თანადგომის სახლში გიორგობა აღნიშნეს დღეს, გიორგობის დღესასწაულთან დაკავშირებით, ქალაქ ფოთის მუნიციპალიტეტის სოციალური და სამედიცინო რეაბილიტაციის ცენტრში საზეიმო განწყობა იყო. თანადგომის სახლში მყოფი, 250 შეჭირვებულისთვის, სახელოვნებო ცენტრის მოსწავლეებმა სადღესასწაულო კონცერტი გამართეს, რის შემდეგაც ფოთის მუნიციპალიტეტის მერიის წარმომადგენლებმა სოციალურად დაუცველ ადამიანებს საჩუქრები და ტკბილეულობა გადასცეს. ღონისძიებაზე გიორგი ფარეშაშვილი სიტყვით გამოვიდა და იქ მყოფ ადამიანებს დღესასწაული მიულოცა. მისივე თქმით, ქალაქის ხელმძღვანელობამ გადაწყვიტა, დღევანდელი დღე განსაკუთრებულად გამორჩეული ყოფილიყო იმ ხალხისთვის, რომლებიც თანადგომის სახლის ხშირი სტუმრები არიან. 29 დეკემბერს კი, უკვე განახლებულ და რეაბილიტირებულ თანადგომის სახლში საახალწლო ნაძვის ხის გახსნის ცერემონია დააანონსა. სოციალურად დაუცველებმა როგორც…

იხილე მეტი

ფოთის იპოდრომზე, საცხენოსნო შეჯიბრი ორ სახეობაში, კონკურში და დოღში გაიმართა. სადაც ათი ქალაქიდან ჩამოსული საუკეთესო მხედრები იღებდნენ მონაწილეობას. სპორტსმენებმა, შერეულსისხლიანი ჯიშის და სუფთა სისხლის ცხენებით იასპარეზეს. კონკურში პირველი ადგილი გიორგი კვარაცხელიამ(ფოთი) დაიკავა, მეორე ადგილი _ ნატალია მაშკოვამ( ბათუმი), მესამე ადგილი _ ნიკა ვეშაპიძემ (ფოთი). დოღში პირველი ადგილი_ ნიკა ვეშაპიძეს(ფოთი) ერგო, მეორე ადგილი_ დავით შეროზიას( ხობი), მესამე ადგილი _ ზაურ ტოტიკოვს(ფოთი). შჯიბრს ადგილობრივი ხელისუფლების წარმომადგენლები და ფოთის მაჟორიტარი დეპუტატი ირაკლი ხახუბია ესწრებოდნენ.ასპარეზში გამარჯვებულები თასებით, მედლებითა და სიგელებით დაჯილდოვდნენ. შეჯიბრი, ფოთის მუნიციპალიტეტის მერიის ხელმძღვანელობით და საცხენოსნო სასპორტო სკოლის ორგანიზებით, ნიკო ნიკოლაძის დაბადებიდან…

იხილე მეტი

ფოთში თოჯინური სპექტაკლი „ფიროსმანის“ პრემიერა შედგა ფოთის ვალერიან გუნიას სახელობის სახელმწიფო პროფესიულმა თეატრმა თოჯინური სპექტაკლის პრემიერა კოლხური კულტურის მუზეუმში გამართა. ,,ფიროსმანი“ ასე ჰქვია სპექტაკლს, რომელიც ბათუმის ხელოვნების სახელმწიფო სასწავლო უნივერსიტეტის კურსდამთავრებულებმა მაყურებელს წარუდგინეს. ერთმოქმედებიანი სპექტაკლის რეჟისორი ელენე მაცხონაშვილია, თოჯინების მხატვარი – ვახო ქორიძე, ხოლო სცენოგრაფია გურამ მაცხონაშვილს ეკუთვნის. როგორც სპექტაკლის რეჟისორმა, ელენე მაცხონაშვილმა აღნიშნა, თოჯინური დადგმა შემეცნებითი ხასიათის არის, მისივე თქმით, ახალგაზრდა მსახიობები შეეცადნენ, ფიროსმანის ცხოვრებასა და შემოქმედებაზე თოჯინების საშუალებით კიდევ ერთი ახალი მითი გაეცოცხლებიათ. თეატრის შენობის ავარიული მდგომარეობის გამო, ხელმძღვანელობამ გადაწყვიტა, სპექტაკლის სხვა სივრცეში ჩატარება. პროექტი განათლების, მეცნიერების, კულტურის…

იხილე მეტი

საკრებულოს 21-ე სხდომაზე, დღის წესრიგით გათვალისწინებული ორი საკითხი განიხილეს. პირველი საკითხი მერის მოადგილემ გიორგი ფარეშიშვილმა წარმოადგინა, რომელიც ფოთის მუნიციპალიტეტის მიერ, გრანტის მიღებაზე და შესაბამისი პროცედურების განხორციელებაზე თანხმობის მიცემას ეხებოდა. მეორე საკითხთან დაკავშირებით, საკრებულოს დადგენილების შესაბამისად, მუნიციპალიტეტის მერს 2019 წლის ბიუჯეტის პროექტი,შენიშვნებით დაუბრუნდა, რომელშიც ძირითადად სოციალურ და ინფრასტრუქტურულ პრობლემებზეა ყურადღება გამახვილებული. ფრაქცია „კოლხეთის“ თავმჯდომარემ, მია ჩხარტიშვილმა, ფრაქციის მიერ შემუშავებული ინიციატივები წარმოადგნა, რომელიც მისი თქმით მომავალი წლის ბიუჯეტში აუცილებლად უნდა იქნეს გათვალისწინებული, რადგან ბიუჯეტი ძალიან მწირია და აქცენტი პრიორიტეტებზე უნდა გაკეთდეს.

იხილე მეტი

„გაერთიანებული ოპოზიციის “ ფოთის სააჩევნო შტაბის ხელმძღვანელმა, დარეჯან ცხვიტარიამ ბრიფინგზე ანონიმური წერილი გაასაჯაროვა, რომელიც მისი თქმით დაუდგენელმა პირმა ოფისის კარებთან დატოვა. წერილში წერია, რომ პორტში იძულებით, სალომე ზურაბიშვილის სასარგებლოდ ხელმოწერებს აგროვებენ, წინააღმდეგ შემთხვევაში სამსახურიდან დათხოვნით იმუქრებიან. დარეჯან ცხვიტარია ამბობს რომ მსგავსი ფაქტი ყველა სამსახურში ხდება.

იხილე მეტი

ხვალ, ფოთის იპოდრომზე, საცხენოსნო შეჯიბრი ორ სახეობაში, კონკურში და დოღში გაიმართება. სადაც ფოთის მეზობელი ქალაქების გარდა, თბილისის, ბათუმისა და ქუთაისის საუკეთესო მხედრები მიღებენ მონაწილეობას. სპორტსმენები, შერეულსისხლიანი ქართული ჯიშის ცხენებით, ასევე მაღალსისხლიანი ცხენებით იასპარეზებენ. გამარჯვებული მონაწილეები თასებით, მედლებითა და სიგელებით დაჯილდოვდებიან. შეჯიბრი, ფოთის მუნიციპალიტეტის მერიის ხელმძღვანელობით და საცხენოსნო სასპორტო სკოლის ორგანიზებით, ნიკო ნიკოლაძეს დაბადებიდან 175 წლის იუბილესადმი მიძღვნილი, ღონისძიებების ფარგლებში ჩატარდება.

იხილე მეტი

რუსთაველის რკალზე, პოლიციის შენობის მიმდებარე ტერიტორიაზე ავტოსაგზაო შემთხვევა მოხდა. ოპელის ფირმის მანქანა ველოსიპედით მოსიარულეს შეეჯახა, თუმცა ინციდენტის გამო გზაზე საავტომობილო მიმოსვლა არ შეწყვეტილა. შსს ინფორმაციით, ავტო საგზაო შემთხვევის შედეგად ველოსიპედისტი მსუბუქად დაშავდა. დაზარალებული საგანგებო სიტუაციების კოორდინაციისა და გადაუდებელი დახმარების სამსახურის მიერ, ჰოსპიტალიზებული იქნა ფოთის ცენტრალურ კლინიკურ საავადმყოფოში. შსს-ს ინფორმაციით, მომხდარ ფაქტზე ადმინისტრაციული საქმის წარმოება მიმდინარეობს.

იხილე მეტი

აქტიური საგასტროლო ჩვენებების შემდგომ, ფოთის თეატრი პრემიერისთვის ემზადება. დღეს თეატრის სარეპეტიციო დარბაზში, თოჯინური სპექტაკლის „ფიროსმანის“ გენერალური რეპეტიცია გაიმართა. 22 და 24 ნოემბერს ფოთის კოლხური კულტურის მუზეუმში, სპექტაკლის პრემიერა შედგება, რომელიც მოზარდი და უფროსი თაობის მაყურებლისათვის არის გათვლილი. როგორც სპექტაკლის რეჟისორმა, ელენე მაცხონაშვილმა აღნიშნა, თოჯინური დადგმა შემეცნებითი ხასიათისაა, მისივე თქმით, ახალგაზრდა მსახიობები შეეცადნენ, ფიროსმანის ცხოვრებასა და შემოქმედებაზე თოჯინების საშუალებით კიდევ ერთი ახალი მითი გაეცოცხლებიათ. სპექტაკლში, ფოთის თეატრის მიერ დაფინანსებული მიზნობრივი ჯგუფის, ბათუმის ხელოვნების სახელმწიფო სასწავლო უნივერსიტეტის კურსდამთავრებულები, ანა ანდღულაძე, ირაკლი კვერღელიძე, ალიკა ცეკვაშვილი და ნიკა კვარაცხელია მონაწილეობენ. ასევე აღსანიშნავია, რომ ფოთის…

იხილე მეტი

ფოთის ნავსადგური 160 წლისაა ფოთის ნავსადგურს დაარსებიდან 160 წელი შეუსრულდა, ის საქართველოს პირველი ნავსადგურია შავ ზღვაზე. რომელიც 1889-1905 წლებში ნიკო ნიკოლაძის ინიციატივითა და ხელმძღვანელობით შენდებოდა. ფოთის კოლხური კულტურის მუზეუმში დაცულია 1860 წლით დათარიღებული წიგნი, სადაც 1858 წელს იმპერატორის მიერ გაცემული ყველა ბრძანება არის გამოქვეყნებული, მათ შორის ფოთის სანავსადგურო ქალაქად გამოცხადების ბრძანება. როგორც ისტორიული წყაროებიდან ვიცით, 1804 წელს ფოთის პორტის მშენებლობის შესახებ საუბარი ოფიციალურად დაიწყო. სპეციალისტები რიონის შესართავთან არსებული მიდამოების გამოკვლევას შეუდგნენ და საფუძველი ჩაეყარა ნავსადგურის მშენებლობის საქმეს. 1858 წლის 18 ნოემბერს ფოთი სანავსადგურო ქალაქად გამოცხადდა და სწორედ ამ დროიდან ფოთის…

იხილე მეტი

ფოთში, მალთაყვის უბანში, ადგილობრივებმა მეორადი ტანსაცმლის ფუთები თვითნებურად მიისაკუთრეს. სოციალურად დაუცველი ოჯახებისთვის განკუთვნილი ტანსაცმელი ჭიდაობის დარაზში იყო მოთავსებული. ადგილობრივებმა კარები შეანგრიეს და ფუთები გაინაწილეს. „ნაციონალური მოძრაობის“ წარმომადგენელი, დავით გოგოხია აცხადებს, რომ „ქართულ ოცნებას“ წინასწარ შედგენილი სპეციალური სიის მიხედვით უნდა დაერიგებინა ეს ფუთები , რამაც სხვა პირების აღშფოთება გამოიწვია. ქალაქის მერის, გოჩა კურდღელიას განცხადებით, მუნიციპალიტეტი მეორადი ტანსაცმლის დარიგებას მთელი წლის განმავლობაში პერიოდულად ახორციელებს, რასაც საარჩევნო კამპანიასთან არანაირი კავშირი არა აქვს.

იხილე მეტი