Author: Administrator

ფოთის საფეხბურთო სკოლის სტადიონზე , ამავე სკოლის სპორტსმენების მშობლები და ფეხბურთის ქომაგები შეიკრიბნენ. მათ სკოლაში არსებული იფრასტრუქტურული პრობლემები გააპროტესტეს. ისინი მოედანზე ხელოვნური საფარის დაგებასა და ვარჯიშისთვის შესაბამისი პირობების შექმნას ითხოვენ. ადგილობრივი ხელისუფლებისთვის ფოთის საფეხბურთო სკოლაში არსებული პრობლემები ცნობილია. მათი ინფორმაციით, საკითხის მოგვარების მიზნით მოლაპარაკებები საქართველოს ფეხბურთის ფედერაციასთან მიმდინარეობს. სტადიონზე შკრებილები ხელისუფლებას დროული რეაგირებისკენ მოუწოდებენ.

იხილე მეტი

13-14 ოქტომბერს ფოთის საჭადრაკო კლუბში ჩატარდა საკვალიფიკაციო ტურნირები მე-2, მე-3, მე-4 და მე-5 კატეგორიებზე, რომელშიც მონაწილეობდნენ სხვადასხვა მუნიციპალიტეტის მოჭადრაკეები. ტურნირები გაიმართა შვეიცარიული სისტემით 7 ტურად და I-III ადგილებზე გასული მოჭადრაკეები დაჯილდოვდნენ დიპლომებითა და მედლებით, ხოლო I ადგილზე გასულ მოჭადრაკეებს დამატებით გადაეცათ თასები. ტექნიკური შედეგები: II კატეგორია: I – გიორგი კვარაცხელია, II – ლუკა წურწუმია, III – წირქვაძე ნიკა. III კატეგორია: I – ხარშილაძე დავით, II – თოიძე თენგიზ, III – ჩიკვაიძე საბა. IV – კატეგორია: I – ჩიქობავა ფრიდონი, II – ასათიანი თამარი, III – მიგინეიშვილი გრიგოლ. V – კატეგორია:…

იხილე მეტი

არტ გალერეა 34-ში ფოთელი პოეტის, ზოია გრაფიშვილის პოეზიის საღამო გაიმართა. პოეტმა შეკრებილ საზოგადოებას საკუთარი შემოქმედება გააცნო. წაიკითხა ლექსები ძველი და ახალი კრებულიდან. პოეზიის საღამო არტ გალერეა 34-ის ორგანიზებით ჩატარდა.

იხილე მეტი

ფოთის 70-ე საოლქო საარჩვნო კომისიაში, საუბნო კომისიის წევრთა ტრენინგი გაიმართა. როგორც საოლქოს თავმჯდომარემ, სალომე როდონაიამ განაცხადა, ამჯერად ტრენინგის მესამე ეტაპი მიმდინარეობს. ხოლო, ბოლო მეოთხე ეტაპი უახლოეს დღეებში გაიმართება.

იხილე მეტი

სოფელ პატარა ფოთში ავტოსაგზაო შემთხვევა მოხდა. ,,ოპელის” მარკის ავტომანქანის მძღოლმა საჭე ვერ დაიმორჩილა და ხეს შეეჯახა.  რის შემდეგაც ავტომანქანას  ცეცხლი გაუჩნდა.შემთხვევას მსხვერპლი არ მოჰყოლია.  სასწრაფო  დახმარების ბრიგადამ მძღოლი ფოთის ცენტრალურ კლინიკურ საავადმყოფოში გადაიყვანა.  ექიმების ინფორმაციით, მისი ჯანმრთელობის მდგომარეობა სტაბილურია. შემთხვევის ადგილზე მობილიზებულია სახანძრო-სამაშველო სამსახური და პოლიცია.

იხილე მეტი

პრეზიდენტობის კანდიდატი, კახა კუკავა დღეს ფოთელ ამომრჩეველს შეხვდა. შეხვედრა ღია ცის ქვეშ, ცოტნე დადიანის ძეგლის მიმდებარე ტერიტორიაზე გაიმართა. მან ქალაქში არსებულ პრობლემებზე გაამახვილა ყურადღება და ადგილობრივი მეწარმეების ხელშეწყობის აუცილებლობაზე ისაუბრა. პრეზიდენტობის კანდიდატმა შეკრებილებს ასევე წინასაარჩევნო პროგრამა გააცნო.

იხილე მეტი

იუსტიციის მინისტრის ბრძანებით, პირადობის მოწმობის უფასოდ გაცემის აქცია 2019 წლის 1 იანვრამდე გაგრძელდება. აქციის ვადის გაგრძელებასთან დაკავშირებით ფოთის იუსტიციის სახლის უფროსს, ნინო ხარჩილავას გავესაუბრეთ, მისი თქმით, აქციის ფარგლებში საფასურის გადახდისგან თავისუფლდებიან: საქართველოს ის მოქალაქეები, ვის სახელზეც 2018 წლის 1 მარტამდე გაცემული არ იყო პირადობის დამადასტურებელი დოკუმენტი; არასრულწლოვნები, რომელთაც 1 იანვრამდე უსრულდებათ 18 წელი; მოქალაქეები, რომელთა პირადობის დამადასტურებელი დოკუმენტების ფოტოსურათები გამოუსადეგარია და ის პირები, რომლებიც რეგისტრირებული არიან საქართველოს ოკუპირებულ ტერიტორიაზე. აქციის ფარგლებში, პირადობის დამადასტურებელი მოწმობა უკვე 98 246-მა მოქალაქემ მიიღო. აქციით სარგებლობა პირს მხოლოდ ერთხელ შეუძლია.

იხილე მეტი