„თეთრი ხალათების“ აქციას ფოთშიც შეუერთდნენ. ახალგორში, პაციენტის სამკურნალოდ ჩასული ექიმის, ვაჟა გაფრინდაშვილის გატაცების ფაქტთან დაკავშირებით, ევექსის ფოთის ჰოსპიტალში, ისევე როგორც საქართველოს 6 რეგიონში 12:00 საათზე, 5 წუთიანი მდუმარე აქცია მოეწყო. აქციას ასევე შეუერთდნენ კლინიკა იკამედის თანამშრომლები, რომლებმაც ანალოგიური აქცია მოაწყვეს. შეგახსენებთ, ვაჟა გაფრინდაშვილი 9 ნოემბერს, დააპატიმრეს. 15 ნოემბერს გამართულ სასამართლო პროცესზე მას “საზღვრის” უკანონო გადაკვეთის ბრალდებით ორთვიანი წინასწარი პატიმრობა შეუფარდეს. გავრცელებული ინფორმაციით, ექიმ-ტრავმატოლოგი ახალგორის ტერიტორიაზე პროფესიული საქმიანობის შესრულების მიზნით გადავიდა.

იხილე მეტი

დღეს ფოთის საკრებულოს რიგგარეშე სხდომა გაიმართა. საკრებულომ პირველ საკითხად მიიღო განკარგულება ქალაქ ფოთის მუნიციპალიტეტის ქალაქთმშენებლობითი დოკუმენტაციის პროექტის განხილვისა და დამტკიცების მიზნით ადმინისტრაციული წარმოების დაწყების თაობაზე, შესაბამისად ქალაქ ფოთის მერს დაევალა ქალაქმშენებლობითი დოკუმენტაციის პროექტის საჯარო განხილვის, სხვა ადმინისტრაციული ორგანოების ჩართვის და აღნიშნულის საფუძველზე, საბოლოო პროექტის შემუშავების უზრუნველყოფა. მე-2 საკითხად საკრებულოს წევრებმა ცნობად მიიღეს ის გარემოება, რომ ქალაქ ფოთის მუნიციპალიტეტის საკრებულოს წევრს, საკრებულოს თავმჯდომარეს, ირაკლი კაკულიას შეუჩერდა უფლებამოსილება 2019 წლის 10 ნოემბრიდან აღკვეთი ღონისძიებების სახით პატიმრობის შეფარდებასთან დაკავშირებით, პატიმრობის მოქმედების ვადით. საკრებულოს დღევანდელ სხდომაზე სულ მიღებულ იქნა 2 განკარგულება.

იხილე მეტი

გავრცელებული ინფორმაციით ფოთში ახალაგაზრდა მამაკაცი ნაჯახით დაჭრეს. ის ამჟამად მიმღებ დიაგნოსტიკურ განყოფილებაში იმყოფება სადაც უტარდება შესაბამისი სამედიცინო დახმარება და მისი მდგომარეობა სტაბილურია- ამის შესახებ ჟურნალისტებს ქალაქის ჰოსპიტალის ექიმმა, ნინო ჭანტურიამ განუცხადა. თამარ მეფის ქუჩაზე, 70 წლამდე ასაკის მამაკაცმა 40 წლამდე მამაკაცი ნაჯახით დაჭრა. მას ჭრილობა თავის არეში აქვს მიყენებული. შსს-მ მომხდარ ფაქტზე გამოძიება სსკ-ის 120-ე მუხლით დაიწყო, რაც ჯანმრთელობის განზრახ მსუბუქ დაზიანებას გულისხმობს. უწყების ცნობით დადგენილი და მხილებულია დანაშაულის ჩამდენი პირი და მისი პასუხისგებაში მიცემის ღონისძიებები მიმდინარეობს.

იხილე მეტი

16-17 ნოემბერს ფოთის საჭადრაკო კლუბში ჩატარდა საკვალიფიკაციო ტურნირი III, IV და V თანრიგზე. ტურნირში მონაწილეობდა ფოთის, ოზურგეთის, სენაკის, ხობის, ჩხოროწყუს 100-მდე მოჭადრაკე. V თანრიგი 17 მოჭადრაკემ შეასრულა, IV თანრიგი 4 მოჭადრაკემ შეასრულა, ხოლო III თანრიგი კი მხოლოდ ერთმა მოჭადრაკემ – გაგა გვასალიამ. 16 ნოემბერს საქართველოს საკლუბო ჩემპიონატის დასავლეთ ზონის პირველ ლიგაში მორიგი გამარჯვება მოიპოვა ფოთის საჭადრაკო კლუბმა გასვლით მატჩში ბაღდათის საჭადრაკო კლუბთან. ფოთელმა მოჭადრაკეებმა მატჩის პირველი ტური 5 : 3 მოიგეს, ხოლო მეორე ტურში კი დიდი ანგარიშით 6,5 : 1,5. ამ გამარჯვებით საჭადრაკო კლუბმა “ნანამ” ტურნირის დასრულებამდე 1 ტურით ადრე,…

იხილე მეტი

15 ნოემბერს ფოთში ,,მრავალფეროვნების სკოლის“ დასკვნითი ღონისძიება, მრავალფეროვნების ფესტივალი“ გაიმართა. ფესტივალი არის არასაგანმანათლებლო პროგრამა და მოიცავს სოციალური პროექტების გამოფენა-პრეზენტაციას. 24-მა მონაწილემ საქართველოს სხვადასხვა რეგიონიდან წარმოადგინა განხორციელებული მცირემასშტაბიანი პროექტები და სოციალური ინიციატივები. მონაწილეებს 3 სემინარი ჩაუტარდათ, სადაც დაეუფლნენ მრავალფეროვნების აქტიური მოქალაქეობის და დემოკრატიის საკითხებს. და შემდეგ დაგეგმეს აქტივობები თავიანთ ქალაქებსა და სოფლებში. დამსწრეებს საშუალება ჰქონდათ გაცნობოდნენ 10 განხორციელებულ პროექტს. მოესმინათ ცოცხალი მუსიკა. პროექტს ახორციელებს გერმანიის საგარეო საქმეთა სამინისტრო.

იხილე მეტი

თამარ ფაჩულიას საავტორო სკოლაში ტოლერანტობის დღესთან დაკავშირებით სხვადასხვა აქტივობები გაიმართა, რომლებშიც ამავე სკოლის მოსწავლეები და მასწავლებლები იღებდნენ მონაწილეობას. მათ სკოლის შენობიდან რუსთაველის რკალამდე სპეციალური პლაკატებით მსვლელობა მოაწყვეს. მოეწყო აქცია პერფორმანსი, რომელიც ემსახურება ტოლერანტული კულტურის ამაღლებას მოსწავლეებში და ტოლერანტული გრძნობის წახალისებას. ტოლერანტობის საერთაშორისო დღე 16 ნოემბერს აღინიშნება.

იხილე მეტი

პროექტის ,,ახალგაზრდული იდეა ფოთს“ შესარჩევი ეტაპი დასრულდა. გამოვლინდა 7 გამარჯვებული. ესენია:. ტურისტული დაფები, ავტორი ალექსანდრე გიორგაძე. გულის ფორმის კონტრუქცია ოსტამმარის სკვერში, ავტორები სალომე სორდია, მელანო დგებუაძე. N2 საჯარო სკოლის მინი-საფეხბურთო სტადიონის რეაბილიტაცია, ავტორი გიული გვარამია. ბურჯი ეროვნებისა, ავტორები ნიკა გვასალია, ხვიჩა სურმავა. ფამფტრეკები, ავტორი ნიკა სიმონიშვილი. მოცეკვავე შადრევანი აღმაშენებლის ხიდზე, ავტორი ცოტნე ხარებავა. ნაბადაში სკვერის მოწყობა, ავტორი ლუკა ცანავა. პროექტი ,,ახალგაზრდების იდეა ფოთს“ მიზნად ისახავს ფოთელი ახალგაზრდების ჩართულობის გაზრდას ადგილობრივი გადაწვეტილების მიღების პროცესში.

იხილე მეტი

სასკოლო ოლიმპიადის ფარგლებში ფოთში, 9 აპრილის ხეივანზე გეზრბენში ტურნირი ჩატარდა. მასში საჯარო და კერძო სკოლებიდან 36 ვაჟმა და 24 გოგონამ მიიღეს მონაწილეობა. ვაჟთა შორის პირველობა მე-4 სკოლამ მოიპოვა, მეორე ადგილი მე-5 სკოლას, მესამე კი მე-2 სკოლას ერგო. გოგონათა შორის პირველობა არავის დაუთმო მე-6 საჯარო სკოლის გუნდმა, მეორე შედეგი მე-8 სკოლამ, მესამე კი პირველმა სკოლამ აჩვენეს.

იხილე მეტი

ფოთში მოქმედი ოპოზიციური პარტიების წარმომადგენლები პარლამენტში განვითარებულ მოვლენებს გამოეხმაურნენ. მათი თქმით 2020 წელს მხოლოდ პროპორციული სისტემით არჩევნების ჩატარება, მმართველ პარტიას არ აწყობს და ამიტომაც მოხდა კანონპროექტის ჩაგდება. ისინი მომხდარზე პასუხისმგებლობას ბიძინა ივანიშვილს აკისრებენ. დღეს პარლამენტმა პირველი მოსმენით განიხილა საარჩევნო საკანონმდებლო ცვლილებები, მიუხედავად იმისა რომ სხდომას 141 დეპუტატი ესწრებოდა, კენჭისყრაში მონაწილეობა 37 მათგანმა არ მიიღო და ხმების საკმარისი რაოდენობა არ მოგროვდა.

იხილე მეტი

შარშან კუნძულის უბნის სანაპიროზე შუქურას მიმდებარედ, მოქალაქეთა საინიატივო ჯგუფის მიერ, ტერიტორია დასუფთავდა და ბავშვებისთვის გასართობი მოედანი მოეწყო. ფოთელების წამოწყებას “აი პი ემ ტერმინალს”-ის მხრიდან გამოხმაურება მოჰყვა და მათი ფინანსური მხარდაჭერით შესაძლებელი გახდა, აღნიშნულ ტერიტორიაზე თანამედროვე სტანდარტების სათამაშო მოედნის დამონტაჟება. მოედანი საზეიმოდ გაიხსნა, ორგანიზატორებმა ბავშვებს ფერადი საჰაერო ბუშტები და ტკბილეული დაურიგეს, ბოლოს კი სადღესაასწაულო ტორტიც დააგემოვნეს. მოქალაქეები სხვა ორგანიზაციებსაც მოუწოდებენ შეუერთდნენ ფოთის ნავსადგურის ინიციატივას და თავიანთი წვლილი შეიტანონ მოზარდებისთვის გართობის და დასვენების უსაფრთხო პირობების შექმნაში

იხილე მეტი