ბავშვთა დაცვის დღესთან დაკავშირებით ჩატარდა ბლიც ტურნირი ,რომელშიც მონაწილეობა 40მდე მოჭადრაკემ მიიღო. ტურნირი შვეიცარული სისტემით 9 ტურად ჩატარდა. ადგილი აკაკი ყალიჩავამ მოიპოვა მე- 2 დიანა ლომაია იყო მე-3 კი ნინო სოლომონია. გამარჯვებულები საჭადრაკო კლუბის მიერ დაწესებული ფულადი პრიზებით , სიგელებით და თასებით დაჯილდოვდნენ .
იხილე მეტიგუშინ ფოთის საგამოფენო დარბაზში ოტია ჯაიანის სახელობის სამხატვრო სკოლის მე-4 კლასელთა გამოსაშვები საღამო გაიმართა, სადაც 4 წლის განმავლობაში შესრულებული ნამუშევრები გამოიფინა , საღამოს ქალაქ ფოთის მერის მოადგილე გიორგი ფარეშიშვილი და სახელოვნებო ცენტრის დირექტორი ნინო პაჭკორია ესწრებოდნენ.
იხილე მეტიქალაქ ფოთის მერიის ინიციატივით ახალგაზრდული პროექტის ,, ფოთის მოხალისე 2018 “-ის განხორციელება დაიწყო. პროექტში მონაწილეობის მსურველებს ქალაქ ფოთის მერის მოადგილე გიორგი ფარეშიშვილი შეხვდა. პროექტ ,,ფოთის მოხალისე 2018”-ის ფარგლებში 14-29 წლამდე ახალგაზრდის 80 -მდე განაცხადია შემოტანილი. მოხალისეები მონაწილეობას როგორც ქალაქის ასევე საკუთარი ინიციატივით დაგეგმილ ღონისძიებებში მიიღებენ.
იხილე მეტიაზიური ფაროსანას წინააღმდეგ შეწამვლითი სამუშაოები აქტიურ ფაზაში შევიდა. ადგილობრივი მოსახლეობა ამბობს, რომ ქიმიური პრეპარატი მავნებელთან ერთად ზიანს ფუტკარსაც აყენებს. აჭარელი მეფუტკრე ამბობს, რომ ეს საქმიანობა მისი ოჯახის ტრადიცია. მან კარგად იცის, რომ არა მხოლოდ აზიური ფაროსანას არამედ ნებისმიერი მავნებლისა თუ დაავადების წინააღმდეგ გამოყენებული ქიმიური პრეპარატები გარკვეულ ზეგავლენას ახდენს ფუტკარზე და საჭიროა მისი დაცვა. სწორედ ამიტომ წამლობამდე მეფუტკრე ფერმერის გაფრთხილებას დიდი მნიშვნელობა აქვს.სპეცილისტების რეკომენდაციით, ქიმიური წამლობისას და შემდეგ საჭიროა ფერმერებმა შეზღუდონ ფუტკრის ფრენა, ან სკები შესაწამლი ტერიტორიიდან მოშორებით განათავსონ.
იხილე მეტი,,ნუ მომკლავ”- ამ ლოზუნგით ფოთის დრამატული თეატრის წინ აქცია მოეწყო. საზოგადოების წარმომადგენლებმა ზაზა სალარიძეს სოლიდარობა გამოუცხადეს. მათ პოლიტიკური პარტიებიც შეუერთდნენ. აქციის მონაწილეები ობიექტურ გამოძიებას და დამნაშავეთა დასჯას მოითხოვენ, წინააღმდეგ შემთხვევაში პერმანენტული საპროტესტო აქციების მოწყობით იმუქრებიან.
იხილე მეტიფოთის საკრებულოს მე-13 მოწვევის სხდომა ხმაურის ფონზე მიმდინრეობდა. დაპირისპირება უმრავლესობასა და ოპოზიცის შორის, მერის არქიტექტურის, სივრცითი მოწყობისა და ადმინისტრაციული ზედამხედველობის სამსახურის უფროსის ანგარიშმა გამოიწვია. სადაც საუბარი იყო ქალაქში არსებულ უსახურ შენობა-ნაგებობებზე და აგრარულ ბაზარში გარევაჭრობის მოწესრიგებაზე. სხდომაზე ნაციონალური მოძრაობისს წარმომადგენელმა დარეჯან ცხვიტარიამ, საკრებულოს წევრებს მარტოხელა, ორშვილიანი დედის ჯამრთელობის პრობლემა გააცნო. მისი თქმით მარტოხელა დედას თვალის გადაუდებელი ოპერაციისთვის 2 ათას 700 ლარი ესაჭიროება. მუნიციპალიტეტი კი მხოლოდ ათასი ლარით ეხმარება. დარეჯან ცხვიტარიამ შეაბამისი სამსახურებისგან ოპერაციის სრული თანხის დაფარვა მოითხოვა. საკრებულოს სხდომაზე დღის წესრიგის რვავე საკითხი ხმათა უმრავლესობით დაამტკიცდა.
იხილე მეტი14 მაისს ფოთში ნატო-ს სამხედრო საზღვაო ჯგუფში (SNMG2) შემავალი 4 ქვეყნის: ბულგარეთის , რუმინეთის , თურქეთისა და დიდი ბრიტანეთის გემები შევიდნენ. ქალაქს 1200-მდე სამხედრო პირი 4 დღის განმავლობაში სტუმრობდა. მათი ვიზიტის ფარგლებში სხვადასხვა კულტურული და სპორტული ღონისძიება გაიმართა მეზღვაურებმა თავიანთი შთაბეჭდილებები გაგვიზიარეს და საქართველო ტერიტორიული წყლები იმ იმედით დატოვეს, რომ დაბრუნდებიან, რათათა კიდევ ერთხელ დატკბნენ ქართული კულტურითა და სტუმარ-მასპინძლობით.
იხილე მეტისახელოვნებო ცენტრის დარბაზში ფოთის მე-15 საჯარო სკოლის 1 ბ კლასის მოსწავლეებმა საზეიმო ღონისძიება გამართეს . პირველკლასელებმა სასწავლო წლის დასრულება და ანბანის გაცილება ხალხური ცეკვებით, ლექსებითა და სიმღერებით აღნიშნეს. პატარებმა მაყურებელს ერთსაათიანი პროგარმა წარუდგინეს,ზეიმის დასასრულს კი სამახსოვრო ფოტოები გადიღეს.
იხილე მეტიქალაქის მუსიკალურმა საზოგადოებამ, ფოთელი მუსიკოსის, კომპოზიტორისა და დირიჟორის, ღირსების ორდენის კავალერის, ეთერ დანელიას იუბილე აღნიშნა. ეთერ დანელიას დაბადებიდან 80 და მოღვაწეობის 50 წლის იუბილე, ქალაქ ფოთის მერმა გოჩა კურდღელიამ , მერის მოადგილემ გიორგი ფარეშიშვილმა,კოლეგებმა და მოსწავლეებმა მიულოცეს. ეთერ დანელია ნახევარი საუკუნეა ფოთის სახელოვნებო სასწავლებელში მოღვაწეობს და საგუნდო-სადირიჟორო საქმეს ემსახურება.
იხილე მეტი26 მაისს საქართველოში დამოუკიდებლობის დღე აღნიშნეს. ზუსტად 100 წლის წინ, 1918 წლის 26 მაისს, თბილისში საქართველოს ეროვნულმა საბჭომ სახელმწიფოებრივი დამოუკიდებლობის აქტი მიიღო. საქართველოს დემოკრატიულმა რესპუბლიკამ, რომლის დამოუკიდებლობა ევროპის წამყვანმა ქვეყნებმა ცნეს, არსებობა არასრული სამი წლის თავზე, საბჭოთა რუსეთის მიერ განხორციელებული ოკუპაციის შემდეგ, შეწყვიტა. საქართველომ დამოუკიდებლობის აღდგენა 70 წლის შემდეგ, 1991 წლის 9 აპრილს, შეძლო. ფოთში საქართველოს პირველი დემოკრატიული რესპუბლიკის დაარსებიდან 100 წლის იუბილე იზეიმეს. გაიმართა სხვადასხვა კულტურული, შემეცებითი, სპორტული და გასართობი ღონისძიებები.
იხილე მეტი
