ბორის პაიჭაძის სკვერში, მოსწავლე ახალგაზრდობის შემოქმედების ცენტრის სამეჯლისო სპორტული ცეკვების სტუდია ,,მზის გულმა“ სეზონის დასასრულს ღონისძიება გამართა. სადაც სხვადასხვა საცეკვაო ნომერი იყო წარმოდგენილი. როგორც ლევან მაშავა ჩვენთან საუბარში აღნიშნავს კოვიდ 19ის პანდემიის მიუხედავად მოსწავლეებს ონლაინ გაკვეთილები აქტიურად უტარდებოდათ. დასასრულს მოსწავლეებს ონლაინ გაკვეთილებში აქტიური მონაწილეობისთვის სერტიფიკატები გადაეცათ. ლევან მაშავას განცხადებით საბავშვო სტუდია ,,მზის გული“ მეცადინეობას სექტემბრიდან განაახლებს.

იხილე მეტი

,,გირჩის” ლიდერმა ზურაბ გირჩი ჯაფარიძემ ფოთში წინა საარჩევნო შეხვედრა გამართა. ჯაფარიძემ შეკრებილებს ,,გირჩის“ პოლიტიკურ გეგმებზე ესაუბრა. . სასამართლო სისტემის რეფორმა,სახელმწიფოს ხელში არსებული ქონების დარიგება მოსახლეობაზე, განათლებასთან დაკავშირებული ხედვა-ეს ის საკითხებია, რომელთა გატანას,,გირჩი“ პარლამენტში გეგმავს. მისი განცხადებით, ოქტომბრის არჩევნებზე ,,გირჩს“ საარჩევნო უბნებზე წარმომადგენლები ეყოლება, რათა მიღებული ხმების დაცვა შეძლოს.

იხილე მეტი

ჰიდროგრაფიული სამსახურის სინოპტიკური სამმართველოს ინფორმაციით. 30ივნისს მოსალოდნელია ცვალებადი მოღრუბლულობა უმეტესად უნალექოდ. ჰაერის ტემპერატურა დღისით: +24 ° +26°; ღამით: +22 +24 იქნება. 1ივლისს მოსალოდნელია ცვალებადი მოღრუბლულობა დღის დასაწყისში შესაძლებელია უმნიშვნელო ნალექი. ჰაერის ტემპერატურა დღისით: +22 +25 ; ღამით: +23 +25 იქნება.

იხილე მეტი

დღეს საქართველოს სტრატეგიული კვლევებისა და განვითარების ცენტრის მიერ გამოცხადებულ საგრანტო კონკურსში მოპოვებული „სათემო ინიციატივები COVID 19-ის წინააღმდეგ“ საგრანტო თანხითა და ადგილობრივი ბიუჯეტის თანადაფინანსებით და „ახალგაზრდული საბჭოს” წარმომადგენლების მიერ ,,შინ მოვლის” პროგრამის ბენეფიციარებს პროდუქტების პაკეტები გადაეცა.,,შინ მოვლის” პროგრამა ბენეფიციარებისთვის სარეაბილიტაციო ღონისძიებებს, მორალურ და ფსიქოლოგიურ დახმარებას და გარემოში ადაპტაციას ითვალისწინებს.პროგრამის ფარგლებში, 27 სხვადასხვა საჭიროებების მქონე ბენეფიციარს დაეხმარებიან.

იხილე მეტი

გუშინ მარტოწყალას, (ეგრეთწოდებულ გაზკანტორის) ტბაზე, მეთევზეთა კლუბ ,,ფაზისის” ინიციატივით, დასუფთავების აქცია გაიმართა. აქციაში კლუბის წარმომადგენლებთან ერთად მოხალისეებიც ჩაერთნენ. ტბის მიმდებარე ტერიტორიაზე ნაგავი მოგროვდა და ნარჩენები ,, სერვისების ცენტრის” დახმარებით ნაგავსაყრელზე გაიტანეს. გაეროს განვითარების პროგრამის, შვეიცარიის, ავსტრიის და საქართველოს მთავრობების ეკონომიკური განვითარების ხელშეწყობის პროგრამის ფარგლებში მოპოვებული 60 000 ათას ლარიანი გრანტის ფარგლებში მარტოწყალას ტბაზე სათევზაო ინფრასტრუქტურის მოწყობა იგეგმება. გაეროს გრანტის თანხას ადგილობრივი ბიუჯეტის გამოყოფილი თანხაც ემატება მარტოწყალას ტბაზე თევზჭერის ცენტრის მშენებლობისთვის საერთო ჯამში 77 000 ლარი არის გამოყოფილი.

იხილე მეტი

ფოთის ჰოსპიტალში საეჭვო სიმპტომებით 31 წლის მამაკაცია მოთავსებული. ანაკლია-განმუხურის საკარანტინო სივრცეში ამ დროითვის 87 პირი იმყოფება თვითიზოლაციაში კი 30. გუშინ, ზუგდიდის ინფექციური საავადმყოფოს ლაბორატორიაში 40 ნიმუში გამოიკვლიეს , ყველა უარყოფითია.

იხილე მეტი

“კურსორის” სპეციალური გამოშვების სტუმარია ფოთის საგანმანათლებლო რესურსცენტრის უფროსი გოჩა ქორქია, რომელიც პრაქტიკოსი მასწავლებლების გამოცდების გადავადებაზე და ეროვნულ გამოცდების ჩატარების ვადებზე გვესაუბრება

იხილე მეტი

საფრანგეთის ელჩი საქართველოში დიეგო კოლასი, სამუშაო ვიზიტით სამეგრელოში იმყოფება. ვიზიტის ფარგლებში, ელჩი სამეგრელო-ზემო სვანეთის სახელმწიფო რწმუნებულს ალექსანდრე მოწერელიას შეხვდა და რეგიონში მიმდინარე მნიშვნელოვნ პროექტებს გაეცნო. შეხვედრისას სამეგრელო-ზემო სვანეთის და საფრანგეთის რეგიონებს შორის ეკონომიკის, აგრარული სექტორის, კულტურის და ტურიზმის სფეროებში თანამშრომლობის საკითხებზე ისაუბრეს, ასევე საუბარი შეეხო ოკუპირებულ აფხაზეთსა და გამყოფ ხაზთან მდებარე სოფლებში არსებულ მდგომარეობას. ყურადღება გამახვილდა საფრანგეთის და საქართველოს ისტორიულ მჭიდრო კავშირებზე.

იხილე მეტი

,,მეცხრე ტალღა”-ში დადიანის ქუჩაზე მცხოვრებლებმა მოგვმართეს ისინი გზის რეაბილიტაციას მოითხოვენ. მოსახლეობის თქმით, ეს პრობლემა ორი წელია რაც აწუხებთ. მას შემდეგ რაც ფირმა ,,ტაჰალმა” საკანალიზაციო სარეაბილიტაციო სამუშაოების გამო გზა დააზიანა. მოსახლეობის თქმით არის შემთხვევები როდესაც, უამინდობისას გზაზე დიდი გუბეებია და წყალი სახლებშიც კი აღწევს. მერიის წარმომადგენლების განცხადებით, დადიანის ქუჩაზე წყალარინების მოწყობის სამუშაოები მიმდინარეობს. აღნიშნულ საკითხთან დაკავშირებით ჩვენ კიდევ ერთხელ მივმართეთ “ტაჰალგრუპს” მაგრამ მათგან კვლავ უარი მივიღეთ.

იხილე მეტი

ზურაბ კაკულიას განცხადებით, მიუხედავად იმისა, რომ აღნიშნული ქონება ფოთის საქალაქო საბჭოს აღმასკომის დადგენილებით 1990 წლიდან მას გადაეცა და ამის შესაბამისი დოკუმენტაცია გააჩნია, სასამართლოს სამივე ინსტანაციამ მისი სარჩელი არ დააკმაყოფილა და ქონება არ დაუკანონა. ამჟამად საქმე სტრასბურგის სასამართლოშია და რადგანაც საქმის განხილვა დიდ დროს მოითხოვს , მან საჯარო რეესტრში ქონების დაკანონების მოთხოვნით საქმის წარმოება თავიდან დაიწყო. აღნიშნულ საკითხზე ჩვენ რამდენჯერმე შევეცადეთ საჯარო რეესტრის ცხელ ხაზზე დაკავშირება, თუმცა არავინ გვიპასუხა.

იხილე მეტი