ეკონომიკისა და მდგრადი განვითარების სამინისტროს, ჰიდროგრაფიული სამსახურის სინოპტიკური სამმართველოს ინფორმაციით, ფოთისა და ყულევის სანაპიროზე 1 თებერვლის ჩთვლით უნალექო ამინდი სენარჩუნდება, ჰაერის მაქსიმალური ტემპერატურა +15 მინიმალური ტემპერატურა +8 გრადუსი იქნება. 30 იანვარს ძირითადად ცვალებადი ღრუბლიანობაა მოსალოდნელი, დღე-ღმის განმავლობაში უნალექო ამინდი დაფიქსირდება. აღმოსავლეთის ქარი დაქროლავს 8-13მ/წმ სიჩქარით. ჰაერის ტემპერატურა დღისით: 13 ° 15 °; ღამით კი 8 ° 10 ° იქნება. 31 იანვარს ჩრდილო-აღმოსავლეთის ქარია მოსალოდნელი, რომელიც 8-13 მეტრი წამი სიჩქარით დაქროლავს. ასევე მოსალოდნელია ცვალებადი მოღრუბლულობა უნალექოდ. ჰაერის ტემპერატურა დღისით +11 +13 გრადუსი, ხოლო ღამით +8 +10 გრადუსი დაფიქსირდება. 1 თებერვალს აღმოსავლეთის…

იხილე მეტი

ფოთში, გვიან ღამით, მერიის თანამშრომლებმა ბაზრის შიდა და მიმდებარე ტერიტორიაზე გარემოვაჭრეების დახლები და საჩრდილობლები აიღეს. რასაც მოვაჭრეების უკმაყოფილება მოჰყვა. როგორც ისინი ამბობენ, ადგილობრივ ხელისუფლებას მათთვის დახლების აღების მოთხოვნით არ მიუმართავთ და არც ალტერნატიული ფართი შეუთავაზებიათ. ფოთის მუნიციპალიტეტის არქიტექტურისა და სივრცითი მოწყობის ადმინისტრაციული ზედამხედველობის სამსახურში აცხადებენ, რომ მოვაჭრეები არაერთგზის გააფრთხილეს, თუმცა უშედეგოდ. ახლა კი თავიანთი ძალებით ცდილობენ ტერიტორიის გამონთავისუფლებას. როგორც დავით ჯგერენაია ამბობს, გარემოვაჭრეებს ბაზრის მიმდებარე ტერიტორიაზე ალტერნატიული ფართი მინიმუმ სამი თვით უფასოდ შესთავაზეს, რომელიც კერძო პირების საკუთრებაშია, თუმცა მისივე თქმით, გარემოვაჭრეები ამ წინადადებაზე უარს აცხადებენ.

იხილე მეტი

ფოთში უბედური შემთხვევა მოხდა. მდინარე რიონში, ქალაქის ცენტრალური ხიდიდან 16 წლის ბიჭი გადავარდა. როგორც თვითმხილველები ყვებიან, მოზარდი მოაჯირზე იყო ასული, ფეხი დაუცდა და მდინარეში ჩავარდა. გამვლელები უმალ ჩავიდნენ წყალში, მაგრამ ვერ მიაგნეს. შესაბამისი სამსახურები ამ დრომდე აწარმოებენ სამძებრო სამუშაოებს. “რამდენიმე ბიჭი იყო შეკრებილი ხიდზე, ერთი მათგანი ზემოთ იყო და გადადიოდა მოაჯირით ხიდზე, რა დროსაც ცალი ფეხი დაუცდა და გადავარდა. დანარჩენები ერთმანეთს ეხვეწებოდნენ გაიხადე და გადახტიო, მაგრამ ბოლოს ყველა გაიქცა”, – განაცხადა თვითმხილველმა

იხილე მეტი

ფოთში, ოპოზიციამ ცენტრალური სტადიონის მშენებლობის გაჭიანურება გააპროტესტა. „ნაციოალური მოძრაობის“ წარმომადგენელის განცხადებით, სტადიონის რეაბილიტაციას ბიძინა ივანიშვილის კომპანია ,,ელიტა ბურჯი“ ახორციელებს. მისი თქმით, სწორედ ამ მიზეზით, აღნიშნულ კომპანიას ხელისუფლება მფარველობს და თანხები არამიზნობრივად იხარჯება. ფოთის მერიაში ,,ნაციონალური მოძრაობის” ბრალდებებს არ ეთანხმებიან. როგორც საბიუჯეტო სამსახურის უფროსის მოადგილე, ვასილ თოდუა აცხადებს, „ელიტა ბურჯი“ ამ საკითხის გადაწყვეტას სერიოზულად შეუდგა და სტადიონზე მიმდინარე სამუშაოები დათქმულ ვადაში დასრულდება. ცნობისათვის, სტადიონის მშენებლობა დაახლოებით 7 წლის წინ დაიწყო. აღნიშნულთან დაკავშირებით გამოცხადებული ტენდერი ორჯერ ჩაიაშალა. კონტრაქტორმა ფირმებმა ავანსის სახით თანხა აიღეს , თუმცა ტენდერით დაკისრებული ვალდებულებები ვერ შეასრულეს. ამჯერად, ქალაქის…

იხილე მეტი

თბილისის, ნონა გაფრინდაშვილის სახელობის ჭადრაკის სასახლეში, ალექსანდრე ბოკუჩავას თასის გათამაშება 16 წლამდე ჭაბუკთა და გოგონათა შორის დასრულდა. სადაც ფოთელი მოჭადრაკეები მონაწილეობდნენ. 7 შესაძლებლობიდან 6,5 ქულით პირველი ადგილი დიანა ლომაიამ დაიკავა. მე-3 საპრიზო ადგილი კი ელენე წოწონავას ერგო. როგორც, ფოთის საჭადრაკო სკოლაში აღნიშნეს, დიანა ლომაიამ, ბრწყინვალედ იასპარეზა და ამ გამარჯვებით 16 წლამდე მსოფლიო საჭადრაკო ოლიმპიადაზე, საქართველოს ნაკრები გუნდის შემადგენლობაში ადგილი მოიპოვა.

იხილე მეტი

ახალი საქართველოს უნივერსიტეტში, ახალგაზრდა მეცნიერთა კლუბის სამეცნიერო მორიგი კონფერენცია გაიმართა თემაზე: „შუა საუკუნეების ფილოსოფიის ინტერკულტურული კონტექსტი“. სადაც შუა საუკუნეების ფილოსოფიის მნიშვნელოვანი კონცეფციები და ტრადიციები, ქრისტიანული, ებრაული და ისლამური რელიგიისა და კულტურის კონტექსტში განიხილეს. კონფერენციაზე რამოდენიმე მნიშვნელოვანი ფილოსოფოსის შესახებ იმსჯელეს, განსაკუთრებული ყურადღება ნეტარი ავგუსტინეს აზროვნებას დაეთმო. კონფერენციაზე უნივერსიტეტის ქრისტიანული ფილოსოფიის სამაგისტრო პროგრამის სტუდენტები, ასევე დეკანოზი ილია ლომაია და მღვდელი დავით ლომთძე მოხსენებით გამოვიდნენ, რომელიც დისკუსიის თანხლებით წარიმართა.

იხილე მეტი

26-27 იანვარს ფოთის საჭადრაკო კლუბში ჩატარდა საკვალიფიკაციო ტურნირები მე-4 და მე-5 მოზარდთა კატეგორიებზე. ტურნირში მონაწილეობდა სამეგრელოსა და გურიის რეგიონის სხვადასხვა მუნიციპალიტეტის 60-მდე მოჭადრაკე. ტურნირი გაიმართა შვეიცარიული სისტემით 7 ტურად. საპრიზო ადგილებზე გასულ მოჭადრაკეებს გადაეცათ მედლები და დიპლომები. პირველ ადგილზე გასულ მოჭადრაკეები დამატებით დაჯილდოვდნენ თასებით. საბოლოო შედეგები: IV კატეგორიაზე: I – ლუკა მახარაძე, II – იოსებ შამათავა, III – თამარ ასათიანი. V კატეგორიაზე: I – ნიკა კემულარია, II – ნიკოლოზ ბარამიძე, III – ავთანდილ სალაყაია. 17 მოჭადრაკემ შეასრულა V მოზარდთა კატეგორიის 1 ბალი, ხოლო 3 მოჭადრაკემ კი IV მოზარდთა კატეგორიის 1…

იხილე მეტი

ფოთის საკრებულოს წევრებმა ნაბადის უბანში მიმდინარე ინფრასტრუქტურული სამუშაოები მოინახულეს. ისინი ადგილზე გაეცნენ სტიქიის შედეგად დაზიანებული საცხოვრებელი სახლების სახურავების რეაბილიტაციის პროცესს. შეგახსენებთ, რომ ორი თვის წინ, ძლიერი ქარის შედეგად ქალაქში საცხოვრებელი სახლები და ობიექტები დაზიანდა. ადგილობრივი ხელისუფლების წარმომადგენლების თქმით, 17 საცხოვრებელი სახლი, ახალი სახურავით დაიფარება, ხოლო ხუთ შენობაზე არსებული საფარი ნაწილობრივ შეიცვლება. საკრებულოს წევრებმა ნაბადის უბანში მდებარე მე-11 სკოლამდელი სააღმზრდელო დაწესებულებაც მოინახულეს, სადაც გადახურვის სამუშაოები თანამედროვე ევროპული ხარისხის მასალებით მიმდინარეობს.ბაღის დირექტორის თქმით, სახურავის პრობლემა მათ წლებია აწუხებდათ და სტიქიამ შენობის საფარი უფრო მეტად დააზიანა. მრავალსართულიანი საცხოვრებელი სახლებისა და ობიექტების სახურავების რეაბილიტაციას…

იხილე მეტი

ეკონომიკისა და მდგრადი განვითარების სამინისტროს ჰიდროგრაფიული სამსახურის სინოპტიკური სამმართველოს ინფორმაციით, ფოთისა და ყულევის სანაპიროზე, 25 იანვარს მოღრულული ამნიდია მოსალოდნელი. იქროლებს ცვალებადი მიმართულების ქარი 5-10 მ/წმ სიჩქარით. ჰაერის ტემპერატურა დღისით +12 +14, ღამით +8 +10 გრადუსი დაფიქსირდება. 26 იანვარს სინოპტიკოსების ვარაუდით უნალექო ამინდი იქნება. დაუბერავს აღმოსავლეთის ქარი 6-11 მ/წმ სიჩქარით. ჰაერის ტემპერატურა დღისით +13 +15, ღამით +8+10 გრადუსია მოსალოდნელი. 27 იანვარს დღისით უმეტესად უნალექო ამინდს ელოდეიან, ღამით კი დროგამოშვებით იწვიმებს. აღმოსავლეთის ქარი 9-14 მ/წმ სიჩქარით დაუბერავს. ჰაერის ტემპერატურა დღისით +12 +14, ღამის საათებში +7 +9 გრადუსი დაფიქსირდება.

იხილე მეტი

ფოთში „ფაზისის“ საერო სამეცნიერო აკადემიის მორიგი შეხვედრა გაიმართა.აკადემიის წევრები ამჯერად განსხვავებულ სივრცეში, ფოთის არქივის ახალ შენობაში შეიკრიბნენ და იქ არსებულ მდგომარეობას გაეცნენ. “ფაზისის” აკადემია 40 წელზე მეტია რაც ფუნქციონირებს. აკადემიის წარმომადგენლები სხდომას ყოველი თვის ბოლო რიცხვებში მართავენ.

იხილე მეტი