“სტუდია ვაშინგტონი” 12 02 20
„სტუდია ვაშინგტონი“ – „ამერიკის ხმისა” და რეგიონულ მაუწყებელთა ალიანსის ერთობლივი პროექტი.
იხილე მეტი
ფოთის სამშობიარო სახლში ქალთა კონსულტაცია უახლოეს დღეებში ამოქმედდება 12 02 20
ფოთის 100 წლიანი ისტორიისა და ტრადიციის მქონე სამშობიარო სახლი, სადაც არაერთი სახელოვანი ექიმი მოღვაწეობდა და არაერთი საამაყო ფოთელი დაბადებულა, დღეს არ ფუნქციონირებს. ქალაქის ერთადერთი სამშობიარო სახლი 2002 წელს საპრივატიზაციო ნუსხაში მოხვდა, კოლექტივმა იძულებით შეიძინა და პროფილი შეინარჩუნა. სამედიცინო სფეროს სწრაფად განვითარდებამ და შესაბამისად მოთხოვნების გამკაცრებამ, რაც დიდ ხარჯებთან იყო დაკავშირებული და სამშობიაროს კოლექტივის ძალებს აღემატებოდა, სამეანო განყოფილებას საქმიანობის უფლების შეჩერება გამოიწვია . ერთობლივი ძალისხმევით მოხერხდა ინვესტორთან- ქუთაისის სამშობიარო სახლ „ბომონდთან“ მოლაპარაკების წარმატებით დასრულება და ფოთს მალე ახალი ტექნოლოგიებით აღჭურვილი სამშობიარო სახლი ექნება, სადაც თანამედროვე სტანდარტების ლაბორატორიაც მოეწყობა. ფოთის სამშობიარო სახლში…
იხილე მეტი
ფოთში საახალწლო განათებების დემონტაჟი დაიწყო 12 02 20
გასული წლის ბოლოს ფოთის საახალწლოდ მოსართავად ქალაქის მუნიციპალიტეტის მერიამ 220 320 ლარის ღირებულების ტენდერი გამოაცხადა და ქალაქის ცენტრალური ქუჩები და სკვერები სადღესასწაულო განათებებითა და ილუმინაციებით მოირთო . ამჟამად საახალწლო განათებების დემონტაჟი მიმდინარეობს. რამ გამოიწვია ამ სამუსაოების დაგვიანებით წარმოება ამის გარკვევას ჩვენი გადამღები ჯგუფი შეეცადა. აღსანიშნავია რომ საქართველოს 5 თვითმმართველ ქალაქს შორის ფოთის მერიამ საახალწლო ღონისძიებებზე ყველაზე ცოტა თანხა დახარჯა.
იხილე მეტი
ფოთში 10 დღეზე მეტია 32 წლის ირაკლი ჯაბუას ეძებენ 11 02 20
ფოთში 10- დღეზე მეტია 32 წლის ირაკლი ჯაბუას ეძებენ. ოჯახის წევრების ინფორმაციით ახალგაზრდა მამაკაცი გადამზიდავი ავტომობილის მძღოლად მუშაობდა და ის 31 იანვარს მორიგი რეისის შესასრულებლად სახლიდან გავიდა, თუმცა მისი კუთვნილი ავტომობილი ქალაქის გასასვლელში მდინარე რიონზე არსებულ ხიდთან, მიტოვებული იპოვეს. საგანგებო სიტუაციების მართვის სამსახურში აცხადებენ, რომ სამძებრო სამუშაოები მდინარე რიონის მიმდებარე ტერიტორიაზე მიმდინარეობს. ადგილზე მობილიზებულია სამეგრელო-ზემოსვანეთის და თბილისის სწრაფი რეაგირების მთავარი სამმართველოს მმაშველთა ჯგუფები. შშს-ში აცხადებენ რომ საქმე აღძრულია სსკ-115 მუხლით, რაც თვითმკვლელობამდე მიყვანას გულისხმობს.
იხილე მეტი
მარტვილის მუნიციპალიტეტში ხეტყის უკანონო მოპოვების ფაქტი გამოავლინეს 11 02 20
გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, მარტვილის მუნიციპალიტეტში ხე-ტყის უკანონო მოპოვების ფაქტი გამოავლინეს. მათ მოქალაქის საცხოვრებელი სახლის მიმდებარტე ტერიტორიიდან, უკანონოდ მოპოვებული 35 ერთეული წიფლის სახეობის მორი ამოიღეს. ვინაიდან, ფაქტი შეიცავს სისხლის სამართლის დანაშაულის ნიშნებს, მასალები შემდგომი რეაგირებისთვის, გადაგზავნილია შესაბამის სამსახურებში.
იხილე მეტი
ფოთში გარემოვაჭრე დახმარებას ითხოვს 11 02 20
მზია გოგოლი თავს გარევაჭრობით ირჩენს. ის ცოცხალ ფრინველს ყიდის. მისივე თქმით, დღეს დილით 20 ქათამი მიუსაფარი ძაღლების მიერ დაგლეჯილი დახვდა. ის სავაჭროდ ფართის გამოყოფას ითხოვს. ფოთის მერიაში აცხადებენ, რომ მოქალაქეს ფართის გამოყოფის მოთხოვნით მათთვის არ მოუმართავს. მიმართვის შემთხვევაში მას შესაბამის ფართს შესთავაზებენ. რაც შეეხება ძაღლების პრობლემას, ამასთან დაკავშირებით ტენდერი უკვე გამოხადებულია და უახლოეს მომავალში გამარჯვებული ფირმა იზრუნებს პრობლემის მოგვარებაზე.
იხილე მეტისტუდია ვაშინგტონი 11 02 20
კორონავირუსის გავრცელების გამო ბრიტანეთში მთავრობამ ვირუსი ჯანდაცვის „სერიოზულ და გარდაუვალ“ საფრთხედ გამოაცხადა. ეს სტატუსი მთავრობას ინფიცირებულთა იზოლაციისთვის და ვირუსის კონტროლისთვის მეტ ბერკეტს მისცემს. დღევანდელი მონაცემებით, ბრიტანეთში 8 ადამიანია ინფიცირებული. ჩინეთში კი კორონავირუსით დაღუპულთა რაოდენობა უკვე 900-ს აჭარბებს. პეკინმა კვირას განაცხადა, რომ მათ სიას ერთ დღეში 97 ადამიანი დაემატა. ინფიცირებულთა რაოდენობაც კვირა დღეს 3 062-ით გაიზარდა. ამ ფაქტმა ბოლო დღეებში ვირუსის გავრცელების შენელების ტენდენცია დრამატულად საპირისპირო მიმართულებით შეცვალა. ჩინეთის ჯანდაცვის ეროვნული კომისიის ცნობით, ინფიცირების 40 000-ზე მეტი შემთხვევაა დაფიქსირებული. იაპონიის პორტში ისევ იზოლირებულია საკრუიზო ლაინერი, რომელზეც ვირუსი ძალიან სწრაფად ვრცელდება. დადასტურდა,…
იხილე მეტი
ფოთში უამინდობას პრობლემები არ გამოუწვევია 10 02 20
უამინდობამ საავტომობილო გზებზე მთელი საქართველოს მასშტაბით პრობლემები გამოიწვია, მაღალმთიან რეგიონებში გზის რამდენიმე მონაკვეთი ჩაიკეტა კიდეც. თუ რამდენად მომზადებული შეხვდნენ უამინდობას ფოთში შესაბამისი სამსახურები, ამის გარკვევას დღეს ჩვენი გადამღები ჯგუფი შეეცადა. ფოთის სერვისების ცენტრში აცხადებენ, რომ ამინდის პროგნოზის შესაბამისად მობილიზებულნი არიან. გამოყოფილია სპეციალური ჯგუფები, რომელებიც საჭიროების შემთხვევაში ქუჩების და ტროტუარების კრიტიკული მონაკვეთების გაწმენდით სამუშაოებს ახორციელებენ. 24 საათიან მორიგეობაზე არიან გადასულები ფირმა ,,გზამშენებელი 13“-ის თანამშრომლები. აღნიშნული ორგანიზაცია ავტომაგისტრალის 130 კმ-იანი მონაკვეთის მოვლა-პატრონობას ახორციელებს. საქართველოში 11 თებერვლიდან გამოიდარებს.
იხილე მეტი
ფოთში სამეგრელოს ასაკობრივი ჩემპიონატი ჭადრაკში გაიმართა 10 02 20
6-დან 9 თებერვლამდე ფოთის საჭადრაკო კლუბში რეგიონის ჩემპიონატი 8, 12 და 16 წლის ჭაბუკთა და გოგონათა შორის გაიმართა. ტურნირი შვეიცარული სისტემით 7 ტურად გაიმართა. საუკეთესო შედეგი 8 წლამდე გოგონებში ზუგდიდელმა ანასტასია ბეჭვაიამ აჩვენა, მეორე ადგილზე ფოთელი ანი გობრონიძე გავიდა, ხოლო მესამე ზუგდიდელი თამარ გეგია იყო. 8 წლამდე ჭაბუკებს შორის პირველობა არავის დაუთმო ზუგდიდელმა ანდრია თოდუამ, მეორე ასევე ზუგდიდელი საბა ჭითანავა იყო, ფოთელი ანდრეა კაკულია კი მესამე ადგილს დასჯერდა. 12 წლამდე გოგონებებში : პირველი ადგილი ფოთელმა – ანა სანიკიძემ მოიპოვა, მეორე ასევე ფოთელი ნია ჭითანავა იყო, მესამე ადგილზე კი ხობელი მარიამ…
იხილე მეტი
ფოთში მცხოვრები ზურაბ გვასალია დახმარებას ითხოვს 10 02 20
პალიასტომის ქუჩაზე მცხოვრები სოციალურად დაუცველი ზურაბ გვასალია დახმარებას ითხოვს. ის მძიმე პირობებში ცხოვრობს. ხოლო გუშინდელმა უამინდობამ მდგომარეობა კიდევ უფრო გაუსაძლისი გახადა. მას სახლში ელემენტარული პირობები არ გააჩნია. ფანჯრებს მინები არა აქვს, სახურავიდან წყალი ატანს. აღნიშნულ საკითხთან დაკავშირებით ფოთის ჯანმრთელობისა და სოციალური დაცვის სამსახურს მივმართეთ. მაია მაკლათიას განცხადებით ზურაბ გვასალიამ მათ წერილობით უკვე მიმართა. და აღნიშნული პრობლემის გადასაჭრელად მუშაობა უკვე დაწყებულია. თუ როგორ გადაწყდება ზურაბ გვასალიას პრობლემა, ჩვენი გადამღები ჯგუფი აღნიშნულ საკითხს კვლავ დაუბრუნდება.
იხილე მეტი