ფოთის საზოგადოებრივი ჯანდაცვის ცენტრის ინფორმაციით, ფოთში წითელას ვირუსის 9 შემთხვევა დაფიქსირდა. ჯანდაცვის ცენტრის საზოგადოებასთან ურთიერთობის საკითხებში, ნინო ლეფსაიას განცხადებით, პაციენტები მკურნალობას სახლის პირობებში გადიან. მათ შორის ერთ-ერთი მოზარდია, დანარჩენების ასაკი კი 30-დან 59 წლამდეა. წითელას ვაქცინაციის გაკეთება ნებისმიერ ადამიანს ქალაქის კლინიკებში უფასოდ შეუძლია. რაც შეეხება გრიპის ვირუსს, ფოთის ჯანდაცვის ცენტრის ბოლო მონაცემებით, ამბულატორიულმა მომართვიანობამ საგრძნობლად იკლო. ამჯერად გრიპის მაგვარი დაავადებით ფოთის სხვადასხვა სამედიცინო დაწესებულებებში სტაციონალურ მკურნალობას 11 პაციენტი გადის. მათი მდგომარეობა სტაბილურია. ცნობისათვის, წითელა მწვავე ინფექციური ვირუსული დაავადება, რომელსაც ახასიათებს ტემპერატურის აწევა, ინტოქსიკაცია, ზემო სასუნთქი გზებისა და თვალის ლორწოვანი გარსების…

იხილე მეტი

“კურსორის” სტუმარი, მერის მოადგილე გიორგი ფარეშიშვილი, ევროკავშირის მიერ დაფინანსებული საგრანტო პროექტის ამოცანებსა და მნიშვნელობაზე საუბრობს. 3 წლიანი პროექტი ფოთისა და აბაშის მინიციპალიტეტში თვითმმართველობის მუშაობის გამჭვირვალობისა და საჯაროობის უზრუნველყოფას ისახავს მიზნად. პროექტის ფარგლებში, ფოთის მუნიციპალიტეტი 345 ათას ევროს მიიღებს.

იხილე მეტი

„ფიროსმანი“, ასე ქვია თოჯინურ სპექტაკლს, რომელიც ფოთის ვალერიან გუნიას სახელობის სახელმწიფო პროფესიულმა თეატრმა, ქალაქის ცენტრალურ ბიბლიოთეკაში დღეს მაყურებელის წინაშე წარადგინა. თოჯინების სპექტაქლი აქციის ფარგლებში ,,თეატრი მოდის თქვეთან” ჩატარდა. სპექტაკლის რეჟისორია ელენე მაცხონაშვილი; თოჯინების მხატვარი – ვახო ქორიძე, ხოლო სცენოგრაფი – გურამ მაცხონაშვილი. სპექტაკლში მსახიობები, ანა ანდღულაძე, ირაკლი კვერღელიძე, ალიკა ცეკვაშვილი და ნიკა კვარაცხელია მონაწილეობენ. თოჯინური სპექტაკლი მოზარდი და უფროსი თაობის მაყურებლებისთვისაა გათვლილი.ის ფიროსმანის გარდაცვალებიდან 100 წლის თავს მიეძღვნა. როგორც თეატრის წარმომადგენლებმა აღნიშნეს, აქციის ფარგლებში დაგეგმილია სხვადასხვა ორგანიზაციებში სპექტაკლის გამართვა.

იხილე მეტი

დღეს, ფოთის მუნიციპალიტეტის საკრებულოს სხდომათა დარბაზში, ევროკავშირის მიერ დაფინანსებული საგრანტო პროექტის პრეზენტაცია გაიმართა. მერის მოადგილე, გიორგი ფარეშიშვილმა, საკრებულოს წევრებთან, არასამთავრობო ორგანიზაციებთნ და სამოქალაქო სექტორთან შეხვედრისას, პროექტის ამოცანებსა და მნიშვნელობაზე ისაუბრა. მისი თქმით, პროექტის შექმნის წინაპირობა ადგილობრივი თვითმმართველობის ინდექსის კვლევა გახდა. 3 წლიანი პროექტი ფოთისა და აბაშის მინიციპალიტეტში თვითმმართველობის მუშაობის გამჭვირვალობისა და საჯაროობის უზრუნველყოფას ისახავს მიზნად. პროექტის ფარგლებში, ფოთის მუნიციპალიტეტი 345 ათას ევროს მიიღებს. გიორგი ფარეშიშვილის თქმით, პროექტი ასევე ითვალიწინებს ქვე გრანტების გაცემას.

იხილე მეტი

ხმაური იყო დღეს ფოთის აგრარულ ბაზარში. როგორც შ.პ.ს „კოლხა 97“-ის წარმომადგენლებმა განაცხადეს, სურსათის ეროვნულმა სააგენტომ რძისა და რძის პროდუქტების განყოფილების დახურვა მოითხოვა, რადგან ის საერთაშორისო სტანდარტებს არ პასუხობს. ცნობისათვის, სურსათის ეროვნულმა სააგენტომ გუშინ ფოთის აგრარულ ბაზარში, ხორცისა და რძის ნაწარმის, ასევე განსაკუთრებით მალფუჭებადი პროდუქტების ინსპექტირება, შემოწმება განახორციელა. შედეგად შ.პ.ს „კოლხა 97“ ათასი ლარით დაჯარიმდა.„კოლხა 97“ -ის მეპატრონეების თქმით, მათთვის წინასწარ არ უცნობებიათ, რომ ჯარიმის გადახდამდე ბაზარი უნდა დაეკეტილიყო.

იხილე მეტი

2019 წლის 16-17 იანვარს, საკონსულტაციო შეხვედრა, სპეციფიკური ნარჩენების მართვაში ჩართული კერძო კომპანიების, შესაბამისი სახელმწიფო უწყებების, დონორების და სამოქალაქო სექტორის 150-ზე მეტ წარმომადგენელთან გაიმართა. შეხვედრა მიზნად ისახავდა მწარმოებლის გაფართოებულ ვალდებულებას, დაქვემდებარებული სპეციფიკური ნარჩენების მართვის, ტექნიკური რეგლამენტების პროექტების წარდგენას და განხილვას. გარემოს დაცვისა და სოფლის მეურნეობის სამინისტროსა და ევროკავშირის ტექნიკური დახმარების პროექტის წარმომადგენლებმა, ხაზი გაუსვეს მწარმოებლის გაფართოებული ვალდებულების მნიშვნელობას, სპეციფიკური ნარჩენების ეფექტურ მართვაში. თითოელი საკითხის გარშემო გაიმართა დისკუსია, გამოითქვა შენიშვნები და რეკომენდაციები. ზემოაღნიშნული შეხვედრები საქართველოს გარემოს დაცვისა და სოფლის მეურნეობის სამინისტროს ინიციატივით და ევროკავშირის მხარდაჭერით გაიმართა.

იხილე მეტი

ფოთის ახალგაზრდული საბჭო, რომელიც 2013 წლიდან არსებობს, მორიგი აქტივობისთვის ემზადება. ორგანიზაცია, ინგლისური ცოდნის გასაღრმავებლად, უფასო სამთვიანი კურსებისთვის 14-დან 30 წლამდე მსურველთა რეგიტრაციას იწყებს. სწავლება კი 3 თებერვლიდან დაიწყება. კურსანტები, ინგლისურად მეტყველების დასახვეწად და სმენის უნარ-ჩვევების გასაუმჯობესებლად, სწავლების პროცესში გაეცნობიან, ინგლისელი კლასიკოსების ნაწარმოებებს. პროგრამაში შედის ინგლისურ ენაზე ფილმების ჩვენებაა, ასევე შეცდომების გასწორება, რომელსაც უცხოელები ინგლისური ენის შესწავლისას უშვებენ. ფოთის ახლაგაზრდული საბჭო შვედეთის ქალაქ ოსტამარის წარმომადგენლების მხარდამჭერით დაარსდა. ქალაქთან აქტიური თანამშრომლობით კი, ოცამდე ღონისძიება და პროექტი განახორციელეს. ორწლიანი პაუზის შემდეგ, ორგანიზაცია ახალი გუნდის ჩამოყალიბების პროცესშია.

იხილე მეტი

დღეს ფოთის აგრარულ ბაზარში, სურსათის ეროვნული სააგენტოს წარმომადგენლები იმყოფებოდნენ. მათ ხორცისა და რძის ნაწარმის, ასევე განსაკუთრებით მალფუჭებადი პროდუქტების ინსპექტირება, შემოწმება განახორციელეს. გაეცნენ სანიტარულ ნორმებს. როგორც ქალაქის ზედამხედველობის სამსახურში განაცხადეს, გამოვლენილ იქნა რამოდენიმე დარღვევა და შესაბამისი ღონისძიებები გატარდა.

იხილე მეტი

გლოვის დღესთან დაკავშირებით, ფოთის მუნიციპალიტეტის მერიის ადმინისტრაციის შენობაზე, სახელმწიფო დროშა დაშვებულია. პრემიერ-მინისტრ მამუკა ბახტაძის გადაწყვეტილებით, თბილისში, ბუნებრივი აირის გაჟონვის შედეგად დატრიალებული ტრაგედიის გამო, 17 იანვარი გლოვის დღედ გამოცხადდა

იხილე მეტი

გუშინ ღამით, ხობის მუნიციპალიტეტის სოფელ ჭალადიდში მომხდარი ავტოსაგზაო შემთხვევის შედეგად, 65 წლის მამაკაცი ადგილზე გარდაიცვალა, სამი კი დაშავდა. არსებული ინფორმაციით, ,,სუბარუს“ მარკის ავტომობილის მძღოლმა საჭე ვერ დაიმორჩილა და ავტომანქანა არხში ჩავარდა. თვითმხოლველის თქმით, მანაქანაში ერთი ოჯახის 5 წევრი და მეზობელი იმყოფებოდა, რომელიც გარდაიცვალა. ავარიის შედეგად დაშავებული ერთი პაციენტის მდგომარეობა მძიმეა, ორი კი ქუთაისის სამედიცინო ცენტრში გადაიყვანეს, ამის შესახებ ფოთის ცენტრალური საავადმყოფოს დირექტორმა, თეა მიგინეიშვილმა განაცხადა. მისივე თქმით, სამივე პაციენტს ყველა შესაბამისი გამოკვლევა ჩაუტარდა. შინაგან საქმეთა სამინისტრომ მომხდარზე გამოძიება სს კოდექსის 276-ე მუხლის მეხუთე ნაწილით დაიწყო, რაც ტრანსპორტის მოძრაობის უსაფრთხოების ან…

იხილე მეტი