27-29 აპრილის ჩათვლით ფოთისა და ყულევის სანაპიროზე უნალექო ამინდი დაფიქსირდება. ეკონომიკისა და მდგრადი განვითარების სამინისტროს, ჰიდროგრაფიული სამსახურის სინოპტიკური სამმართველოს ცნობით, 29 აპრილს დათბება და მაქსიმალური ტემპერატურა +23° მიაღწევს.
იხილე მეტიმოქალაქე ზურაბ კაკულია სახელმწიფოსგან იმ ტერიტორიის დაბრუნებას ითხოვს, რომელიც მისი განცხადებით, ქ. ფოთში, ყოფილი ხორც კომბინატის ტერიტორიაზე, ანტონ ჩეხოვის ქუჩა N2-ში მდებარეობს. ზურაბ კაკულიას თქმით, მან ე.პ.ს. „ლივაზია“ 1993 წელს დაარეგისტრირა, ხოლო 1996 წელს ფირმის ლიკვიდაცია მოხდა. ის უძრავ ქონებაზე უფლების რეგისტრაციას ითხოვს. კაკულიას თქმით, მისივე განცხადების საფუძველზე, „საჯარო რეესტრის ეროვნულმა სააგენტომ“ „სახელმწიფო ქონების ეროვნული სააგენტოდან“ უძრავი ქონების არსებობის შესახებ ინფორმაცია გამოითხოვა.
იხილე მეტიფოთში, 8 მარტის ქუჩის მიმდებარედ, მდინარე კაპარჭინასთან არსებულ ნაგავსაყრელზე უცნობმა პირებმა საბურავები დაწვეს. გარემოსდაცვითი ზედამხედველობის დეპარტამენტის ცნობით, პიროვნება, რომელმაც საბურავებს ცეცხლი წაუკიდა დადგენილი არ არის. აქვე განმარტეს, რომ ნარჩენების დაწვისას, გამოიყოფა საშიში ტოქსიკური ნივთიერებები რაც ადამიანის ჯანმრთელობას საფრთხეს უქმნის. გარემოსდაცვითი ზედამხედველობის დეპარტამენტის სამეგრელო-ზემო სვანეთის რეგიონული სამმართველოს ინსპექტირების განყოფილების უფროსმა, ეკა ჯინორიძემ ამ საკითხთან დაკავშირებით სატელეფონო კომენტარი გააკეთა. ნარჩენების მართვის კოდექსის შესაბამისად, ნებისმიერი ტიპის ნარჩენის, მათ შორის, პლასტიკის მასალის, საბურავების და ფოთლების ღია წესით დაწვა აკრძალულია და ჯარიმას ითვალისწინებს.
იხილე მეტიფოთში, საკრებულოს სხდომაზე, მერის ანგარიშის მოსმენამ ხმაური და დაპირისპირება გამოიწვია. საკრებულოს თავმჯდომარესა და ოპოზიციონერ ვახტანგ დარცმელიძეს შორის სიტყვიერი შეურაცხყოფა, სხდომის მიმდინარეობის რამდენჯერმე შეჩერების მიზეზი გახდა. ოპოზიციის წარმომადგენლებმა, უხარისხოდ შესრულებულ ინფრასტრუქტურულ სამუშაოებზე, სამედიცინო სფეროში არსებულ პრობლემებზე, სოციალურ და ეკოლოგიურ საკითხებზე გაამახვილეს ყურადღება. მათ მმართველი გუნდი არაპროფესიონალიზმში და კორუფციაში დაადანაშაულეს. ქალაქის მერმა, გოჩა კურდღელიამ ოპოზიციის ბრალდებებს, უსაფუძვლო უწოდა
იხილე მეტიკოლხეთის ეროვნულ პარკში, დედამიწის დღისადმი მიძღვნილი კვირეულის ფარგლებში სხვადასხა აქტივობები ჩატარდა. ღონისძიებები, კოლხეთის ეროვნული პარკის „ნორჩი ელჩების“, რეინჯერების, ქალაქის საჯარო სკოლების, ეკოკლუბებისა და კოლხეთის მოხალისეთა აქტიური ჩართულობით მიმდინარეობდა. დედამიწის კვირეული პრეზენტაციით გაიხსნა, სადაც ნაჩვენები იქნა დოკუმენტური მასალა და ვიდეორგოლები, პლანეტის ყველაზე ცხელ წერტილებზე. მოსწავლეებმა კოლხეთის ადმინისტრაციულ ეზოში რელიქტური ლაფნის ნერგები დარგეს. დასასრულს, ტყე-პარკის ტერიტორიაზე დასუფთავების აქცია მოეწყო. აღნიშნული აქტივობები მშვიდობის კორპუსის ფინანსური მხარდაჭერით განხორციელდა.
იხილე მეტიევროპის ვიცე-ჩემპიონები სამბოში, ჯაბა თურქია და ვიტალი ქაქუთია, მწვრთნელთან კოტე ხუბუტიასთან ერთად, კვიპროსში ჩატარებული შეჯიბრების დეტალებს იხსენებენ. როგორც კოტე ხუბუტია ამბობს, ქაქუთიასთვის ეს ასპარეზი დებიუტი იყო და მოპოვებული ვერცხლის მედალი საკმაოდ დიდი წარმატებაა. ხოლო რაც შეეხება თურქიას, ხუბუტიას თქმით, მას თავისუფლად შეეძლო პირველი ადგილი დაეკავებინა, თუმცა მსაჯების სუბიექტურმა დამოკიდებულებამ, შედეგზე გადამწყვეტი როლი ითამაშა.
იხილე მეტიფოთის N15 სკოლამდელ სააღმზრდელო დაწესებულებაში, ევროპის იმუნიზაციის კვირეულის ფარგლებში, დაავადებათა კონტროლისა და ჯანდაცვის მსოფლიო ორგანიზაციის მხარდაჭერით საინფორმაციო შეხვედრა გაიმართა. შეხვედრას ნაბადის უბნის სკოლამდელი დაწესებულების მასწავლებლები და მედ. პერსონალი ესწრებოდა. ფოთის საზოგადოებრივი ჯანდაცვის ცენტრის მთავარმა ეპიდემიოლოგმა, ზინაიდა გაგუამ მასწავლებლებს წითელასა და სხვა გადამდები დაავადებების ვაქცინაციისაკენ მოუწოდა.
იხილე მეტიფოთში, 8 მარტის ქუჩის მიმდებარედ, მდინარე კაპარჭინასთან არსებულ ნაგავსაყრელზე საბურავები იწვის.
იხილე მეტიფონდი ,ქველმოქმედი 2015″-ისა და ,,არტ გალერეა -34″-ის ერთობლივი პროექტის ფარგლებში, ხელნაკეთი ნივთების სააღდგომო გამოფენა-გაყიდვა გაიმართა. საკუთარი ნამუშევრები მოწვეულ სტუმრებს, ბავშთა დღის ცენტრის ბენეფიციარებმა და უსუნათლოთა კავშირის წევრებმა წარუდგინეს. შეგახსენებთ, რომ ფონდი „ქველმოქმედის“ ინიციატივით ფრანგული ქარგვის ე.წ.კანვის, ხატვისა და ხელნაკეთი ნივთების შემსწავლელი უფასო სასწავლო ცენტრი, „არტ გალერეა-34″-ში დაახლოებით ორითვეა რაც ფუნქციონირებს.სადაც მსურველებს, ვორქშოპებსა და მასტერკლასებს ოთხი მოხალისე პედაგოგი, უტარებს. ღონისძიებას მუსიკალურად, ა.ხორავას სახელობის სახელოვნებო სასწავლებლის მოსწავლე ლიკა ცაავა აფორმებდა. ფონდი „ქველმოქმედი“ სააღდგომოდ 10 სოციალურად დაუცველ ოჯახს საკვებითა და სეზონის შესაბამისი სამოსით უზრუნველყოფს.
იხილე მეტიფოთის მე 5 საჯარო სკოლაში დედამიწის დღე აღნიშნეს
იხილე მეტი
