დიანა ლომაიამ მსოფლიო საჭადრაკო ოლიმპიადის შესარჩევ ტურნირში ბრწყინვალე შედეგი აჩვენა,რომელიც 9-10 ივლისს ონლაინ პლატფორმა chess.com-ზე 20 წლამდე გოგონათა შორის გაიმართა. ტურნირი წრიული სისტემით ჩატარდა მასში 20 წლამდე ასაკის საქართველოს საუკეთესო 8 გოგონა მონაწილეობდა. 15 წლის დიანამ 7 შესაძლებლობიდან 6 ქულით პირველი ადგილი დაიკავა. მან ამ გამარჯვებით მსოფლიო საჭადრაკო ოლიმპიადაზე 20 წლამდელთა დაფაზე ასპარეზობის უფლება მოიპოვა. 20-30 ივლისს, თბილისის ნონა გაფრინდაშვილის სახელობის ჭადრაკის სასახლეში საქართველოს ქალთა 77-ე ჩემპიონატის უმაღლესი ლიგა ჩატარდება. ჩემპიონატში მონაწილეობას საქართველოს 10 უძლიერესი ქალი: 8 საერთაშორისო დიდოსტატი, 1 საერთაშორისო ოსტატი და 1 ფიდეს ოსტატი მიიღებს. მონაწილეთა შორისაა საჭადრაკო…

ჰიდროგრაფიული სამსახურის სინოპტიკური სამმართველოს ინფორმაციით. 15ივლისს მოსალოდნელია ძირითადად უნალექო ამინდი. დაჰქროლავს ცვალებადი მიმართულების ქარი. ჰაერის ტემპერატურა დღისით: +25 ° +27°; ღამით: +21° +23° იქნება. 16ივლისს მოსალოდნელია ძირითადად მოწმენდილი ცა ასევე უნალექოდ. ჰაერის ტემპერატურა დღისით: +25° +27° ; ღამით: +22° +24°

ჰოსპიტლის დირექტორის, თეა მიგინეიშვილის განცხადებით, ფოთის ჰოსპიტალში საეჭვო სიმპტომებით მოთავსებულ 41 წლის ქალს კორონა ვირუსი არ აღმოაჩნდა. მას ცხელება და სხვა რესპირატორული სიმპტომები აღენიშნებოდა. პაციენტი ბოქსირებულ პალატაში იმყოფებოდა. ჩაუტარდა ყველა საჭირო სამედიცინო დახმარება. მისი ბიოლოგიური მასალა გაგზავნილი იყო ზუგდიდის ინფექციური საავადმყოფოს ლაბორატორიაში „პისიარ“ კვლევისათვის. ფოთის საზოგადოებრივი ჯანდაცვის ცენტრის დირექტორის, ნანა მხეიძის ინფორმაციით, ფოთიდან ლაბორატორიაში „პისიარ“ კვლევისთვის გარდა ჯანდაცვის სფეროს წარმომადგენლებისა, დამატებით კიდევ ოთხი ბიოლოგიური მასალა გაიგზავნა. ტესტირება ორ მძღოლსა და თვითიზოლაციაში მყოფ ორ პირს ჩაუტარდა. კვლევების პასუხები დღეს გახდება ცნობილი. აღნიშნული კვლევა გეგმურია და პრევენციული მიზნით ხორციელდება.

“სტუდია ვაშინგტონი”ამერიკის ხმისა და “საქართველოს რეგიონულ მაუწყებელთა ასოციაციის” ერთობლივი პროექტი

“სტუდია ვაშინგტონი”ამერიკის ხმისა და “საქართველოს რეგიონულ მაუწყებელთა ასოციაციის” ერთობლივი პროექტი

“კურსორის” სპეციალური გამოშვების სტუმარია მერის პირველი მოადგილე კონსტანტინე თოფურია, რომელიც წყალდიდობის გამო ქალაქში შექმნილ პრობლემებზე გვესაუბრება.

სამაუწყებლო კომპანია ,,მეცხრე ტალღა“ს ბარამიძის ქუჩის მცხოვრებლები დაგვიკავშირდნენ, მათი თქმით დღეს ონკანიდან ბინძური წყალი წამოვიდა. ამის შესახებ ვიდეო სოციალურ ქსელშიც გავრცელდა. სამეგრელოს-ზემო სვანეთის რეგიონის წყალმომარაგების ფილიალის უფროსმა დათა შელეგიამ განაცხადა რომ საავარიო ჯგუფი ადგილზე მალევე გავიდა და დაზიანების შეკეთება გამოძახებიდან 18 წუთში დაიწყო. მისი თქმით კონტრაქტორი ორგანიზაციის მიერ არხების გაწმენდისას წყალმომარაგების ქსელის 110 მილიმეტრიანი მილის დაზიანება მოხდა, რამაც წყლის დაბინძურება გამოიწვია.

პირველად დამოუკიდებელი საქართველოს ისტორიაში, ფოთის ჭიდაობა სამბოს სკოლას დამსახურებული მწვრთნელი ჰყავს. საქართველოს განათლების, მეცნიერების, კულტურისა და სპორტის სამინისტროს გადაწყვეტილებით ეს ტიტული ფოთელმა კონსტანტინე ხუბუტიამ მიიღო. გადაწყვეტილება 17 მარტს იყო მიღებული და მწვრთნელების დაჯილდოება საზეიმო ვითარებაში უნდა გამართულიყო, მაგრამ კოვიდ 19-ის პანდემიის გამო ღონისძიება ჩაიშალა და მინისტრის ბრძანება რამდენიმე დღის წინ ფოთში გადმოიგზავნა. კონსტანტინე ხუბუტიას მრავალი მსოფლიოს, ევროპის, საქართველოს ჩემპიონები და პრიზიორები, ასევე სხვადასხვა საერთაშორისო ტურნირების გამარჯვებულები ჰყავს აღზრდილი დამსახურებული მწვრთნელის წოდებაზე კონსტანტინე ხუბუტია საქართველოს სამბოს ფედერაციამ წარადგინა.