Category: სიახლე

ფოთში ნატო-ს სამხედრო საზღვაო ჯგუფში შემავალი 4 ქვეყნის- რუმინეთის, ბულგარეთის, თურქეთისა და დიდი ბრიტანეთის გემების დახვედრის ცერემონია გაიმართა, რომელსაც სამეგრელო-ზემო სვანეთის გუბერნატორი ლევან შონია და ადგილობრივი ხელისუფლების წარმომადგენლები ესწრებოდნენ. გემების კაპიტნებმა ნიკო ნიკოლაძის ძეგლი გვირგვინით შეამკეს. მოგვიანებით, საკრებულოს სხდომათა დარბაზში ოფიციალური შეხვედრა გაიმართა, სადაც მხარეებმა ნატო საქართველოს ურთიერთობებზე და სამომავლო გეგმებზე ისაუბრეს.

იხილე მეტი

12-დან 14 მაისის ჩათვლით საქართველოს გაეროს მოდელირების ასოციაციის ფოთის რეგიონალური კონფერენცია გაიმართა. დელეგატებმა და ხელმძღვანელობამ ერთმანეთს გააცნეს პრობლემები და მათი გადაჭრის გზებზე ისაუბრეს. მონაწილეებმა ერთმანეთს დაუკავშირეს პრობლემები და ისინი ერთ ჭრილში განიხილეს. საკითხის კიდევ ერთხელ გააზრებისა და დელეგატების მიერ საერთო შეხედულებების დაფიქსირების შემდეგ, კომიტეტმა დაიწყო რეზოლუციის წერა. რეზოლუციის, „ბლოქჩეინ სისტემის დანერგვა და მოსალოდნელი შედეგები მსოფლიო ეკონომიკაზე“,შედგენისას კომიტეტმა იხელმძღვანელა რეზოლუციამდელი სესიებით,თემის მიმოხილვითა და დაგროვილი ცოდნით. ანალოგიურად მოხდა სხვა თემების შესახებ რეზოლუციების მომზადებაც. აღნიშვნის ღირსია კომიტეტებში მიმდინარე გუნდური მუშაობა. საქართველოს გაეროს მოდელირების ასოციაციის ფოთის რეგიონალური კონფერენციის მონაწილეებს ქალაქ ფოთის მერი გოჩა კურდღელია…

იხილე მეტი

აზიურ ფაროსანასთან ბრძოლაში გარემოსდამცველებიც ჩაერთვებიან აზიური ფაროსანას წინააღმდეგ ბრძოლაში სახელმწიფო უწყებები აქტიურად ითანამშრომლებენ გარემოსდამცველებთან. ამის შესახებ სურსათის ეროვნულ სააგენტოში გამართულ შეხვედრაზე განაცხადეს. უწყების უფროსმა გარემოსდამცველი ორგანიზაციების წარმომადგენლებს მავნებლის წინააღმდეგ დაგეგმილი ღონისძიებები გააცნო. შეხვედრაზე აღინიშნა, რომ აღნიშნული ქმედებები სასოფლო-სამეურნეო კულტურების დაცვისთვისაა საჭირო და ამავდროულად, აუცილებელია გარემოზე ზემოქმედების საკთხების გათვალისწინება.

იხილე მეტი

 დღეს ფოთის საკრებულოს სხდომა გაიმართა დღისწესრიგით 2 საკითხი იყო განსახილველი I-ეხებოდა მუნიციპალური განვითარების ფონდის ზერაგიას ქუჩაზე მდებარე 2-ჰექტრამდე მიწის სარგებლობაში 3-წლის ვადით გადაცემას რომელზეც საცურაო აუზი და სპორტული დარბაზი უნდა აშენდეს II-საკითხი კი მალთყვის განაშენიანების რეგულირების გეგმის გეგმარებითი დავალების დანმტკიცება,აღსანიშავია რომ ორივე საკითხში პოზიცია და ოპოზიცია ერთ სულოვანი იყო და გადაწყვეტილებაც ერთხმად იქნა მიღებული.სხდომის ბოლოს ოპოზიციური პარტიის წარმომადგენლებმა რამდენიმე საკითხზე გააკეტეს განცხადება, ისინი თეატრის ექსპერტიზის ტენდერის ჩაშლას, პარკირების თემას, და ზებრა გადასავლელების საკითხის მოუწესრიგებლობას შეეხნენ.საკრებულოს მორიგი სხდომა სავარაუდოდ თვის ბოლოს გაიმართება.

იხილე მეტი

9მაისს „ასოციაცია დიოსკურიას“ ოფისში „სტრატეგიული სწავლების ცენტრის“ წარმომადგენლებმა გასვლითი ტრენიგი გამართეს სახელწოდებით „თქვენი წარმატების ათერაპია“ , მათი ჩამოსვლის ძირითადი მიზანი და მიზეზი არის საზოგადოებაში დანერგილი პრობლემების გადაწყვეტა ხელშეწყობითა და მუშაობით. იმედოვნებენ რომ ისინი საზოგადოებაში არსებულ ძირითად პრობლემებს ერთმანეთთან კავშირითა და ხელშეწყობით მოაგვარებენ. „სტრატეგიული სწავლების ცენტრის“ წარმომადგენელის განცხადებით ეს პროექტი სხვა და სხვა ქალაქებშიც არის დაგეგმილი.

იხილე მეტი

ფოთის საცხენოსნო სკოლის შექმნაში უდიდესი წვლილი ვალერიან მაქაცარიას მიუძღვის, სწორედ მისი ინიციატივით იქნა ჩამოყვანილი 1972 წელს აკულარის ცხენსაშენიდან 15 სუფთა სისხლის ინგლისური ცხენი. საცხენოსნო საქმის განვითარებაში თავისი წვლილი შეიტანეს ცეზარ შურღაიამ, ზაურ ტოტიკოვმა, რუსლან კვარაცხელიამ. დღეს ფოთის სკოლის საკუთრებაში 2 ბრწყინვალე ულაყია ეს არის ვიგეროუზი, და პირველი. ვიგეროუზი კულარის ცხენსაშენის მიერ ჯერ კიდევ საბჭოთ კავშირის დროს 1 მილიონ დოლარად შეძენილი „ჩეირმენის“ შთამომავალია, რომელიც თავის მხრივ მსოფლიოში ყველაზე სუფთა ინგლისური სისხლის ულაყის ნიარკოს ხაზის წარმომადგენელი იყო. ტრადიციებს ფოთის საცხენოსნო სკოლა დღესაც აგრძელებს. რამდენიმე დღის წინ ფოთს სკოლის წარმომადგენელმა გიორგი კვარაცხელიამ თბილისში, ამბასადორის ღია პირველობაში მიიღო მონაწილეობა და 15 უძლიერეს სპორტსმენს შორის პირველი ადგილი დაიკავა. ამჟამად ფოთის საცხენოსნო სკოლის გუნდი თბილისის ღია პირველობისთვის ემზადება, რომელიც 27- 30 აპრილს ტარდება

იხილე მეტი

ქალაქ ფოთის მუნიციპალიტეტი სოც. მუშაკების სატრენინგო კურსში მონაწილეთა შესარჩევად კონკურსს აცხადებს
სატრენინგო კურსი პროექტ: ,,სოციალური ინკლუზია – მუნიციპალური სერვისების განვითარება ხანდაზმულებისა და შეზღუდული უნარების მქონე პირთათვის – ფარგლებში’’ ტარდება. ეს კურსი მსურველებს დაეხმარებათ შეიძინონ და აიმაღლონ ის უნარ-ჩვევები, რომლებიც აუცილებელია აღნიშნული სამუშაოს სწორად და ეფექტიანად განსახორციელებლად.
კონკურსში მონაწილეობა შეუძლია ფოთში მცხოვრებ 21-დან 45 -წლამდე ადამიანებს, რომლებიც მუშაობენ ან აქვთ მაღალი მოტივაცია იმუშაონ მოწყვლად ჯგუფებთან, დაინტერესებულნი არიან სოციალური მუშაკის საქმიანობით და აინტერესებთ ეს პროფესია.
პროექტი ხორციელდება ქ. ფოთის მუნიციპალიტეტსა და შვედეთის ქალაქ ოსტამარს შორის თანამშრომლობის შედეგად, რომელსაც შვედეთის საერთაშორისო განვითარების სააგენტო (SIDA) აფინანსებს

იხილე მეტი

ხმაური იყო ფოთის ბაზრის ტერიტორიაზე. ქალაქის საკრებულოს და ზედამხედველობის სამსახურის წარმომადგენლებმა იმ მოვაჭრეებს , რომლებსაც მაღაზიების წინ განთავსებულ დახლებზე სარეალიზაციოდ აქვთ საქონელი გამოტანილი , გაფრთხილება მისცეს. იმ შემთხვევაში თუ ისინი თვითნებურად გაკეთებულ დახლებს არ დაშლიან და საქონლის რეალიზაციას მხოლოდ სავაჭრო ფართებში არ განახორციელებენ, მათ მიმართ საჯარიმო სანქციები ამოქმედდება .

ხელისუფლების წარმომადგენლების განცხადებით ამ გადაწყვეტილების მიღება პირველ რიგში სახანძრო უსაფრთხოების ნორმების დაცვის მიზნით გახდა აუცილებელი

მოვაჭრეები კი ხელისუფლების წარმომადგენლებს სხვა პრობლემებით დაინტერესებას ურჩევენ და ითხოვენ პირველ რიგში ბაზარში საკანალიზაციო სისტემის მოუწესრიგებლობას და მაწანწალა ძაღლების საკითხს მიხედონ, მათ კი გარე ვაჭრობის გაგრძელების უფლება მისცენ

ზედამხედველობის სამსახური სანქციების გატარებას ხვალიდან გეგმავს

იხილე მეტი

15-მდე ენთუზიასტის ინიციატივით ფოთში მეთევზათა კლუბი ჩამოყალიბდა . ახლადშექმნილი კლუბის წევრებმა პირველივე აქტივობა ტერმინალებთან მდებარე ტბასთან ჩაატარეს და მისი სანაპირო დაასუფთავეს. აქციაში ფოთის სერვისების ცენტრიც ჩაერთო, რომელმაც შეგროვებული ნაგავის ტერიტორიიდან გატანა უზრუნველყო.
კლუბს შექმნის მთავარი მიზანი ყველასთვის მტკივნეული საკითხების გადაწყვეტისთვის ფოთელი მეთევზეების გაერთიანებაა.
გარემოს დაბინძურება, ბრაკონიერობა, თევზის სახეობების მრავალფეროვნების შენარჩუნება, ტურნირების მოწყობა, სპორტული თევზჭერის პოპულარიზება, ეს იმ თემების არასრული ჩამონათვალია, რომელთა მოგვარებაში ფოთელი მეთევზეები აქტიურად ჩართვას აპირებენ
მეთევზეთა კლუბის წევრების განცხადებით უახლოეს დღეებში ტურნირი მოეწყობა, სადაც ნებისმიერ მსურველს შეეძლება მონაწილეობის მიღება

იხილე მეტი

23 აპრილს წიგნის დღე აღინიშნება, ეს არის დღე, როდესაც მსოფლიოს სხვადასხვა ქვეყანაში წიგნებისა და ავტორებისადმი პატივისცემას გამოხატავენ.
ამ თარიღთან დაკავშირებით ფოთის ბიბლიოთეკაში ლიტერატურული სალონის „გულის სამელნეს“ ორგანიზებით რამოდენიმე ნაწარმოების განხილვა გაიმართა. მასში მონაწილეობას მე-2 და მე-4 საჯარო სკოლის მოსწავლეებთან ერთად ფილოლოგი ირმა დოლბაძე იღებდა.
მოსწავლეთა განცხადებით არსებობს ერთი არაჩვეულებრივად ლამაზი კალენდარული დღე, როდესაც მსოფლიოს სხვადასხვა ქვეყანაში წიგნებისა და ავტორებისადმი პატივისცემას გამოხატავენ.
სპეციალურად ამ დღისთვის ბიბლიოთეკის ფოიეში წიგნების გამოფენა მოეწყო.

იხილე მეტი