იმ ნაწილს, რომელსაც შეხება აქვს საეჭვო სიმპტომების მქონე პაციენტებთან, 14 დღეში ერთხელ „კოვიდ-19“-ზე კვლევა ჩაუტარდება.

იხილე მეტი

ჩვენი გადამღები ჯგუფი შეეცადა გაერკვია ფოთელთა აზრი კორონავირუსის გამო შექმნილი სიტუაციისა და დაწესებული შეზღუდვების შესახებ. მათი აზრი არაერთგვაროვანია.

იხილე მეტი

კორონავირუსის გავრცელების პრევენციისა და მოქალაქეთა უსაფრთხოების მიზნით, სადეზინფექციო სამუშაოები გრძელდება. ფოთში ამჯერად სპეციალური ხსნარით სამეგრელოსა და ხობის ქუჩები დამუშავდა. კორონავირუსის საპრევენციო სამუშაოებს მერიის სამსახურები და საგანგებო სიტუაციების მართვის სამსახური ერთობლივად ახორციელებენ.

იხილე მეტი