მოგესალმებით, ეთერშია „სტუდია ვაშინგტონი“ – „ამერიკის ხმისა და რეგიონულ მაუწყებელთა ალიანსის ერთობლივი პროექტი. ვაშინგტონიდან თქვენთვის ეკა მაღალდაძე მუშაობს: „რუსეთს ყველაზე მეტად უკრაინის წარმატების ეშინია. ჩვენ კი უნდა განვაგრძოთ უკრაინისთვის სამხედრო დახმარების მიწოდება და დავრწმუნდეთ, რომ ქვეყანა პოლიტიკურად და ეკონომიკურად დაცულია“, – ამ კითხვით მიმართა კაპიტოლიუმში შეკრებილი საზოგადოების წევრებს დემოკრატმა სენატორმა ქრის მერფიმ. გასულ კვირას ამერიკის კონგრესში უკრაინის მიმართ ამერიკის სტრატეგიული ინტერესების შესახებ იმსჯელეს. ასობით ათასი გოგონასთვის ამერიკაში ქორწილის დღე სულაც არ იყო ბედნიერი და საოცნებო. როგორც ირკვევა, ციფრები ბავშვთა ქორწინების შესახებ ამერიკის ზოგიერთ შტატში განსაკუთრებით მაღალია. „იბერია“ – ასე ჰქვია…

ჰიდროგრაფიული სამსახურის სინოპტიკური სამმართველოს ინფორმაციით 10 დეკემბერს მოსალოდნელია მოღრუბლული ამინდი, ჰაერის ტემპერატურა დღისით: +11° +13° ; ღამით: +3° +5°. დაქროლავს ცვალებადი მიმართულების ქარი 5-10 მ/წმ, სიჩქარით. 11 დეკემბერს მოსალოდნელია მოღრუბლული ამინდი. დაქროლავს ცვალებადი მიმართულების ქარი 5-10მ/წმ სიჩქარით. ჰაერის ტემპერატურა დღისით: +11° +13° ; ღამით: +4° +6° იქნება.

ქობულეთში თევზსაჭერი სეინერი “განთიადი” ჩაიძირა. კაპიტანმა სამაშველო სამსახური გამოიძახა, თუმცა იქვე მყოფი სხვა სეინერის “ვიქტორიას” დროული ჩარევით შესაძლებელი გახდა რვავე მეზღვაურის გადარჩენა. როგორც ჩვენთან საუბარში გემ ,,ვიქტორიას“-ს კაპიტანმა იეროსლავ თამლიანმა განაცხადა, მან რაციის საშუალებით გაიგო რომ გემი ,,განთიადი“ შველას ითხოვდა, რაზეც მან დაუყონებლივ მოახდინა რეაგირება. გემზე მყოფი 8 მეზღვაური უვნებლად გადარჩა. გემი 30 ტონა ქაფშიით იყო დატვირთული. სეინერი ფოთში მცხოვრებ აფხაზეთიდან დევნილ პირებს ეკუთვნის. ჩვენი ინფორმაციით ჩაძირული გემი მოძველებული იყო, თუმცა სეზონის დაწყებამდე მას რემონტი დოკზე ჩაუტარდა. აღსანიშნავია ისიც რომ გემ “განთიადზე”, ისევე როგორც სხვა სეინერებზე, სამაშველო ტივი არ ჰქონდათ.

ფოთის საჭადრსკო კლუბ ,,ნანა”-ში ჯემალ თოფურიას ხსოვნისადმი მიძღვნილი მე-10 საჭადრაკო ფესტივალის ფარგლებში გაიმართა ტურნირი საჯარო სკოლებს შორის. მასში 10 სკოლის 50 მოსწავლე მონაწილეობდა. შეჯიბრი შვეიცარული სისტემით შვიდ ტურად ჩატარდა. შედეგები ასე გამოიყურება: პირველი ადგილი მე-15 საჯარო სკოლამ დაიკავა, მე-2 ადგილზე მე-2 საჯარო სკოლა გავიდა, მე-3 ადგილი კი მე-5 საჯარო სკოლას ერგო.

სრული ანშლაგით ჩაიარა საქველმოქმედო სპექტაკლმა – “ჯერ დაიხოცნენ, მერე იქორწინეს” , რომელიც ვ. გუნიას სახელობის პროფესიული სახელმწიფო თეატრის დასმა კოალიცია სოციალური რეფორმებისათვის შშმ ბავშვთა დღის ცენტრის დასახმარებლად გამართა. საქველმოქმედო სპექტაკლების ბილეთების რეალიზებიდან მონაგები თანხისა და შემოწირული თანხის საერთო ჯამმა 2 000 ლარამდე შეადგინა.

ფოთის საჭადრაკო კლუბ ,,ნანა“-ში გრძელდება ჭადრაკის დიდი მოყვარულის ჯემალ თოფურიას ხსოვნისადმი მიძღვნილი მე-10 საჭადრაკო ფესტივალი. დღეს დასრულდა დამწყებ მოჭადრაკეთა ტურნირი, რომელშიც 80-მდე მოჭადრაკემ მიიღო მონაწილეობა. შეჯიბრი შვეიცარული სისტემით შვიდ ტურად ჩატარდა. გამოვლინდნენ გამარჯვებულები და პრიზიორები. ისინი 15 დეკემბერს დაჯილოვდებიან.

ფოთის საჭადრაკო კლუბ ,,ნანა“-ში გრძელდება ჭადრაკის დიდი მოყვარულის ჯემალ თოფურიას ხსოვნისადმი მიძღვნილი მე-10 საჭადრაკო ფესტივალი. დღეს დასრულდა დამწყებ მოჭადრაკეთა ტურნირი, რომელშიც 80-მდე მოჭადრაკემ მიიღო მონაწილეობა. შეჯიბრი შვეიცარული სისტემით შვიდ ტურად ჩატარდა. გამოვლინდნენ გამარჯვებულები და პრიზიორები. ისინი 15 დეკემბერს დაჯილოვდებიან.

თამარ ფაჩულიას საავტორო სკოლა გიმნაზიაში დაწყებითი კათედრის კვირეულის ფარგლებში ლიტერატურულ – მუსიკალური ღონისძიება ,,ჩემი საქართველო“ გაიმართა. აღსანიშნავია, რომ სკოლამ კვირეულის ფარგლებში პედაგოგ ლადო აფხაზავას უმასპინძლა. მან ამავე სკოლის მასწავლებლებსა და მოსწავლეებს მისი გამოცდილება გაუზიარა. ლანჩხუთის მუნიციპალიტეტის სოფელ ჩიბათის საჯარო სკოლის სამოქალაქო განათლების მასწავლებელი ლადო აფხაზავა 2019 წლის „მასწავლებლის გლობალური ჯილდოს” მფლობელია ის ჩიბათის სკოლაში 2010 წლიდან ასწავლის.

ნარკოტიკების შეძენა-შენახვის ბრალდებით დაკავებულ ბერ-მონაზონს ბრალი ოფიციალურად წარუდგინეს. ბრალის წარდგენა ფოთის დროებითი მოთავსების იზოლატორში მოხდა, სადაც ის ზუგდიდიდან გუშინ გადაიყვანეს. მამაოს ბრალი წარედგინა სსკ-ის 260-ე მუხლის მე-3 და მე-6 ნაწილებით. ის ისევ ადასტურებს პირვანდელ ჩვენებას, რომ ჩანთა და ნარკოტიკები, რომელიც ამ ჩანთაში იყო მოთავსებული, ეკუთვნის თავად მას. თავს ცნობს დამნაშავედ, რაც შეეხება აღნიშნულ საქმეზე დაკავებულ კიდევ ერთ პირს, ის შესაძლოა საპყრობილიდან ხვალ გათავისუფლდეს. ცნობილია, რომ მასთან დაკავშირებით შეფარდებულია გირაო. იმისთვის რომ გათავსუფლდეს საპყრობილიდან, უნდა მოხდეს გირაოს უზრუნველყოფა ქონებით. შეგახსენებთ, რომ ზუგდიდში ნარკოდანაშაულისთვის ორი ადამიანი, მათ შორის, ერთი სასულიერო პირი დააკავეს.