ქალაქი ფოთი საგანმანათლებლო და კულტურულ პროექტს „ცეკვის ერთი დღე საქართველოში“ მასპინძლობს. ფონდი „ბილივი“-ს და თანამედროვე ცეკვის მკვლევარის, ხათუნა მზარელუას ერთობლივი პროექტის ფარგლებში ღონისძიება ფოთიდან დაიწყო და საქართველოს მასშტაბით სხვადასხვა კუთხეში იმოგზაურებს. ცეკვის დღისადმი მიძღვნილი ღონისძიება გაფორმების ეკონომიკური ზონის ტერიტორიაზე ფლეშ-მობებით გაიხსნა, სადაც ილიკო სუხიშვილის სახელობის ქორეოგრაფიული სტუდია „ფაზისის“ მოცეკვავეებმა, ხორუმი, კავკასიური, ლაზური და ქისტური ცეკვის ნაერთი წარადგინეს მაყურებელთა წინაშე. ფლეშმობის შემდეგ, ღონისძიებამ ფოთის პორტის სარკეებიან დარბაზში გადაინაცვლა, სადაც ბალეტმაისტერმა ირინა კუპრავამ ცეკვის გაკვეთილი მოყვარული მოცეკვავეებისთვის ჩაატარა. მოგვიანებით ფრანგი ქორეოგრაფის, რაშიდ ურამდანის თანამედროვე ცეკვის სპექტაკლის ვიდეო ჩვენება, სახელწოდებით „ღამის გადალახვა“ გაიმართა.…

იხილე მეტი

ძალისმიერი სამჭიდის კლუბი “ფაზისი-2011”-ის სამი ძალოსანი მსოფლიო ჩემპიონატისთვის აქტიურად ემზადება. ჩემპიონატზე მრავალი ტიტულის მქონე ძალოსნები, ლევან გორგოძე 125 კგ. წონით კატეგორიაში, დავით გულუა 90 კილოგრამ წონით კატეგორიაში და აკაკი ჯგუბურია 82კგ. წონით კატეგორიაში იასპარეზებენ . მსოფლიო ჩემპიონატი 16 აპრილიდან 19 აპრილის ჩათვლით უკრაინის ქალაქ ლუცკში გაიმართება, სადაც 24 ქვეყნის 500 სპორტსმენი გამარჯვებისთვის იბრძოლებს.

იხილე მეტი

ფოთის აგრარული ბაზრის ტერიტორიაზე დღეს მაღაზიათა ქსელის „უნივერსამის“ რიგით მეცამეტე ფილიალი საზეიმო ვითარებაში გაიხსნა. მაღაზია „უნივერსამი“ საქართველოში 2010 წელს დაარსდა და დღემდე თბილისის მასშტაბით 12 ფილიალი არსებობს. თბილისის გარეთ კი, პირველი მაღაზია ფოთში გაიხსნა. როგორც მაღაზიის მენეჯერმა განაცხადა, ფოთის ფილიალში 7 000 დასახელების პროდუქცია არის განთავსებული. დასაქმებულია 60-მდე თანამშრომელი, რომელთა უმრავლესობა ადგილობრივი კადრია. მისივე თქმით, მომავალი წლიდან ფოთელი მომხმარებლისთვის კიდევ ახალი ფილიალის გახსნა იგეგმება.

იხილე მეტი

იორდანიის სამეფოდან ფოთის თეატრის დასი გამარჯვებული დაბრუნდა. ქალაქ ამანში, გამართულ საერთშორისო თეატრალურ ფესტივალზე, ფოთის ვალერიან გუნიას სახელობის პროფესიული თეატრის დასი, მაყურებლის წინაშე პირველად წარსდგა. მსახიობებმა ამანის სცენაზე თოჯინური სპექტაკლი „ფიროსმანი“ დადგეს. როგორც თეატრის დირექტორმა, თენგიზ ხუხიამ განაცხადა, ფოთის პროფესიული თეატრის დებიუტანტმა მსახიობებმა წარმატებით ითამაშეს და მაყურებლის მოწონება დაიმსახურეს. სპექტაკლმა კი საერთაშორისო ფესტივალის პრიზი საუკეთესო სცენოგრაფიაში მოიპოვა. თოჯინური სპექტაკლის „ფიროსმანი“-ს დამდგმელი რეჟისორია ელენე მაცხონაშვილი, ხოლო სცენოგრაფი, გურამ მაცხონაშვილი. თოჯინების მხატვარია ვახო ქორიძე. მსახიობები: ანი ანდღულაძე, ალიკა ცეკვაშვილი, ირაკლი კვერღელიძე და ნიკა კვარაცხელია. საფესტივალო ჩვენებას საქართველოს ელჩი იორდანიაში სხვა საპატიო სტუმრებთან ერთად…

იხილე მეტი

პროექტი „ცეკვის ერთი დღე საქართველოში“ წელს პირველად ტარდება და სტარტს ფოთიდან იღებს. ფონდი „ბილივი“ და თანამედროვე ცეკვის მკვლევარი, ხათუნა მზარელუა პროექტს ერთობლივად ახორციელებენ. 11 მაისს ცეკვის დღისადმი მიძღვნილი ღონისძიება ფლეშმობით გაიხსნება, რომელიც გაფორმების ეკონომიკური ზონის ტერიტორიაზე ჩატარდება. დღის ბოლოს, ფოთის პორტის სარკეებიან დარბაზში, ფრანგი ქორეოგრაფის, რაშიდ ურამდანის ნამუშევრის „ღამის გადალახვა“-ს ჩვენება გაიმართება. ხათუნა მზარელუას, თქმით, ფრანგმა ქორეოგრაფმა, სპეციალურად პროექტისთვის თვისი ერთ-ერთი ბოლო ნამუშევარი გამოგზავნა. პროექტის მიზანია, პატივი მიაგონ ცეკვის ყველა ფორმას.

იხილე მეტი

ფოთში საგაზაფხულო სამუშაოები მიმდინარეობს. სამეგრელოს მოედანზე და რუსთაველის რკალზე, დეკორატიული, მარადმწვანე ბუჩქები დაირგო. რამდენიმე დღეში, აღმაშენებლის ქუჩაზე ფერადი ყვავილები დაირგვება. აღნიშნულთან დაკავშირებით ბიუჯეტიდან დაახლოებით 23 ათასი ლარი დაიხარჯვაა გათვალისწინებული.

იხილე მეტი

ფოთში სახლხო დამცველის აპარტის რეგიონული წარმომადგენელი, გენდერულ საკითხებში იმყოფებოდა. შეხვედრა არასამთავრობო ორგანიზაცია “დიოსკურიას” ოფისში შედგა, რომელსაც სხვადასხვა სექტორის წარმომადგენელი ესწრებოდნენ. დისკუსია ძირითადად ოჯახში ქალთა და ბავშვთა მიმართ ძალადობის საკითხებზე გაიმართა.

იხილე მეტი

ფოთის N5 საჯარო სკოლაში, ინტელექტუალური თამაში, რა, სად, როდის ჩატარდა. თამაშში თერთმეტი საჯარო და კერძო სკოლის მე-10, მე-11 და მე-12 კლასის მოსწავლეები მონაწილეობდნენ. დღის ბოლოს ჟიურიმ გამარჯვებული გუნდი გამოავლინა. „ინტელექტუალური თამაშების ფესტივალი 2019“ სამი დღის მანძილზე გაგრძელდება. დღეს კი, „ერუდიტ სექსტეტის“ თამაში გაიმართა. ფესტივალი 10 მაისს „ბრეინ რინგის“ თამაშით დასრულდება და გამარჯვებულების დაჯილდოვების ცერემონია გაიმართება. ჟიურის წევრები, ერთ ფავორიტ ინტელექტუალ მოთმაშეს გამოავლენს. „ინტელექტუალური თამაშების ფესტივალი 2019“ ქ. ფოთის მუნიციპალიტეტის ორგანიზებით და ინტელექტუალური კლუბის მხარდაჭერით მიმდინარეობს.

იხილე მეტი

ფოთში, ფაშიზმზე გამარჯვების 74-ე წელი აღნიშნეს. საკათედრო ტაძარში მეორე მსოფლიო ომში დაღუპულთა სულის მოსახსენებელი პანაშვიდი აღევლინა, რომელსაც ფოთის საზოგადოების ნაწილი დაესწრო. ადგილობრივი ხელისუფლებს წარმომადგენლებმა, ვეტერანთა კავშირის წევრებთან ერთად დიდების მემორიალი, სადაც ომში დაკარგული ჯარისკაცების სახელებია ამოტვიფრული, გვირგვინით შეამკეს და მათ ხსოვნას პატივი მიაგეს. მოგვიანებით, კი ომის მონაწილეების, ალექსანდრე ვაშალომიძეს და გრიგოლ დარჯანიას საფლავებზე ყვავილები მიიტანეს. მ​ეორე მსოფლიო ომში, ფრონტის ხაზზე 11 ათასი ფოთელი იბრძოდა. 2 ათასამდე ჯარისკაცი კი შინ არ დაბრუნებულა.

იხილე მეტი

საჭადრაკო კლუბი “ნანა”-ს მოჭადრაკეები, თურქეთის საერთაშორისო ტურნირიდან, რომელიც ორდუს პროვინციაში ჩატარდა, საკუთარ ქალაქში გამარჯვებულები დაბრუნდნენ. ფოთელმა მოჭადრაკეებმა, ტურნირში, სადაც 9 ქვეყნის 540 მოჭადრაკე მონაწილეობდა წარმატებით იასპარეზეს.შეჯიბრი, ცხრა ტურად ჩატარდა. შეჯიბრება ქალაქ ორდუში ხუთი დღის მანძილზე მიმდინარეობდა.

იხილე მეტი