ფოთი ახალ წელს ახალი ილუმინაციებით შეხვდება. ამის შესახებ ფოთის მერის მოადგილემ, პაატა ლაგვილავამ განაცხადა. ახალი წლის დღესასწაულთან დაკავშირებით ფოთის მერიის მიერ გამოცხადებულ ტენდერში კომპანია ,,ქოლორფულ სფირით“-მა გაიმარჯვა, რომელიც ხელშეკრულების საფუძველზე ქალაქგაფორმების სამუშაოებს განახორციელებს. ამჟამად ილუმინაციების და სადღესასწაულო განათების მოწყობილობების მონტაჟი აღმაშენებლის ქუჩაზე მიმდინარეობს და რუსთაველის რკალზე, აკაკის და სამეგრელოს ქუჩებზეც გაგრძელდება. რის გამოც ავტომობილების მოძრაობა აღნიშნულ მონაკვეთებზე პერიოდულად შეიზღუდება. პაატა ლაგვილავას განცხადებით, ქალაქის მთავარი ნაძვის ხის ანთების საზეიმო ცერემონიალი 25 დეკემბერს გაიმართება. საახალწლო პროგრამასთან დაკავშირებით დეტალურ ინფორმაციას ფოთის მერია უახლოეს დღეებში გაავრცელებს.

იხილე მეტი

ეთერშია „სტუდია ვაშინგტონი“ ამერიკის ხმისა და რეგიონულ მაუწყებელთა ალიანსის ერთობლივი პროექტი

იხილე მეტი

რუსეთის ერთადერთ ავიამზიდს ”ადმირალ კუზნეცოვს” ცეცხლი გაუჩნდა. ხანძარი ზედა გემბანზე მაშინ გაჩნდა, როდესაც გემი პორტში სარემონტო სამუშაოებისთვის იდგა. ინციდენტის დროს გემბანზე მყოფი რამდენიმე ადამიანი ადამიანი დაშავდა. ცეცხლის ჩაქრობას მეხანძრე-მაშველები ამ დრომდე ცდილობენ. რემონტისას რამდენიმე თვის წინ დოკი რომელზეც ავიამზიდი რემონტდებოდა ჩაიძირა, მას კი ამწე დაეცა.

იხილე მეტი

წინა წლების მსგავსად ქაფშიის სეზონის დაწყებასთან ერთად ქალაქში უსიამოვნო სუნმა დაიწო გავრცელება რასაც სოციალურ ქსელში მოსახლეობის მწვავე გამოხმაურება მოჰყვა. რატომ არ ხდება თევზის სუნის პრობლემის მოგვარება ჩვენს ქალაქში და რატომ არ აპროტესტებენ მას აქტიურად. ამ კითხვით ფოთის მოსახლეობას მივმართეთ. უმრავლესობა ამბობს რომ პროტესტს აზრი არა აქვს რადგან პრობლემის მოგვარების იმედი არა აქვთ

იხილე მეტი

2019 წელი ბრწყინვალე შედეგით დაასრულა 14 წლის ფოთელმა მოჭადრაკემ ელენე წოწონავამ. ამჯერად მან თავის კარიერაში ყველაზე დიდ წარმატებას მიაღწია და ისეთ საჭადრაკო ქვეყანაში როგორიც საქართველოა, მოიპოვა 2020 წლის საქართველოს 77-ე ქალთა ჩემპიონატის უმაღლესი ლიგის საგზური. ელენემ ამ წარმატებას საქართველოს ქალთა ჩემპიონატის პირველ ლიგაში საპრიზო ადგილის დაკავებით მიაღწია. საქართველოში უკანასკნეული ათეულობით წლების განმავლობაში 14 წლის ასაკში მსგავსი შედეგისთვის არავის მიუღწევია. საქართველოს ჩემპიონატის უმაღლესი ლიგა არის დახურული ტურნირი და მასში მონაწილეობს საქართველოს საუკეთესო 10 მოჭადრაკე ქალი. ოლიმპიური ჩემპიონები და პრიზიორები, მსოფლიოსა და ევროპის ჩემპიონები და პრიზიორები: ნანა ძაგნიძე, ბელა ხოტენაშვილი, ლელა ჯავახიშვილი,…

იხილე მეტი

“ერთიანი ნაციონალური მოძრაობის” ფოთის ორგანიზაციის თავმჯდომარე დარეჯან ცხვიტარია დღეს საჯარო სკოლის დირექტორებს შეხვდა. მისი თქმით ამის მიზანი პედაგოგების გამხნევება და მხარდაჭერის გამოცხადებაა, რათა მათ 14-დეკემბერს დაგეგმილ “კონტრაქციაზე” წასვლა არ აიძულონ. ცხვიტარიას ინფორმაციით საჯარო სკოლების პედაგოგებს თბილისში აქციაზე წასვლას ხელისუფლება აიძულებს, წინააღმდეგ შემთხვევაში კი მათ სამსახურიდან გათავისუფლებით ემუქრებიან.

იხილე მეტი

ფოთის საჭადრაკო კლუბ ,,ნანა’“-ში გრძელდება ჯემალ თოფურიას ხსოვნისადმი მიძღვნილი მე-10 საჭადრაკო ფესტივალი. გუშინ დაიწყო შეჯიბრი კლასიკურ ჭადრაკში, რომლის ფარგლებში ტარდება როგორც ღია, ასევე 7 და 9წლის გოგონათა და ვაჟთა შორის ტურნირები შეჯიბრი შვეიცარული სისტემით 7ტურად გაიმართება. ტურნირი 14დეკემბერს დასრულდება და გამოვლინდება გამარჯვებულები 15დეკემბერს ფესტივალის ფარგლებში გაიმართება ბლიც-ტურნირი და ამავე დღესვე საზეიმო ვითარებაში დაიხურება.

იხილე მეტი

ფოთის სალოტბარო სკოლას რეგენტი რომეო ზარქუა დაუბრუნდა . მან ადრეული ასაკიდან შეიყვარა სიმღერა, შემდგომ გიორგი მთაწმინდელის სახელობის გალობის უმაღლესი სასწავლებლი დაამთავრა და უკვე მისი პირველი პედაგოგის იროდი ტიკარაძის მხარდამხარ იღვაწებს. ფოთის სალოტბარო სკოლა 2015 წლიდან ფუნქციონირებს, სადაც სწავლება სრულიად უფასოა. იროდი ტიკარაძის განცხადებით სკოლის მთავარი დანიშნულებაა არ დაიკარგოს ქართული ფოლკლორი.

იხილე მეტი

დღეს ფოთის კალათბურთის დარბაზში საჯარო სკოლებს შორის „მხიარული სტარტები“ დაიწყო. შეჯიბრში ფოთის ყველა საჯარო და წმინდა ნიკოლოზის სახელობის კერძო სკოლა მონაწილეობდა. ხვალ მხიარული სტარტების ფინალური ეტაპი გაიმართება და გამარჯვებულებიც გამოვლინდებიან

იხილე მეტი

საქართველოს განათლების, მეცნიერების, კულტურისა და სპორტის სამინისტრომ, 4 ფოთელ მწვრთნელს კრივში შეტანილი წვლილისათვის მიანიჭა საქართველოს დამსახურებული მწვრთნელის სტატუსი . დამსახურებული მწვრთნელები გახდნენ: გოჩა რუსია, ნიკოლოზ იზორია, ლაშა ოჩიგავა და თემურ ოჩიგავა.

იხილე მეტი