ხმაურის ფონზე მიმდინარეობდა საკრებულოს სხდომა ფოთში. ,,ნაციონალური მოძრაობის” წევრმა, დარეჯან ცხვიტარიამ ხელისუფლება უმოქმედობაში დაადანაშაულა და ქალაქში მიმდინარე პროცესები მათი არაეფექტური მართვის შედეგად დაასახელა. ცხვიტარია საკრებულოს სხდომაზე, პლაკატით ხელში, ფეხზე იდგა და აწ უკვე პრემიერ- მინისტრის გადადგომას მოითხოვდა. საკრებულოს თავმჯდომარე აღნიშნულ ბრალდებებს აბსურდულს უწოდებს და აცხადებს, რომ მმართველი გუნდი ოპოზიციას საქმის კეთებით პასუხობს.

იხილე მეტი

ფოთის ,,პარკი-არენა“-ზე მორიგი მატჩი გაიმართა , სადაც ფოთის ,,კოლხი რაინდები“ ჭაბუკთა ,,ბ“ ლიგის ,,ოქროს ჯგუფი“-ს მესამე ტურის მატჩში თბილისის აკადემიას დაუპისპირდა. მატჩის დებიუტშივე თბილისელები სწრაფი ლელოთი 5:0, დაწინაურდნენ,,კოლხი რაინდები“-ს სასახელოდ უნდა ითქვას, რომ ბიჭები არ შედრკნენ და პირველივე ტაიმში რატი ბერაიასა და გელა ხელაძის გარდასახული ლელოებით 14:5 დაწინაურდნენ. მატჩი მეორენახევარმა კიდევ უფრო საინტერესოდ ჩაიარა, თამაში 14:8 ფოთელთა გამარჯვებით დასრულდა. თამაშის შედეგად დაზიანდა თბილისის აკადემიის 2 მორაგბე, რომელთაც ადგილზე გაეწიათ პირველადი დახმარება. 3 ტურის შემდეგ 2 გამარჯვებითა და 1 მარცხით, გათამაშებაში ,,კოლხი-რაინდები“ მე-3 ადგილს იკავებს.

იხილე მეტი

აგარულ ბაზართან, რიონის სანაპიროზე მდებარე თევზის სავაჭრო ობიექტის გამყიდვლები დღეს გარე ვაჭრობას, მათ შორის თევზის ავტომობილებიდან გაყიდვას აპროტესტებდნენ. მათი თქმით, მყიდველი მათ დახლებამდე ვერ მოდის და პროდუქციის რეალიზაციას ვერ ახერხებენ. მოვაჭრეები ადგილობრივ ხელისუფლებას პრობლემის სასწრაფოდ მოგვარებას სთხოვენ. აღნიშნულ საკითხთან დაკავშირებით კომენტარისთვის. სივრცითი მოწყობის არქიტექტურისა და ადმინისტრაციული სამსახურის უფროსს თენგო შონიას მივმართეთ. მოვაჭრეები პრობლემების მოუგვარებლობის შემთხევაში აქციებით იმუქრებიან.

იხილე მეტი

ქალაქ ფოთში, კალათბურთის დარბაზში ფოთის ღია პირველობა ჭიდაობა ,,ძიუდო’’-ში, ზურაბ ტუღუშის სახელობის თასზე გაიმართა. სადაც აზერბაიჯანის და საქართველოს სხვადასხვა ქალაქების სასპორტო სკოლებისა და კლუბების 2004-2009 წლებში დაბადებულმა 210-მა მოჭიდავემ მიიღო მონაწილეობა. აღნიშნულ პირველობაზე ფოთელმა სპორტსმენებმა 2 ოქროს, 1 ვერცხლის 3 ბრინჯაოს მედალი მოიპოვეს.

იხილე მეტი

ცესკოსა და სწავლების ცენტრის მიერ განხორციელებული პროექტის-,,ვესაუბრებით ამომრჩეველს”, ფარგლებში ფოთის საოლქო კომისიის წარმომადგენლები ცენტრის უბნის მოსახლეობას შეხვდნენ და საინფორმაციო სახის შეხვედრა გამართეს, მათ ცესკოს სერვისების და პროექტების შესახებ ინფორმაცია მიაწოდეს. ასევე მოხდა მოსახლეობის გამოკითხვა, რომლის მიზანი საარჩევნო პროცესში მოსახლეობის აქტიური ჩართულობა და მათი ინფორმირებაა. აღნიშნული კამპანია უკვე 2 წელია აქტიურად მიმდინარეობს.

იხილე მეტი

ახალი თეატრალური სეზონი ფოთის თეატრმა მუსიკალური სპექტაკლით დაიწყო. ,,ერთხელ საქართველოში“ ქართული თეატრისა და კინოს ვარსკვლავების მონაწილეობით შედგა. თეატრის სამხატვრო ხელმძღვანელის რამაზ იოსელიანის მოწვევით იგი რეჟისორმა ნიკოლოზ საბაშვილმა დადგა. სპექტაკლი ცნობილი ქართული ზღაპრის „რწყილი და ჭიანჭველას“ მოტივებზე შექმნილი თანამედროვე ვერსია, მუსიკალურ-ქორეოგრაფიული წარმოდგენაა ახლებური აქცენტებითა და განსხვავებული ფორმატით. ,,სპექტაკლი არის ჩვენს ცხოვრებაზე, სტუმართმოყვარეობაზე. ოღონდ ეს არის იუმორით გადმოცემული. სპექტაკლი დადგა ნიკოლოზ საბაშვილმა, რომელიც არის ჩემი მოწაფე. მეამაყებიან, რომ ფოთის არტისტები არიან ყველაზე კარგი არტისტები საქართველოში. მადლობას ვუხდი ჩემს ვარსკვლავ მეგობრებს, რომლებიც მონაწილეობენ ამ სპექტაკლში”- განაცხადა სამხატვრო ხელძღვანელმა, რამაზ იოსელიანმა.

იხილე მეტი

საპროტესტო აქცია ფოთში. ფალიაშვილის ქუჩის მოსახლეობამ გზა გადაკეტა და დაახლოებით 2 საათის განმავლობაში მძიმეწონიან მანქანებს გზაზე გავლის საშუალება არ მისცა. მათი თქმით, ისინი ინტენსიურ რეჟიმში გადაადგილდებიან და ჯანმრთელობისთვის მავნე ნივთიერებების ტრანაპორტირებას ახორციელებენ. აქციის მონაწილეებმა მიმდებარე ტერიტორიაზე მდებარე ცემენტის ქარხნის მუშაობაც გააპროტესტეს და განაცხადეს, რომ ჰაერში გაფრქვეული მტვერი მათ ჯანმრთელობაზე უარყოფითად აისახება. ადგილობრივი ხელისუფლების ინფორმაციით, მიმდინარეობს აღნიშნულ საკითხზე მუშაობა. მოსახლეობა ხელისუფლებას მათ პრობლემაზე დროულ რეაგირებას სთხოვს, წინააღმდეგ შემთხვევაში პერმანენტული საპროტესტო აქციებით იმუქრება.

იხილე მეტი

სამოქალაქო განვითარებისა და ინტეგრაციის ცენტრში, მშვიდობის მსოფლიო დღე აღინიშნა, ასევე შეიქმნა მშვიდობის კლუბი.მშვიდობის კლუბი ამერიკელი მოხალისის ბრან ბერინგერის ინიციატივით დაფუძნდა, ამ კლუბში გაწევრიანებული არიან საჯარო სკოლის მოსწავლეები, კლუბის შექმნის მიზანია, აქიური მოსწავლეების დაიტერესება, იმ საკითხებით, რომელიც ეხება გარემოს დაცვას, მშვიდობის მნიშვნელობაზე ცნობიერების ამაღლებას. ასევე მოსწავლეები გააცნობიერებენ ძლიერ მხარეებს, უფრო მეტ ცოდნას მიიღებენ იმ სფეროში რომელიც მათ აინტერესებს. მათი ინიციატივით განხორციელდება სხვადასხვა პროექტები, ოქტომბერში დაგეგმილია კონფერენცია, სადაც მთავარი თემა იქნება მშვიდობის მნიშვნელობა მშვიდობის საერთაშორისო დღე გაეროს გენერალური ასამბლეის მიერ 1981 წელს დაარსდა. “პატივი მივაგოთ და გავაძლიეროთ იდეები მშვიდობის შესახებ მსოფლიოში”, ეს…

იხილე მეტი

კოლეჯ „ფაზისში“ ევროპის ონკო – გინელოკოგიური საზოგადოებისა და პაციენტთა გარკვეული ჯგუფის ინიციატივით, ლექცია-სემინარი გაიმართა, რომელიც, გინეკოლოგიური ონკოლიგიის მსოფლიო დღეს მიეძღვნა. სემინარს გინეკოლოგი, მარინა ხოფერია უძღვებოდა. შეხვედრის მიზანი მოსახლეობის ინფორმირება, ხოლო დევიზი სიმსივნისგან თავისუფალი ოჯახი, ჯანმრთელი ქალბატონი და ჯანმრთელი შვილია. სემინარს, სხვადასხვა სფეროს წარმომადგენელ ქალბატონებთან ერთად, ქალაქ ფოთის მუნიციპალიტეტის მერიის ჯანმრთელობისა და სოციალური დაცვის უფროსი, მაია მაკალათია ესწრებოდა. მან დამსწრე საზოგადოებას ჯანდაცვის და ონკოლოგიური კუთხით არსებული პროგრამები გააცნო. ეკატერინე სანიკიძემ როგორც აღნიშნა, „საქართველოს პაციენთა კავშირი“ მსოფლიო კამპანიას გინეკოლოგიური სიმსივნეების წინააღმდეგ ბრძოლას შეუერთდა. აღსანისნავია, რომ კამპანიის ფარგლებში სხვადასხვა სპორტული აქტივობები ტარდება.

იხილე მეტი

ფოთში ცენტრალურ პარკში შერეულ ორთაბრძოლებში საერთაშორისო ტურნირი გაიმართა. რომელშიც სომხეთის, ინგუშეთის,აზერბაიჯანის და საქართველოს 70-მდე სპორტსმენი მონაწილეობდა. ფოთელი სპორტსმენებიდან პირველი ადგილი, სხვადასხვა წონით კატეგორიაში, ირაკლი შამათავამ, მიხეილ კუკავამ და ბადრი მოდებაძემ დაიკავეს. გამარჯვებულები ქალაქ ფოთის მერმა გოჩა კურდღელიამ დიპლომებითა და სიგელებით დააჯილდოვა. ღონისძიება ქალაქ ფოთის მუნიციპალიტეტის მერიის და სპორტის სამსახურის ორგანიზებით

იხილე მეტი