კოვიდ-19ის პანდემიის გამოცხადებიდან 1წელი გავიდა. ჯანმომ კორონავირუსი პანდემიად 2020 წლის 11 მარტს გამოაცხადა. worldometers-ის ბოლო მონაცემებით, მსოფლიოში COVID-19-ის 118 მილიონზე მეტი შემთხვევაა დადასტურებული, მათგან 2.6 მილიონზე მეტი პაციენტი გარდაიცვალა, ხოლო 94 მილიონზე მეტი გამოჯანმრთელდა.პირბადის ტარების მაჩვენებელი საგანგაშოდ დაეცა, რაც კატეგორიულად დაუშვებელია, – ამის შესახებ ირაკლი ღარიბაშვილმა განაცხადა. პრემიერ-მინისტრმა მოსახლეობას მოუწოდა, კორონავირუსის მესამე ტალღისა და შეზღუდვების გამკაცრების თავიდან ასაცილებლად რეკომენდაციები შეასრულოს.„მოგეხსენებათ, რომ მთელი რიგი შეზღუდვები მოვხსენით. ბოლო დღეებში ვაკვირდებით დინამიკას და შემთხვევების გარკვეული მატება შეინიშნება. ასევე შეინიშნება საზოგადოების მხრიდან ყურადღების მოდუნება და რეკომენდაციების უგულვებელყოფა. ბოლო დღეებში ცნობილი გახდა, რომ პირბადის ტარების…

იხილე მეტი

ფოთის კოლხეთმა მორიგ ამხანაგურ მატჩს უმასპინძლა, ერთმანეთს “ფოთის კოლხეთი-1913”-ი, და “ხობის კოლხეთი” დაუპირისპირდნენ,თამაში საკმაოდ დაძაბულ ფონზე მომდინარეობდა და ანგარიშით 3-2 ფოთის კოლხეთის სასარგებლოდ დასრულდა.როგორც ფოთის კოლხეთის მთავარმა მწვრთნელმა, გიორგი კრასოვსკიმ განაცხადა, ის თამაშით კმაყოფილია და მომავალშიც წარმატებულ შეხვედრებს ელოდება.შეგახსენებთ ,რომ ფოთის კოლხეთი მორიგ მატჩებს 15 მარტს ურეკში ,ხოლო 23-მარტს თბილისში გამართავს.

იხილე მეტი

გაეროს ბავშთა ფონდის კვლევის მიხედვით, საქართველოში გამოკვლეული 2 დან 7 წლამდე, ბავშვების 41%-ს სისხლში ტყვიის შემცველობა 5 მიკროგრამ დეცილიტრზე მეტი დაუფიქსირდათ.როგორც ფონდის ანგარიშშია ნათქვამი ბავშვების სისხლში ტყვიის მაღალი შემცველობის გამომწვევი მიზეზი: დაბიძურებული ჰაერი,და სათამაშოებში არსებული მავნე ქიმიური ნივთიერებებია. აღსანიშნავია რომ სისხლში ტყვიის შემცველობა იწვევს ისეთ დაავადებებს, როგორიცაა ანემია, ჰიპერტენზია, თირკმლის დაზიანება და სხვა.ჩვენი გადამღები ჯგუფი ბავშთა პედიატრს მარინა კაზანჯს გაესაუბრა რომელმაც დეტალურად ისაუბრა იმ შედეგებზე რასაც სისხლში ტყვიის შემცველობა იწვევსაღსანიშნავია რომ კვლევაში ბავშვების ჩართვა შემთხვევითი შერჩევის პრინციპით განხორციელდა და სინჯები იტალიის ჯანმრთელობის ეროვნულ ინსტიტუტში გაიგზავნა.

იხილე მეტი

ფოთში ახალი გზის მშენებლობა დაიწყო.ბარათაშვილის ქუჩისა და მალთაყვის სანაპირო ზოლის დამაკავშირებელ ახალ გზას მალე ფაზისის ქუჩა დაუკავშირდება.ფაზისის ქუჩაზე საავტომობილო გზისა და ტროტუარების კეთილმოწყობის სამუშაოებთან ერთად, ახალი მონაკვეთის მშენებლობა მიმდინარეობს.ჩვენ აღნიშნულ საკითხთან დაკავშირებით ფოთის მუნიციპალიტეტის ინფრასტრუქტული პროექტების მართვისა და ტრანსპორტის სამსახურის უფროსს ლევან სონგულიას დავუკავშირდით.ლევან სონგულიას განცხადებით პროექტის ფარგლებში სხვადასხვა ქუჩების 10 მონაკვეთის რეაბილიტაცია იგეგმება.პროექტს შპს „ჯორჯიან ბილდი“ აწარმოებს და ის 2021 წლის მაისში დასრულდება

იხილე მეტი

სააგენტო “აწარმოე საქართველოს” ხელშეწყობით, იაპონიაში ქართული კივის ექსპორტი განხორციელდა,სააგენტოს ინფორმაციით დაგეგმილია იაპონიიდან დელეგაციის ვიზიტი, რათა ქართული კივის ექსპორტი კიდევ უფრო გაიზარდოს,აღნიშნულ პროცესში სააგენტო “აწარმოე საქართველოსთან” ერთად იქნება იაპონიაში საქართველოს საელჩო იქნება ჩართული .ჩვენი გადამღები ჯგუფი სააგენტო “აწარმოე საქართველოს” წარმომადგენელს ნიკა მამუკელაშვილს დაუკავშირდა,როგორც მან განაცხადა ქართული კივი, იაპონიიის საკმაოდ მსხვილ ქსელებშია წარმოდგენილი.აღსანიშნავია რომ საქართველოდან კივის ექსპორტი 2020 წელს მხოლოდ სომხეთში, რუსეთსა, და იაპონიაში, განხორციელდა. რაც შეეხება იმპორტს, საქართველომ ყველაზე დიდი ოდენობით კივი 2020 წლის განმავლობაში ირანისგან, და თურქეთისგან, შეიძინა.

იხილე მეტი

სტუდია ვაშინგტონი”ამერიკის ხმისა” და საქართველოს რეგიონულ მაუწყებელთა ალიანსის ერთობლივი პროექტი

იხილე მეტი

საქართველოს განათლების, მეცნიერების, კულტურისა და სპორტის სამინისტრომ პირველკლასელთა რეგისტრაციისთვის ვადები განსაზღვრა რეგისტრაციის ვადებისა და ეტაპების შესახებ, საქართველოს განათლების, მეცნიერების, კულტურისა და სპორტის მინისტრის პირველმა მოადგილემ ეკატერინე დგებუაძემ სამინისტროში გამართულ ბრიფინგზე ისაუბრა. რეგისტრაციის პირველ ეტაპზე, 2021 წლის 15 მარტიდან 2021 წლის 26 მარტის ჩათვლით სკოლებში  სპეციალური საგანმანათლებლო საჭიროების მქონე  ბავშვები დარეგისტრირდებიან. აღნიშნულ საკითხთან  დაკავშირებით ჩვენ ფოთის საგანმანათლებლო რესურს- ცენტრის უფროსს გოჩა ქორქიას ვესაუბრეთ. შეგახსენებთ რომ 2021-2022 სასწავლო წლისთვის სკოლებში დარეგისტრირებას შეძლებენ ბავშვები, რომლებსაც 6 წელი 15 სექტემბრის ჩათვლით უსრულდება.

იხილე მეტი

საქართველოს გარემოსდაცვითი ზედამხედველობის დეპარტამენტის ინფორმაციით , 2021 წლის 1 თებერვლიდან, 28 თებერვლის ჩათვლით, ხე-ტყის უკანონო მოპოვების და მათი ტრანსპორტირების 273 ფაქტი გამოვლინდა , მათ შორის 11 ფაქტი სისხლის სამართლის დანაშაულს გულისხმობდა.რაც შეეხება სამეგრელო ზემო სვანეთის რეგიონს აქ ხე-ტყის უკანონოდ მოპოვების 42-ი ფაქტი გამოვლინდა.ჩვენი გადამღები ჯგუფი გარემოსდაცვითი ზედამხედველობის დეპარტამენტის სამეგრელო ზემო- სვანეთის რეგიონული სამმართველო ინსპექტორს არჩილ ქორიძეს დაუკავშირდა, რომელმაც ხე-ტყის უკანონო მოპოვების კონკრეტულ სტატისტიკაზე ისაუბრა.შეგახსენებთ,რომ საქართველოს გარემოს დაცვისა, და სოფლის მეურნეობის სამინისტროს, გარემოსდაცვითი ზედამხედველობის დეპარტამენტი, მოუწოდებს საქართველოს მოქალაქეებს, ხე ტყის უკანონო გზით მოპოვება ტრანსპორტირება არ განახორციელონ.

იხილე მეტი