პოლიტიკური პარტია „გირჩი“  2021 წლის 2 ოქტომბერს ადგილობრივი თვითმმართველობის არჩევნებზე  ,,36’’ ნომრით იყრის კენჭს. ის ფოთში პროპორციული სიით წარსდგება, რომლის პირველი ნომერიც ნატალია ჭყონია იქნება.  „გირჩი არის პარტია, რომელიც ორიენტირებულია ყოველგვარი ბიუროკრატიული მექანიზმების მაქსიმალურად გამარტივებაზე“ – განაცხადა ჩვენთან ინტერვიუში გირჩის სიის  პირველმა ნომერმა  ფოთში, ნატალია ჭყონიამ. შეგახსენებთ, რომ პოლიტიკური პარტია „გირჩი“ ფოთში პროპორციული სიით წარსდგება და  მას მაჟორიტარობისა და მერობის კანდიდატები არ ეყოლება.

იხილე მეტი

დევნილთა, ეკომიგრანტთა და საარსებო წყაროებით უზრუნველყოფის სააგენტო ,განსახლებულ დევნილებსა და ეკომიგრანტებს, სასოფლო-სამეურნეო საქმიანობის, სურსათის წარმოებისა და გადამუშავების ხელშეწყობის მიზნით,გრანტებს გადასცემს. აღნიშნულ საკითხთან დაკავშირებით ჩვენ ქალაქ ფოთის მუნიციპალიტეტის მერიის ჯანმრთელობისა და სოციალური დაცვის სამსახურის დევნილთა განყოფილების უფროსს ირაკლი ლეჟავას ვესაუბრეთ პროგრამის ფარგლებში, მთელი ქვეყნის მასშტაბით, 100 იძულებით გადაადგილებული პირი დაფინანსდება სააგენტო იძულებით გადაადგილებულ პირებს, ხელის ტრაქტორებს, სხვადასხვა სახეობის მრავალწლიან კულტურებს, სასოფლო-სამეურნეო, სურსათის წარმოებისა და გადამუშავებისთვის საჭირო ინვენტარს შეუძენს. პროგრამის მთავარ მიზანს, სახელმწიფოს მიერ საცხოვრებლით უზრუნველყოფილი დევნილებისა და ეკომიგრანტების ინტეგრაციის ხელშეწყობა და მათთვის შემოსავლის წყაროს გაჩენა წარმოადგენს.

იხილე მეტი

ბოლო 24 საათის განმავლობაში საქართველოში კორონავირუსი კიდევ 2 571 ადამიანს დაუდასტურდა, გამოჯანმრთელდა 3 668 პაციენტი. ამ ეტაპზე საქართველოში 1 512 მძიმე კოვიდინფიცირებული პაციენტია, ხელოვნური სუნთქვის აპარატზე კი 380 პირი იმყოფება. ჯანმრთელობისა და სოციალური დაცვის სამინისტროში ეკატერინე ტიკარაძის ხელმძღვანელობით ვაქცინაციის საბჭო გაიმართა. მხარეებმა ქვეყანაში არსებულ ეპიდემიოლოგიურ ვითარებაზე, ვაქცინაციაში არსებულ საჭიროებებზე, გამოწვევებსა და მათი გადაჭრის გზებზე იმსჯელეს. განიხილეს ბავშვთა იმუნიზაციის პროცესი, ქვეყანაში „სინოფარმის“ დამატებითი დოზების შემოსვლის საკითხი და ის წამახალისებელი ღონისძიებები, რომლებიც ვაქცინაციის ხელშეწყობისთვისაა მნიშვნელოვანი. საქართველო წითელი ჯვრისგან საჩუქრად 100 ათას დოზა „სინოფარმს“ მიიღებს. ამის შესახებ ჯანდაცვის მინისტრმა, ეკატერინე ტიკარაძემ ვაქცინაციის საბჭოს…

იხილე მეტი

განათლების სამინისტროს ინფორმაციით პირველკლასელთათვის სასწავლო პროცესი 15 სექტემბრის ნაცვლად, 4 ოქტომბერს საკლასო ოთახებში დაიწყება.  რამდენად მზად არის ფოთის საჯარო სკოლები სასწავლო პროცესის საკლასო ოთახებში დასაწყებად?! აღნიშნულ საკითხთან დაკავშირებით ჩვენ ფოთის საგანმანათლებლო რესურსს-ცენტრის უფროს გოჩა ქორქიას ვესაუბრეთ. მისი თქმით ფოთის საჯარო სკოლები, კოვიდ რეგულაციის სრული დაცვით,გაანახლებს  სასწავლო პროცეს. რაც შეეხება კერძო სკოლებს,მათ,არჩევანის უფლება აქვთ,  დისტანციურსა  და  საკლასო ოთახებში სწავლებას შორის. აღსანიშნავია რომ აღნიშნული გადაწყვეტილება პედაგოგიკურ მოსაზრებას ეფუძნება, რომლის თანახმად პირველკლასელთა პირველი სასკოლო გამოცდილება უმჯობესია წარიმართოს საკლასო ოთახებში, თანაკლასელებისა და მასწავლებლების გარემოცვაში.

იხილე მეტი

,,ამერიკის ხმისა”” და ,,საქართველოს რეგიონულ მაუწყებელთა ალიანსის” ერთობლივი პროექტი: ,,სტუდია ვაშინგტონი”

იხილე მეტი

ექსპრეზიდენტმა მიხეილ სააკაშვილმა არჩევნებისთვის საქართველოში დაბრუნება კიდევ ერთხელ დააანონსაროგორც ის ამბობს, გამოაცხადებს ყველა კონკრეტული გადაადგილების, თარიღის, მარშრუტისა და სატრანსპორტო საშუალების შესახებ ინფორმაციას. მისი თქმით, ამას გააკეთებს სრულიად გახსნილად და შეგნებულად.სააკაშვილის განცხადებას , ფოთელი ოპოზიციონერი პოლიტიკოსები ეხმაურბიან, ისინი საქართველოს მესამე პრეზიდენტის შესაძლო დაბრუნებას დადებითად აფასებენ.აღსანიშნავია, რომ სააკაშვილმა არჩევნებისთვის საქართველოში დაბრუნება კიდევ ერთხელ დააანონსა, თუმცა, როგორც თავად თქვა, კონკრეტულ თარიღს მოგვიანებით დაასახელებს. ადგილობრივი თვითმმართველობის არჩევნები კი 2 ოქტომბერს არის დანიშნული.

იხილე მეტი

უამინდობის დროს,  ძლიერი წვიმის შემდეგ, ფოთის ქუჩები იტბორება,აღნიშნულ საკითხს, ფოთის აგრარული ბაზრის დირექტორი ნოდარ კორსანტია ეხმაურება. ის ქალაქში,  კერძოდ ბაზრის ტერიტორიაზე მოუწესრიგებელი სანიაღვრე სისტემის გამო შექმნილ პრობლემაზე  სრულ პასუხისმგებლობას ფოთის მერიას აკისრებს. კორსანტიას განცხადებით, საკითხი 2002 წლიდან  დღემდე აქტუალურია,სანიაღვრე არხები თვეში, 2 -ჯერ გაწმენდას საჭიროებს,  რაც  სრულიად ადგილობრივი თვითმმართველობის პრეროგატივაა. აღნიშნულ საკითხთან დაკავშირებით ფოთის მერია კომენტარს არ აკეთებს.

იხილე მეტი

საქართველოში კორონავირუსის 1 965 ახალი შემთხვევა გამოვლინდა. ამ ეტაპზე პედიატრიულ კლინიკებში ადგილები არის, ვინაიდან ჩვენ პიკი დაახლოებით 2 კვირის წინ გადავიარეთ, – ამის შესახებ ჯანდაცვის მინისტრმა ეკატერინე ტიკარაძემ განაცხადა. მისი თქმით, ბავშვებთან მიმართებით სირთულეები დადგა გაცილებით უფრო ადრე, რასაც რეალურად სახელმწიფო საკმაოდ მობილიზებული შეხვდა ეკატერინე ტიკარაძემ სრულად აცრილებში გარდაცვალების მაჩვენებელი დაასახელა. 50 წელს ქვევით, სრულად აცრილებში გარდაცვალების ფაქტი არ დაფიქსირებულა. „ორჯერადად აცრილებში გარდაცვალების მაჩვენებელი 0,3%-ია“, – აღნიშნა ტიკარაძემ. ინფექციური საავადმყოფოს დირექტორის თენგიზ ცერცვაძის განცხადებით საქართველოში მე-5 ტალღა იქნება, მაგრამ არ იქნება ისეთი მძიმე, როგორიც მე-3 და მე-4 ტალღა იყო. კუბა…

იხილე მეტი

უწყებათაშორისი საბჭოს გადაწყვეტილებით, საზოგადოებრივ ტრანსპორტის მოძრაობაზე დაწესებული შეზღუდვა 13 სექტემბრამდე გახანგრძლივდა. აღნიშნული საკითხთან დაკავშირებით, სამაუწყებლო კომპანია ,,მეცხრე ტალღა”-ს ,,ლეიბორისტული პარტია”-ის ფოთის ორგანიზაციის თავმჯდომარემ მამუკა ხორავამ მიმართა, როგორც ის აღნიშნავს ფოთის მოსახლეობაზე მუნიციპალური ტრანსპორტის შეზღუდვამ უარყოფითად იმოქმედა,ვინაიდან ყველას არ აქვს საშუალება საკუთარი მანქანით ან ტაქსით გადაადგილდეს. ის შესაბამის სამსახურებს რეაგირებისკენ მოუწოდებს და აღნიშნავს, რომ ფოთში მუნიციპალური ტრანსპორტი,კოვიდ რეგულაციების ყველა ნორმას აკმაყოფილებს და მისი შეზღუდვა მხოლოდ დამატებიტი პრობლემის შექმნის წინაპირობაა. ცნობისთვის, თავდაპირველად ტრანსპორტის მუშაობა 4 სექტემბრამდე იყო შეზღუდული,თუმცა უწყებათაშორისი საკოორდინაციო საბჭოს გადაწყვეტილებით რეგულაცია  13 სექტემბრამდე გახანგრძლივდა.

იხილე მეტი

სოციალური პროგრამები, ინფრასტრუქტურა და სახელისუფლებო გუნდის სამომავლო გეგმები – ქალაქ ფოთის “ქართული ოცნების” მერობის კანდიდატი ბექა ვაჭარაძე მაჟორიტარი დეპუტატობის კანდიდატებთან ერთად მოსახლეობასთან შეხვედრებს აქტიურად განაგრძობს . ბექა ვაჭარაძემ ადგილობრივებს საარჩევნო პროგრამა და გუნდის სამომავლო ხედვები გააცნო და მათი საჭიროებები მოისმინა. კანდიდატის თქმით, გუნდის პრიორიტეტია, ყველა უბანი იყოს ინფრასტრუქტურულად გამართული და ადგილობრივი მოსახლეობის საჭიროებებს მაქსიმალურად მორგებული.

იხილე მეტი