Category: სიახლე

ფოთის პროფესიულმა კოლეჯმა სამი წლის წინ მონაწილეობა მილენიუმის ათასწლეულის გამოწვევის ფონდის მიერ გამოცხადებულ კონკურსში მიიღო და გაიმარჯვება მოიპოვა . შესაბამისად გაფორმდა საგრანტო ხელშეკრულება. ამ პროექტის ფარგლებში საერთაშორისო ექსპერტებთან ერთად 3 პროგრამა მომზადდა: თევზის გადამუშავების, მოშენების და ლაბორატორიიის მოწყობის მიმართულებით. საქართველოს განათლების და მეცნიერების სამინისტროში შემავალი ხარისხის ცენტრის მიერ დამტკიცდა მეთევზეობის ჩარჩო-დოკუმენტი.
მეთევზეობა საქართველოში ერთერთ პრიორიტეტური დარგი ხდება. რაშიც დიდი როლი ევროკავშირის ბაზარზე საქართველოდან თევზისა და თევზის პროდუქტების ექსპორტის დაშვებამ ითამაშა.
გამომდინარე აქიდან ახლო მომავალში ამ სფეროში კვალიფიციური კადრების დეფიციტი შეიქმნება და კოლეჯის კურსდამთავრებულებს დასაქმებაში პრობლემები არ შექმნებათ. აღსანიშნავია რომ ფოთის კოლეჯს საზოგადოებრივი კოლეჯის სტატუსი მიენიჭა და უკვე შესაძლებელი გახდა როგორც პროფესიული ასევე უმაღლეს განათლებასთან დაახლოებული კადრების მომზადება. სწავლება ორწლიანია და აღსანიშნავია რომ მსგავსი ფაკულტეტი არც ერთ ქართულ უმაღლეს სასწავლებელში არ არის და კოლეჯის კურსდამთავრებულებს შეეძლებათ იმ თანამდებობებზეც მუშაობაც რომლებიც უმაღლესი განათლების დიპლომს მოითხოვს.
კოლეჯის თანამშრომლები სამთვიანი მივლინებით იმყოფებოდნენ ფინეთში სადაც გაეცნენ თევზის წარმოების თანამედროვე ტექნოლოგიებს. პროექტის ფარგლებში კოლეჯს თანამედროვე აპარატურით აღჭურვილი ლაბორატორია ექნება, რომელიც არამარტო თევზის წარმოების არამედ სხვა სფეროების ლაბორანტების მომზადების საშუალებასაც იძლევა.
კოლეჯში ინერგება ელექტრონული სასწავლო პროცესი და ვირტუალური ელექტრონული ლაბორატორია რაც სასწავლო პროგრამების სრულად და სწრაფად ათვისებას უწყობს ხელს .

იხილე მეტი

გუშინ ფოთში,სასტუმრო \”პარკ გრინი\”-ს საკონფერენციო დარბაზში საქართველოს ნიჩბოსნობის ეროვნული ფედერაციის ყრილობა ჩატარდა. დღის წესრიგის შესაბამისად განიხილეს შემდეგი საკითხები: 2017 წლის მუშაობის შედეგები. წესდებაში ცვლილებების შეტანა და 2018 წლის სპორტული ღონისძიებების კალენდარული გეგმის დამტკიცება.

კრებაზე აღინიშნა რომ 2017 წლისთვის დაგეგმილი გრძელვადიანი სამოქმედო გეგმის მიხედვით გათვალისწინებული მიზნები და ამოცანები ძირითადად შესრულებულია. სწორად დაიგეგმა და შესრულდა ფინანსური ნაწილიც, რის შედეგადაც შესრულდა დასახული სავარჯიშო-სასწავლო პროცესი, შესაძლებელი გახდა შეკრებების მოწყობა და შეჯიბრებებში მონაწილეობა, შეიქმნა მატერიალურ ტექნიკური ბაზა. მოზიდულ იქნა ინვესტიციები და სპონსორული დახმარებები.
შეძენილ იქნა 5 ახალი ნავი, ითარგმნა და დაიბეჭდა შესაბამისი ლიტერატურა,ხოლო ნაკრების მწვრთნელად მოწვეულია მაღლი კლასის სპეციალისტი ევროპის სამგზის ვიცეჩემპიონი, უკრაინელი ვალენტინ კლიცკოი.
ყურადღება გამახვილდა პრობლმაზეც, რომელიც ეხება ფოთში და დაბა სიონში ფედერაციისთვის მიწის გადაცემის საკითხს, რის გარეშეც შეუძლებელია თანამედროვე ბაზების მოწყობა

იხილე მეტი

კვირას, 25 მარტს 15:00 საათზე ფოთის სახელოვნებო ცენტრის დარბაზში ფრანკფურტის სამუსიკო აკადემიის პროფესორი, ცნობილი მუსიკოსი, ტარიელ სუარი, უსინათლო და სოციალურად დაუცველი ბავშვების მხარდასაჭერად საქველმოქმედო კონცერტს გამართავს. ვირტუოზი გიტრისტის სტუმრობა ფონდი \”ქველმოქმედი 2015\”-ის ძალისხმევით გახდა შესაძლებელი.

იხილე მეტი

როგორ შევამციროთ აზიური ფაროსანას პოპულაცია, რა ხერხებით დავიყვანოთ მინიმუმამდე ბაღლინჯოსაგან მოსალოდნელი ზიანი – ლევან დავითაშვილი სახელმწიფოსა და ფერმერების შეთანხმებული ქმედებების აუცილებლობაზე საუბრობს.გარემოს დაცვისა და სოფლის მეურნეობის მინისტრი აცხადებს, რომ სახელმწიფო ტყის განაპირა ტერიტორიაზე მავნებლის მოსაზიდ ხაფანგებს განათავსებს, რათა მაქსიმალურად შეამციროს ტყიდან ბაღებში გადმონაცვლებული ბაღლინჯოს ოდენობა.

იხილე მეტი

24 მარტს ფოთში მშვიდობიანი აქცია-მსვლელობა „ჩვენ გვინდა სუფთა ჰაერის სუნთქვა!“ გაიმართება
ორგანიზატორების განცხადებით, აქციის მიზანია იმის ჩვენება, რომ ფოთელები, სოლიდარობას უცხადებენ ერთმანეთს და მოქალაქეებს უნდათ სუფთა ჰაერით სუნთქვა,ამიტომაც, მოუწოდებენ ყველას მოვიდნენ აქციაზე ბავშვებთან ერთად რათა სიყრმის ასაკიდანვე მიაჩვიონ ისინი გარემოზე ზრუნვას!

იხილე მეტი

სამეგრელოს ქუჩზე მდებარე ფეხბურთის სასპორტო სკოლის მოედანზე, გაიმართა სასკოლო სპორტული ოლიმპიადით გათვალისწინებული ქალაქ ფოთის პირველობა მინი ფეხბურთში, მონაწილეობდნენ საჯარო სკოლის 2002 წელს დაბადებულ ვაჟთა გუნდები
ჩემპიონატი წრიული სისტემით ჩატარდა. ფინალურ ეტაპზე მე5 მე6 და მე-15 სკოლის გუნდები გადავიდნენ.
დაძაბულ ბრძოლაში ჩემპიონის ტიტული მე15 სკოლის ფეხბურთლებს ერგოთ, მეორე და მესამე შესაბამისად მე5 და მე6 სკოლელები იყვნენ.

იხილე მეტი

საზოგადოებრივი ჯანდაცვის ცენტრის ცნობით ფოთში, ჯილეხის სამი შემთხვევა დაფიქსირდა. ექიმების ინფორმაციით , დაავადებულმა პაციენტებმა სამედიცინო დაწესებულებას დროულად მიმართეს . და მათ სიცოცხლეს საფრთხე არ ემუქრება.
ერთი პაციენტი თბილისის ინფექციურ საავადმყოფოში გადაიყვანეს, მეორე ქუთაისში, ხოლო მესამე კი ბინაზე გაეწერა.
საზოგადოებრივი ჯანდაცვის ცენტრის ეპიდემიოლოგის ზიზი გაგუას განცხადებით, დაავადებული საქონლის დაკვლა კერძო სახლში მოხდა და დაავადნნენ ის ადამიანები , რომლებმაც ხორცის დამუშავების პროცესში მიიღეს მონაწილეობა.

იხილე მეტი

დღეს ღვინის სახლ „ხარებაში“ სამხატვრო სასწავლებლის მოდელირების ფაკულტეტის პედაგოგების პერსონალური გამოფენა „ქალი და მარტი“ გაიმართა სადაც ეკატერინე გედენიძეს, მაია წულაიას, სერგო ხაზალიას და მათი მოსწავლეების ნამუშევრები იყო წარმოდგენილი. გამოფენაზე დამსწრეებს საშუალება ჰქონდათ ხელნაკეთი გობელენები, თოჯინები და ხალხური რეწვის ნამუშევრები ეხილათ. სასწავლებლის აღსაზრდელემბა ქართულ-ტარდიციულ მოტივებზე შექმნილი ტანსაცმლის მოდელები დამსწრე საზოგადოებას თავადვე წარუდგინეს .

იხილე მეტი

21 მარტს ახალი საქართველოს უნივერსიტეტში გაიმართა ფილოსოფიის დოქტორის, პროფესორ ლალი ზაქარაძის საჯარო ლექცია თემაზე – „კავკასიური ფილოსოფია: ახალი ფილოსოფიური პარადიგმა“. პროფესორ ლალი ზაქარაძის კვლევისა და სწავლების სფეროებია: ქართული ფილოსოფიის ისტორია, შუა საუკუნეების ფილოსოფია, კულტურის ფილოსოფია და სოციოლოგია, ინტერკულტურული ფილოსოფია, პოლიტიკური ფილოსოფია. საჯარო ლექციას ესწრებოდნენ უნივერსიტეტის სტუდენტები და პროფესორ-მასწავლებლები.

იხილე მეტი

გუშინ ფოთში ახალი საქართველოს უნივერსიტეტის საკონფერენციო დარბაზსში ისტორიული ფილმის „ექვთიმე ღვთისკაცის“ საპრემიერო ჩვენება გაიმართა ნიკოლოზ ხომასურიძის ნამუშევარი, ისტორიკოსის, არქეოლოგისა და საზოგადო მოღვაწის, ექვთიმე თაყაიშვილის ცხოვრების,და ემიგრაციაში გატარებული წლების შესახებ მოგვითხრობს.ფოთელ მაყურებელს საშუალება ჰქონდა ფილმის რეჟისორს და მონაწილე მსახიობებს გასცნობოდნენ. გადამღები ჯგუფის წევრებმა ფილმის შექმნის ისტორიასა და დაგეგმილ პროექტებზე ისაუბრეს.ჩვენების დასასრულს ქალაქ ფოთის მერის მოადგილემ გიორგი ფარეშიშვილმა სტუმრებს სამახსოვრო საჩუქრები გადასცა.

იხილე მეტი