ფოთში, აკაკისა და ნინოშვილის ქუჩების კვეთაზე , ავტოსაგზაო შემთხვევა მოხდა. ერთმანეთს ორი მსუბუქი ავტომანქანა დაეჯახა,შედეგად ერთ-ერთი მანქანის მგზავრი ქალბატონი დაშავდა,ის სასწრაფო დახმარების მანქანამ ფოთის ცენტრალურ საავადმყოფოში გადაიყვანა.
საავადმყოფოს დირექტორის თეა მიგინეიშვილის განცხადებით, დაზიანებული ქალის მდგომარეობა საშუალო სიმძიმისაა:
„46 წლის ქალბატონი რეანიმაციულ განყოფილებაშია მოთავებული,უტარდება ყველა საჭირო კვლევა და მკურნალობა.პაციენტის მდგომარეობა საშუალო სიმძიმისაა,საჭიროებს დინამიურ დაკვირვებას”.
ადგილზე მობილიზებული იყო საპატრულო პოლიცია

იხილე მეტი

ფოთის საჭადრაკო კლუბში, ფოთელი მოჭადრაკის, სპორტის ოსტატობის კანდიდატის, ფარვიზ ჩაჩიბაიას ხსოვნისადმი მიძღვნილი საჭადრაკო ბლიც ტურნირი გაიმართა. რომელშიცფოთის,სენაკის,ხობის და მარტვილის 30-მდე მჭადრაკე მონაწილეობდა. ბლიც ტურნირში პირველი ადგილი გიორგი გამზარდიამ დაიკავა,მეორე ადგილი _ დათო კოდუამ, ხოლო მესამე ადგილი _ გოჩა ჩაჩუამ. ათ წლამდე მოჭადრაკეთა შორის საუკეთესო იყო კახაბერ კიზირია,ვეტერან მჭადრაკეთა შორის კი სენაკელი ზურაბ ლიფონავა.

იხილე მეტი

ახალი საქართველოს უნივერსიტეტში ,ახალგაზრდა მეცნიერთა კლუბის ფარგლებში,გაიმართა სამეცნიერო კონფერენციათემაზე: ქრისტიანული ფლოსოფიის კლასიკოსები _ ნეტარი ავგუსტინე.

იხილე მეტი

ქალაქ ფოთის მერი გოჩა კურდღელია თევზის გადამამუშავებელი საწარმოების შპს „აისბერგ-2“-ის, შპს “შავი ზღვის პროდუქტები“-სა და შპს „მადაის“ ხელმძღვანელებს შეხვდა. საუბარი ქარხნების სამუშაო და პროდუქციის ტრანსპორტირების პროცესში ტექნიკური ნორმებისა და სტანდარტების დაცვას შეეხო.
ქალაქის მერი მზადაა ერთობლივი ღონისძიებების გასატარებლად ,რათა დაჩქარდეს პრობლემის მოგვარება . შეხვედრაზე განიხილეს ყველა ფაქტორი, რაც ხელს უშლის თევზის გემებიდან დროულად გადმოტვირთვას, ქარხნებამდე ტრანსპორტირებას და მის დამუშავებას.

იხილე მეტი

ფოთი ახალ წელს განსაკუთრებულად შეხვდება,ეს განცხადება „მეცხრე ტალღასთან“ მერიის ადმინისტრაციული სამსახურის უფროსმა ინგა მასხულიამ გააკეთა.როგორც ის ამბობს,ფერადი, სადღესასწაულო ახალი განათებები, ქალაქის ცენტრალურ ქუჩებსა და მთავარ ხიდზე დამონტაჟდება.

იხილე მეტი

„არა ძალადობას“ ამ ლოზუნგით დღეს თამარ ფაჩულიას საავტორო სკოლა გიმნაზიის მოსწავლეებმა აქცია- მსვლელობა გამართეს.ბავშვებმა პროტესტი გამოთქვეს არასრულწლოვანთა მიერ ჩადენილი დანაშაულებების წინააღმდეგ.როგორც სკოლის დირექტორმა თამარ ფაჩულიამ განაცხადა, მოზარდებში აგრესიას კულტურის დაბალი დონე და გაუნათლებლობა იწვევს.

იხილე მეტი

ვინ არის ლიდერი და რა ტიპის ლიდერები არსებობენ, ამ თემაზე დღეს კოლხეთის ეროვნული პარკის ნორჩ ელჩებს ტრენინგი ჩაუტარდათ. ბავშვებმა სხვადასხვა შემეცნებით აქტივობებში მიიღეს მონაწილეობა და საინტერესო დისკუსია გამართეს.

იხილე მეტი

„მეცხრე ტალღის“ ოფისში აშშ-ს საელჩოს მიერ გამოცხადებული დემოკრატიის კომისიის მცირე გრანტების პროგრამის პრეზენტაცია გაიმართა. ამერიკის საელჩოს გრანტების პროგრამის მენეჯერის განცხადებით, საელჩო სამი მიმართულების პროექტს დააფინანსებს, თითოეული პროექტისთვის მაქსიმალური თანხა 25,000 დოლარია განსაზღვრული. როგორც მენეჯერი ამბობს,კონკურსში მონაწილეობის მიღება არასამთავრობო, არაკომერციულ, საგანმანათლებლო და მედია ორგანიზაციებს შეუძლიათ.

იხილე მეტი

ფოთში შეზღუდული შესაძლებლობის მქონე პირთათვის ავტოსატრანსპორტო საშუალებათა პარკირების ადგილები განისაზღვრება. ეს გადაწყვეტილება დღეს საკრებულოს სხდომაზე მიიღეს. დადგენილების მიხედვით შშმ პირებზე საცნობი ნიშნის გაცემა მხოლოდ მერს ან მერის მიერ უფლებამოსილ პირს შეუძლია. ხოლო ამ ნიშნის განთავსება ნებისმიერ სატრანსპორტო საშუალებაზე იქნება შესაძლებელი.

იხილე მეტი

ფოთელმა მოკრივემ ბადრი ხუციშვილმა ევროპის ჩემპიონატში მესამე, საპრიზო ადგილი დაიკავა.ჩემპიონატი ახალგაზრდებს შორის ანტალიაში გაიმართა, რომელშიც 33 ქვეყნის სპორტსმენი ასპარეზობდა.

იხილე მეტი