Author: Administrator

პარკი არენას სტადიონზე ეროვნული ლიგა 2-ის, მეთვრამეტე ტურის მატჩი გაიმართა, რომელშიც ფოთის “კოლხეთი-1913″ გათამაშების ლიდერს, თბილისის – “მერანს” დაუპირისპირდა. შეხვედრა საინტერესოდ მიმდინარეობდა. თამაში სტუმრების უპირატესობით წარიმართა და მათი გამარჯვებით, ანგარიშით 4:1 დასრულდა. დღეისათვის 18 ტურის შემდეგ ფოთის „კოლხეთი – 1913“ დაგროვილი 17 ქულით მე-8 ადგილზე იმყოფება. ჩემპიონატში გამოცხადებულია საზაფხულო შესვენება და იგი 4 აგვისტოს განახლდება.

იხილე მეტი

ფოთის ვალერიან გუნიას სახელობის პროფესიულმა სახელმწიფო თეატრმა ყოველწლიურ თეატრალურ პრემია ,,დურუჯი 2019-ზე“ სპექტაკლი – ,,მარინა რევია“ წარადგინა, რომლის რეჟისორი ნიკა ჩიკვაიძეა. ალექსი ჩიღვინაძის პიესის მიხედვით დადგმული ერთ მოქმედებიანი წარმოდგენა, ჩვენი დროის ყოველდღიურობას ასახავს. სპექტაკლში მოქმედება ერთი ოჯახის გარშემო ვითარდება, სადაც მთავარი გმირის ციხიდან გამოსვლის შემდეგ ყველაფერი იცვლება. დასავლეთის ტურნეს ფარგლებში “დურუჯის” ჟიურის 7 წევრიანი ჯგუფი ფოთის თეატრს სტუმრობდა. 2019 წლის “დურუჯის” საკონკურსო პერიოდი 30 ივლისამდე გაგრძელდება, რის შემდეგაც ჟიურის მიერ შერჩეული ნომინანტების ნუსხა გამოქვეყნდება.

იხილე მეტი

თბილისში, საქართველოს ჩემპიონატი ბოდიბილდინგში, საქართველოს ბოდიბილდინგის და ფიტნესის ეროვნული ფედერაციის ორგანიზებით გაიმართა. გამარჯვებულები შვიდ კატეგორიაში გამოვლინდნენ. მათ შორის, ქალაქ ფოთის სახელით 20 წლამდე ასაკობრივ მენზფიზიკის კატეგორიაში დავით მურადოვი გამოვიდა და პირველი ადგილის მფლობელი გახდა. შეჯიბრება როგორც ვაჟებში, ისე ქალებში გაიმართა. ჩემპიონატში, მთლიანობაში ქვეყნის 50-მდე საუკეთესო სპორტსმენი მონაწილეობდა. საქართველოს ჩემპიონატზე ნაჩვენები შედეგით, დავით მურადოვი მსოფლიო ჩემპიონატზე იასპარეზებს.

იხილე მეტი

ჰიდროგრაფიული სამსახურის სინოპტიკური სამმართველოს ინფორმაციით, ფოთისა და ყულევის სანაპიროზე 8 ივლისის ჩათვლით მზიანი ამინდი დაფიქსირდება და ჰაერის მაქსიმალური ტემპერატურა +25° მიაღწევს. 6 ივლისს დასავლეთის მიმართულების ქარი დაქროლავს 5-10მ/წმ სიჩქარით. დაფიქსირდება ცვალებადი მოღრუბლულობა უნალექოდ, ღამით ხანმოკლე წვიმაა ნავარაუდები. ჰაერის ტემპერატურა დღისით: +22 +24°; ღამით კი +20 ° + 22 ° იქნება. 7 ივლისს სამხრეთ-დასავლეთის ქარია მოსალოდნელი, რომელიც 5-10 მეტრი წამი სიჩქარით დაქროლავს. ძირითადად ცვალებადი უნალექო მოღრუბლულობა, ხოლო ჰაერის ტემპერატურა დღისით +22° +24°, ხოლო ღამით +19° +21° დაფიქსირდება. 8 ივლისს ასევე სამხრეთ-დასავლეთის ქარი 5-10 მ/ წამი სიჩქარით იქროლებს. მოსალოდნელია ცვალებადი მოღრუბლულობა უნალექოდ.…

იხილე მეტი

ელექტრონული მექანიზმების დანერგვასთან დაკავშირებით, დღეს ფოთის ცენტრალურ ბიბლიოთეკაში ახალგაზრდული საბჭოს წევრებთან და ახალგაზრდა თაობის წარმომადგენლებთან შეხვედრა გაიმართა. ევრო კავშირის მიერ დაფინანსებული პროექტის „საზოგადოების ჩართულობაზე ორიენტირებული თვითმმართველობის განხორციელება ქალაქ ფოთსა და აბაშის მუნიციპალიტეტში“ ფარგლებში, გამართულ შეხვედრაზე, გურიის ახალგაზრდულმა რესურსცენტრმა და სტუდენტურ ახალგაზრდულმა სათათბირომ ფოთელებთან პროექტის მიზნებსა და ამოცანებზე ისაუბრეს. ფოთში ახალგაზრდულ ჯგუფთან ხუთი სამუშაო შეხვედრა არის დაგეგმილი. სადაც პროექტში ჩართული ახალგაზრდები სწავლებას გაივლიან, თვითმმართველობის სამსახურების სახელზე, თუ როგორ უნდა დაწერონ, არსებულ პრობლემაზე პეტიცია. მიღებული ცოდნა კი მოსახლეობას უნდა გაუზიარონ.

იხილე მეტი

კუთვნილი სახელფასო ანაზღაურების მოთხოვნით ფოთში საკანალიზაციო სისტემის რეაბილიტაციაზე დასაქმებულები გაიფიცნენ. 20-მდე ადამიანი 2 თვის სახელფასო დავალიანებას ითხოვს. ფოთში საკანალიზაციო სისტემის მოწყობაზე თურქული კომპანია მუშაობს. აქციის მონაწილეები ამბობენ, რომ თურქული ფირმა მათი დავალიანების დაფარვას ძველ ფირმას აკისრებს. დღეს გაფიცულებს კომპანიის წარმომადგენელი შეხვდა, რომელმაც მათ ვერ დაუკონკრეტა როდის დაიფარება დავალიანება. ფირმის წარმომადგენელმა სატელევიზიო კომენტარზე უარი განაცხადა. სისტემის რეაბილიტაცია ფოთში რამდენიმე წლის წინ დაიწყო და ამ სამუშაოებს მაშინ სხვა ფირმა ასრულბდა, რომელმაც ტენდერით დაკისრებული მოვალეობები ვერ შეასრულა და მუშაობა შეწყვიტა.

იხილე მეტი

ფოთში დავით აღმაშენებლის ხიდზე კონცერტი გაიმართა, სახელწოდებით ,,სიცოცხლეს ვუმღეროთ’’ მასში მონაწილეობას ბავშვთა საესტრადო სტუდია “ანა-ბანა” და სამეჯლისო ცეკვების სტუდია “მზის გული.” იღებდა ღონისძიებას, ტრადიციულად მუსიკალურად ნანუკა ღურჯია და ლევან მაშავა აფორმებდნენ. სცენაზე ერთმანეთს სხვადასხვა ასაკის შემსრულებლები ენაცვლებოდნენ, რომლებმაც ჟანრობრივი მრავალფეროვნებით გამორჩეული საესტრადო სიმღერები და სამეჯლისო ცეკვები შეასრულეს. ღონისძიებას ქალაქ ფოთის მერის მოადგილეები მამუკა პაპასკირი და პაატა ლაგვილავა ესწრებოდნენ. 4 და 5 ივლისს, სტუდიები კიდევ ერთხელ წარსდგებიან მაყურებლის წინაშე, ამჯერად ზღვის სანაპიროზე და მაყურებლებს კვლავ დაუვიწყარ საღამოს ჰპირდებიან.

იხილე მეტი

ფოთში ერთიანი ეროვნული გამოცდების მესამე დღე მიმდინარეობს. N3 საჯარო სკოლაში დღეს აბიტურიენტებმა ტესტი უნარებში დაწერეს. როგორც ერთიანი ეროვნული გამოცდების ფოთის კოორდინატორმა აღნიშნა, გამოცდები მშვიდ გარემოში მიმდინარეობს. ქართულისა და ლიტერატურის გამოცდაზე 514 აპლიკანტიდან 14 არ გამოცხადდა, დღევანდელ დღეს რაც შეეხება, გამოცდაზე 13 აბიტურიენტი არ მივიდა. გამოცდების მიმდინარეობას 21 მეთვალყურე, 21 კურატორი და 1 კოორდინატორი აკვირდება. ერთიანი ეროვნული გამოცდების მიმდინარეობისას, საქართველოს უნივერსიტეტის ზუგდიდის წარმომადგენლობამ აბიტურიენტებთან და მათ მშობლებთან საინფორმაციო სახის შეხვედრა გამართეს. მაია ღუბელაძემ შეკრებილებს საინფორმაციო ფლაერები, ჟურნალები და სამახსოვრო რვეულები გადასცა. ერთიანი ეროვნული გამოცდები 23 ივლისს ფიზიკის გამოცდით დასრულდება.

იხილე მეტი

სამოქალაქო მოძრაობა “20 ივნისი“-ს დამფუძნებელი, ოთარ ხარჩილავა პარლამენტის წინ მიმდინარე აქციას გამოეყო და მას პოლიტიკური პარტიებისგან მართული უწოდა. ოთარ ხარჩილავამ, ჩვენთან სატელეფონო საუბრისას საქართველოში ბოლო პერიოდში განვითარებული მოვლენები შეაფასა. როგორც მან აღნიშნა, მოთხოვნები, რომელიც მოქალაქეებს ხელისუფლების მისამართით ჰქონდათ შესრულებულია. შეგახსენებთ, რომ ოთარ ხარჩილავა „დემოკრატიული მოძრაობის“ პარტიული სიით, ფოთის საკრებულოს ყოფილი დეპუტატია.

იხილე მეტი

ფოთმა, საერთაშორისო ფოლკლორულ ფესტივალს – „კავკასია 2019“-ს უმასპინძლა. ქალაქის ცენტრალურ პარკში კონცერტი გაიმართა. ადგილობრივ ფოლკლორულ ანსამბლებთან ერთად, მეზობელი ქვეყნებიდან ჩამოსულმა ჯგუფებმა, თავიანთი ნაციონალური ცეკვები და სიმღერები წარმოადგინეს. საერთაშორისო ფესტივალი, საქართველოში მეცხრედ ტარდება. წელს 4 ქვეყანა არის წარმოდგენილი. ფესტივალის მონაწილეები კონცერტებს საქართველოს სხვადასხვა ქალაქებში გამართავენ. ბოლო კონცერტი ბათუმში ჩატარდება, სადაც ფესტივალის მონაწილეებს დიპლომებით და საჩუქრებით დააჯილდოებენ. ფესტივალის ორგანიზატორების განცხადებით, ფესტივალის მიზანი ფოლკლორული ხელოვნების განვითარება, ასევე ქორეოგრაფების კვალიფიკაციის დონის ამაღლებაა. ფესტივალი საქართველოს ქორეოგრაფიის კავშირის ორგანიზებით, ადგილობრივი მუნიციპალიტეტის და იუნესკოს საერთაშორისო ცეკვის საბჭოს მხარდაჭერით ჩატარდა.

იხილე მეტი