ეკონომიკისა და მდგრადი განვითარების სამინისტროს, ჰიდროგრაფიული სამსახურის სინოპტიკური სამმართველოს ინფორმაციით, 21 ივნისის ჩათვლით ფოთისა და ყულევის სანაპიროზე წვიმიანი ამინდი დაფიქსირდება. ჰაერის მაქსიმალური ტემპერატურა +26° მიაღწევს.
იხილე მეტიარასამთავრობო ორგანიზაცია „დიოსკურიაში“ ფოთელ “FLEX”-ელთა კლუბი ჩამოყალიბდა, სადაც ამ პროგრამაში გამარჯვებული ახალგაზრდები გაწევრიანდნენ. ორგანიზატორების განცხადებით, კლუბის შექმნა მიზნად ისახავს მომავალ ლიდერთა გაცვლითი პროგრამა “FLEX”-ით დაინტერესებულ მოსწავლეთათვის გამოცდილების გაზიარებას. შეხვედრას მშვიდობის კორპუსის ამერიკელი მოხალისეებიც ესწრებოდნენ.
იხილე მეტისამაუწყებლო კომპანია მეცხრე ტალღა და სამოქალაქო განვითარებისა და ინტეგრაციის ცენტრი, ერთობლივი პროექტის ფარგლებში ამერიკელ მოხალისეს მასპინძლობს, რომელიც მრავალ საინტერესო პროექტის განხორციელებას გეგმავს ფოთელ ახაგაზრდებთან ერთად. სამოქალაქო განვითარებისა და ინტეგრაციის ცენტრში არსებობს ინგლისური ენის ცენტრი, სადაც მოსწავლეები ეუფლებიან ინგლისურ ენას. მათ საშუალება აქვთ გაეცნონ ამერიკულ კულტურას და ამერიკელი ახალგაზრდების ცხოვრების წეს-ჩვეულებებს, რაშიც ორგანიზაციის თანამშრომლებს ამერიკელი მოხალისე დაეხმარება . იგი ივლისის თვიდან 2 წლის განმავლობაში აქტიურად შეუდგება საქმიანობას. სამოქალაქო განვითარებისა და ინტეგრაციის ცენტრი 2009 წლიდან ფუნქციონირებს, ამ დროის განმავლობაში 3500-ზე მეტმა ბენეფიციალმა გაიარა გადამზადება სხვადასხვა მიმართულებით. 15 ივლისიდან საზაფხულო სკოლისთვის რეგისტრაცია იწყება.
იხილე მეტიქალაქ ფოთის ცენტრალურ ბიბლიოთეკაში დისკუსია გაიმართა თემაზე – ,, საბჭოთა რეპრესიები საქართველოში”. დისკუსიის მოდერატორი საერთაშორისო გამჭვირვალობა საქართველოს ზუგდიდის კოორდინატორი, არჩილ თოდუა გახლდათ. შეხვედრას მოსწავლე ახალგაზრდები და ბიბლიოთეკის თანამშრომლები ესწრებოდნენ. პროექტი, ღია საზოგადოების ფონდის დაფინანსებით მიმდინარეობს და მას ინტერნეტ გამოცემა ,,ლაივპრესი” ახორციელებს. დისკუსიები მთელი სამეგრელოს მასშტაბით გაგრძელდება.
იხილე მეტიფოთში, ტაეკვანდოს ღია ჩემპიონატზე სამი მწვრთნელი დააკავეს. ისინი ამ დრომდე ფოთის პოლიციის წინასწარი დაკავების საკანში იმყოფებიან. მათ ბრალს დღეს წაუყენებენ. ინციდენტი გუშინ, ტაეკვანდოს ფედერაციის პრეზიდენტის სულხან ბაბუაძის მომხრეებსა და მოწინააღმდეგეებს შორის მოხდა. ფედერაციის წევრების ნაწილი სულხან ბაბუაძეს არასწორ მენეჯმენტში ადანაშაულებს და მის გადაყენებას მოითხოვს. დაპირისპირება ჩემპიონატზე დაიწყო, რაც მოგვიანებით დარბაზის გარეთ ფიზიკურ დაპირისპირებაში გადაიზარდა. დაკავებული მწვრთნელების ახლობლები ამ დრომდე პოლიციის შენობასთან იმყოფებიან. ისინი საპროცესო შეთანხმებას მოითხოვენ, წინააღმდეგ შემთხვევაში საპროტესტო აქციების გამართვით იმუქრებიან. შსს-ს ინფორმაციით, გამოძიება 126-ე მუხლით მიმდინარეობს, რაც ძალადობას გულისხმობს.
იხილე მეტიფოთში, მდინარე რიონზე ომარ ბერაიას სახელობის რეგატა აკადემიურ ნიჩბოსნობაში ჩატარდა, სადაც თბილისის, ქუთაისის, მცხეთის, აბაშის, კოლხი-2016-ის, ფოთის სპორტულ კლუბ ,,მალთაყვის’’ და ფოთის აკადემიური სასპორტო სკოლების ნიჩბოსანთა ნაკრები გუნდები მონაწილეობდნენ. ფოთელებმა სამი ვერცხლის და ხუთი ბრინჯაოს მედალი მოიპოვეს.
იხილე მეტი15 ივნისს, ფოთში, ერისთავის სახელობის ექსპერიმენტული და კლინიკური ქირურგიის ეროვნულმა ცენტრმა აქციის ფარგლებში, სახელწოდებით „ერთად ვიზრუნოთ თქვენს ჯანმრთელობაზე!“ მოსახლეობას უფასო გამოკვლევები ჩაუტარა. სხვადასხვა პროფილის კვალიფიციური ექიმების მიერ გამოწერილი რეცეპტის მიხედვით შერჩეული მედიკამენტები უფასოდ გაიცა. გამოკვლევები 26 მაისის ქუჩაზე მდებარე №6 საბავშვო ბაღის შენობაში გაიმართა. აღნიშნული აქტივობა ფოთის მუნიციპალიტეტის მხარდაჭერით ჩატარდა.
იხილე მეტიეკონომიკისა და მდგრადი განვითარების სამინისტროს ჰიდროგრაფიული სამსახურის სინოპტიკური სამმართველოს ინფორმაციით, ხვალიდან 17 ივნისის ჩათვლით ჰაერის მაქსიმალური ტემპერატურა +27 გრადუსი დაფიქსირდება. სინოპტიკოსების ვარაუდით ამ სამი დღის მანძილზე ღამის საათებში მცირე წვიმაა მოსალოდნელი. ზღვის ღელვა კი 2-3 ბალამდე შენარჩუნდება. 15 ივნისს ჰაერის ტემპერატურა დღისით +24-26 გრადუსი, ღამით +22-24 გრადუსი იქნება, საღამოს მოსალოდნელია ხანმოკლე წვიმა ელჭექით. 16 ივნისს დღისით მცირე წვიმა ელჭექით დაფიქსირდება. ჰაერის ტემპერატურა დღისით +24-26 გრადუსი, ღამით +22-24 გრადუსია მოსალოდნელი. 17 ივნისს დილის საათებში შესაძლებელია მცირე წვიმა. ჰაერის ტემპერატურა დღისით +25-27 გრადუსი, ღამით +21-23 გრადუსი იქნება.
იხილე მეტიერთიანი ეროვნული გამოცდები აბიტურიენტებისთვის პირველ ივლისს დაიწყება და 23 ივლისს დასრულდება. ხოლო, მასწავლებელთა საგნობრივი კომპეტენციების და პროფესიული უნარების გამოცდა 10 ივლისიდან 21 ივლისის ჩათვლით ჩატარდება. ფოთის რესურსცენტრის უფროსის, გოჩა ქორქიას განცხადებით, რეგისტრაცია 1100-მდე აბიტურიენტმა და 500-მდე პედაგოგმა გაიარა. ერთიან ეროვნულ გამოცდებს ტრადიციულად მესამე საჯარო სკოლა უმასპინძლებს.
იხილე მეტი17 ივნისს საქართველოს ზოგადსაგანმანათლებლო დაწესებულებებში (საჯარო სკოლებში) სკოლის თვითმმართველობის უმაღლესი ორგანოს – სამეურვეო საბჭოს არჩევნები ჩატარდება. სამეურვეო საბჭო სკოლის მმართველობაში ერთ-ერთი მნიშვნელოვანი რგოლია. ის ირჩევს სკოლის დირექტორს, სკოლის დირექტორის წარდგინებით ამტკიცებს შინაგანაწესს, ბიუჯეტს და ახორციელებს კანონმდებლობით მინიჭებულ სხვა უფლებამოსილებებს. სამეურვეო საბჭოს შემადგენლობაში მშობლები და პედაგოგები თანაბარი რაოდენობით იქნება წარმოდგენილი. სამეურვეო საბჭოს პირველი არჩევნები 2006 წელს ჩატარდა, ამჯერად რიგით მეხუთე არჩევნები იმართება. მასწავლებლებისა და მოსწავლეთა მშობლების არჩევა 3 წლის ვადით ხდება.
იხილე მეტი
